કાલોલ તાલુકાના ફણસી ગામના મોટું ફળિયું વિસ્તારમાં ગત રવિવારે રાત્રે ગાળો બોલવાની ના પાડવા જેવી સામાન્ય બાબતમાં ચાર શખ્સોએ એક યુવક પર લાકડીઓ અને લોખંડની પાઇપ વડે જીવલેણ હુમલો કર્યો હોવાની ઘટના સામે આવી છે. આ હુમલામાં માથાના ભાગે ગંભીર ઈજાઓ થતાં ૨૨ વર્ષીય ઈજાગ્રસ્ત યુવક સુનીલકુમારને વધુ સારવાર અર્થે અમદાવાદ સિવિલ હોસ્પિટલ ખસેડવામાં આવ્યો છે. મળતી માહિતી મુજબ, સુનીલકુમાર પોતાના ઘરના આંગણામાં ઊભો હતો ત્યારે ફળિયામાં જ રહેતા ચાર શખ્સો તેના ઘર આગળ ઊભા રહીને જોરજોરથી ખરાબ ગાળો બોલી રહ્યા હતા. સુનીલકુમારે તેઓને ગાળો બોલવાની ના પાડતા આરોપીઓ એકદમ ઉશ્કેરાઈ ગયા હતા અને હાથમાં લાકડીઓ તથા લોખંડની પાઇપ લઈને દોડી આવ્યા હતા. આ હુમલામાં ઉમેશકુમાર નામના શખ્સે લોખંડની પાઇપ સુનીલકુમારના માથામાં મારી દેતા તે લોહીલુહાણ થઈને નીચે ઢળી પડ્યો હતો. પુત્રને બચાવવા વચ્ચે પડેલા તેના માતા સંગીતાબેનને પણ આરોપીઓએ ગડદાપાટુનો માર માર્યો હતો. આસપાસના લોકો દોડી આવતા હુમલાખોરો જાનથી મારી નાખવાની ધમકી આપીને ત્યાંથી ભાગી છૂટ્યા હતા. ત્યારબાદ ઈજાગ્રસ્ત યુવકને ૧૦૮ એમ્બ્યુલન્સ મારફતે ગોધરા સિવિલ હોસ્પિટલ અને ત્યાંથી વધુ સારવાર માટે અમદાવાદ સિવિલ હોસ્પિટલ ખાતે રીફર કરાયો હતો. આ ઘટના સંદર્ભે ઈજાગ્રસ્તના પિતા ભગવાનસિંહ જાદવે વેજલપુર પોલીસ સ્ટેશનમાં ફરિયાદ નોંધાવી છે. પોલીસે ફણસી ગામના જ ચાર આરોપીઓ વિષ્ણુભાઈ વખતસિંહ ચાવડા, ઈશ્વરભાઈ વિનોદભાઈ ચાવડા, ઉમેશકુમાર વિક્રમસિંહ ચાવડા અને ભરતસિંહ બળવંતસિંહ ચાવડા સામે ભારતીય નાગરિક સુરક્ષા સંહિતાની કલમ ૧૧૫(૨), ૩૫૨, ૩૫૧(૨), ૫૪ હેઠળ ગુનો નોંધી વધુ તપાસ હાથ ધરી છે.

Virendra Mehta

Classified ads newspaper publisher Kalol, Panch Mahals•

2 hrs ago

કાલોલ તાલુકાના ફણસી ગામના મોટું ફળિયું વિસ્તારમાં ગત રવિવારે રાત્રે ગાળો બોલવાની ના પાડવા જેવી સામાન્ય બાબતમાં ચાર શખ્સોએ એક યુવક પર લાકડીઓ અને લોખંડની પાઇપ વડે જીવલેણ હુમલો કર્યો હોવાની ઘટના સામે આવી છે. આ હુમલામાં માથાના ભાગે ગંભીર ઈજાઓ થતાં ૨૨ વર્ષીય ઈજાગ્રસ્ત યુવક સુનીલકુમારને વધુ સારવાર અર્થે અમદાવાદ સિવિલ હોસ્પિટલ ખસેડવામાં આવ્યો છે. મળતી માહિતી મુજબ, સુનીલકુમાર પોતાના ઘરના આંગણામાં ઊભો હતો ત્યારે ફળિયામાં જ રહેતા ચાર શખ્સો તેના ઘર આગળ ઊભા રહીને જોરજોરથી ખરાબ ગાળો બોલી રહ્યા હતા. સુનીલકુમારે તેઓને ગાળો બોલવાની ના પાડતા આરોપીઓ એકદમ ઉશ્કેરાઈ ગયા હતા અને હાથમાં લાકડીઓ તથા લોખંડની પાઇપ લઈને દોડી આવ્યા હતા. આ હુમલામાં ઉમેશકુમાર નામના શખ્સે લોખંડની પાઇપ સુનીલકુમારના માથામાં મારી દેતા તે લોહીલુહાણ થઈને નીચે ઢળી પડ્યો હતો. પુત્રને બચાવવા વચ્ચે પડેલા તેના માતા સંગીતાબેનને પણ આરોપીઓએ ગડદાપાટુનો માર માર્યો હતો. આસપાસના લોકો દોડી આવતા હુમલાખોરો જાનથી મારી નાખવાની ધમકી આપીને ત્યાંથી ભાગી છૂટ્યા હતા. ત્યારબાદ ઈજાગ્રસ્ત યુવકને ૧૦૮ એમ્બ્યુલન્સ મારફતે ગોધરા સિવિલ હોસ્પિટલ અને ત્યાંથી વધુ સારવાર માટે અમદાવાદ સિવિલ હોસ્પિટલ ખાતે રીફર કરાયો હતો. આ ઘટના સંદર્ભે ઈજાગ્રસ્તના પિતા ભગવાનસિંહ જાદવે વેજલપુર પોલીસ સ્ટેશનમાં ફરિયાદ નોંધાવી છે. પોલીસે ફણસી ગામના જ ચાર આરોપીઓ વિષ્ણુભાઈ વખતસિંહ ચાવડા, ઈશ્વરભાઈ વિનોદભાઈ ચાવડા, ઉમેશકુમાર વિક્રમસિંહ ચાવડા અને ભરતસિંહ બળવંતસિંહ ચાવડા સામે ભારતીય નાગરિક સુરક્ષા સંહિતાની કલમ ૧૧૫(૨), ૩૫૨, ૩૫૧(૨), ૫૪ હેઠળ ગુનો નોંધી વધુ તપાસ હાથ ધરી છે.