लग्नसोहळा आठ दिवसांवर, तयारी सुरू असतानाच नवरदेव कोसळला; वरातीऐवजी अंत्ययात्रा निघाली, कुटुंबाला धक्का लग्नसोहळा म्हटलं की, लगीन घरी तयारीची धामधूम सुरू असते. खरेदीसह इतर बाबींमध्ये कुटुंबातील सदस्यांचा दिवसभराचा वेळ जात असतो. मात्र लग्न घरी आनंदाचं वातावरण असताना अक्षय्य तृतीयेच्या दिवशीच नवरदेवाचा मृत्यू झाल्याची घटना जळगाव जिल्ह्यात घडली आहे.लग्नसोहळा आठ दिवसांवर आलेला असताना नवरदेवाचे हृदयविकाराच्या तीव्र झटक्याने निधन झाल्याने कुटुंबियांच्या आनंदावर विर्जन पडले. जळगाव जिल्ह्यातील वरणगाव येथील भोईवाडा परिसरात राहणाऱ्या रितेश रवींद्र सोनवणे (वय 30) यांचे अक्षय्य तृतीयेच्या दिवशी सकाळी साडेसात वाजता हृदयविकाराच्या झटक्याने निधन झाले. त्यामुळे सोनवणे परिवारावर दुःखाचा डोंगर कोसळला आहे. मिळालेल्या माहितीनुसार, रितेश सोनवणे यांचा विवाह 28 एप्रिल रोजी बुलढाणा जिल्ह्यातील मलकापूर येथील देवबादा गावातील पांडुरंग बोरसे यांच्या मुलीसोबत निश्चित झाला होता. त्यामुळे आठ दिवस लग्नाला बाकी असताना रितेश सोनवणे यांची धावपळ सुरू होती. मात्र नियतीच्या मनात वेगळंच काहीतरी होतं. सकाळी साडेसात वाजता रितेश यांचा हृदयविकाराच्या तीव्र झटक्याने निधन झाले. छातीत दुखू लागल्यानंतर ते घरात कोसळले आणि त्यानंतर कुटुंबियांनी त्यांना उपचारासाठी दवाखान्यात दाखल केले असता डॉक्टरांनी मयत घोषित केले.

अरबाज शेख

Voice of people कन्नड, औरंगाबाद, महाराष्ट्र•

11 hrs ago

लग्नसोहळा आठ दिवसांवर, तयारी सुरू असतानाच नवरदेव कोसळला; वरातीऐवजी अंत्ययात्रा निघाली, कुटुंबाला धक्का लग्नसोहळा म्हटलं की, लगीन घरी तयारीची धामधूम सुरू असते. खरेदीसह इतर बाबींमध्ये कुटुंबातील सदस्यांचा दिवसभराचा वेळ जात असतो. मात्र लग्न घरी आनंदाचं वातावरण असताना अक्षय्य तृतीयेच्या दिवशीच नवरदेवाचा मृत्यू झाल्याची घटना जळगाव जिल्ह्यात घडली आहे.लग्नसोहळा आठ दिवसांवर आलेला असताना नवरदेवाचे हृदयविकाराच्या तीव्र झटक्याने निधन झाल्याने कुटुंबियांच्या आनंदावर विर्जन पडले. जळगाव जिल्ह्यातील वरणगाव येथील भोईवाडा परिसरात राहणाऱ्या रितेश रवींद्र सोनवणे (वय 30) यांचे अक्षय्य तृतीयेच्या दिवशी सकाळी साडेसात वाजता हृदयविकाराच्या झटक्याने निधन झाले. त्यामुळे सोनवणे परिवारावर दुःखाचा डोंगर कोसळला आहे. मिळालेल्या माहितीनुसार, रितेश सोनवणे यांचा विवाह 28 एप्रिल रोजी बुलढाणा जिल्ह्यातील मलकापूर येथील देवबादा गावातील पांडुरंग बोरसे यांच्या मुलीसोबत निश्चित झाला होता. त्यामुळे आठ दिवस लग्नाला बाकी असताना रितेश सोनवणे यांची धावपळ सुरू होती. मात्र नियतीच्या मनात वेगळंच काहीतरी होतं. सकाळी साडेसात वाजता रितेश यांचा हृदयविकाराच्या तीव्र झटक्याने निधन झाले. छातीत दुखू लागल्यानंतर ते घरात कोसळले आणि त्यानंतर कुटुंबियांनी त्यांना उपचारासाठी दवाखान्यात दाखल केले असता डॉक्टरांनी मयत घोषित केले.