'ലഹരി മുക്തഅറക്കുളം' എന്ന ടാഗ് ലൈനോടെ എക്സൈസ് ഡിപ്പാർട്ട്മെൻ്റിൻ്റെ ലഹരി വിരുദ്ധ പരിപാടിയായ 'ഓപ്പറേഷൻ തണ്ടറിന്' അറക്കുളത്ത് തുടക്കമായി. അറക്കുളം ജയ്ഹിന്ദ് ലൈബ്രറിയിൽ നടന്ന വായനാ വാരാചരണത്തിലാണ് ഈ സംരംഭത്തിന് തുടക്കം കുറിച്ചത്. പരിപാടിയുടെ ഭാഗമായി സിവിൽ എക്സൈസ് ഓഫീസർ ടിറ്റോ കുട്ടികൾക്കും രക്ഷിതാക്കൾക്കുമായി ബോധവൽക്കരണ ക്ലാസ്സുകൾ നയിച്ചു. കുട്ടികളുടെ കലാപരിപാടികളും പുസ്തക പ്രദർശനവും പരിപാടിക്ക് ആകർഷകത്വം നൽകി. ജയ് ഹിന്ദ് ലൈബ്രറി സെക്രട്ടറി കെ.ടി.മോഹനന്റെ അധ്യക്ഷതയിൽ നടന്ന ചടങ്ങ് ലൈബ്രറി കൗൺസിൽ താലൂക്ക് എക്സിക്യൂട്ടീവ് കമ്മറ്റിയംഗം ഫ്രാൻസിസ് കരിമ്പാനി ഉദ്ഘാടനം ചെയ്തു. മുൻ അറക്കുളം പഞ്ചായത്ത് പ്രസിഡന്റ് ബ്രിജിത്ത് സിറിയക്ക് മുഖ്യ പ്രഭാഷണം നടത്തുകയും, റിട്ടയേർഡ് അധ്യാപിക കൊച്ചുറാണി ജോയി കുട്ടികൾക്ക് ജീവിത വിജയത്തിനുള്ള മാർഗ്ഗനിർദ്ദേശങ്ങൾ നൽകുകയും ചെയ്തു. ലൈബ്രറി കൗൺസിൽ താലൂക്ക് കമ്മറ്റിയംഗങ്ങളായ ഏ.എൻ മോഹനൻ, ജി.മോഹനൻ എന്നിവർ സംസാരിച്ചു. ലൈബ്രറി കമ്മറ്റിയംഗങ്ങളായ എസ്.എൻ.സുഭാഷ്, എസ്.ശ്രീവൽസലൻ, ബിജു ജോർജ്, അനിത സജീവ്, ആര്യ മനു എന്നിവർ പരിപാടികൾക്ക് നേതൃത്വം നൽകി.
'ലഹരി മുക്തഅറക്കുളം' എന്ന ടാഗ് ലൈനോടെ എക്സൈസ് ഡിപ്പാർട്ട്മെൻ്റിൻ്റെ ലഹരി വിരുദ്ധ പരിപാടിയായ 'ഓപ്പറേഷൻ തണ്ടറിന്' അറക്കുളത്ത് തുടക്കമായി. അറക്കുളം ജയ്ഹിന്ദ് ലൈബ്രറിയിൽ നടന്ന വായനാ വാരാചരണത്തിലാണ് ഈ സംരംഭത്തിന് തുടക്കം കുറിച്ചത്. പരിപാടിയുടെ ഭാഗമായി സിവിൽ എക്സൈസ് ഓഫീസർ ടിറ്റോ കുട്ടികൾക്കും രക്ഷിതാക്കൾക്കുമായി ബോധവൽക്കരണ ക്ലാസ്സുകൾ നയിച്ചു. കുട്ടികളുടെ കലാപരിപാടികളും പുസ്തക പ്രദർശനവും പരിപാടിക്ക് ആകർഷകത്വം നൽകി. ജയ് ഹിന്ദ് ലൈബ്രറി സെക്രട്ടറി കെ.ടി.മോഹനന്റെ അധ്യക്ഷതയിൽ നടന്ന ചടങ്ങ് ലൈബ്രറി കൗൺസിൽ താലൂക്ക് എക്സിക്യൂട്ടീവ് കമ്മറ്റിയംഗം ഫ്രാൻസിസ് കരിമ്പാനി ഉദ്ഘാടനം ചെയ്തു. മുൻ അറക്കുളം പഞ്ചായത്ത് പ്രസിഡന്റ് ബ്രിജിത്ത് സിറിയക്ക് മുഖ്യ പ്രഭാഷണം നടത്തുകയും, റിട്ടയേർഡ് അധ്യാപിക കൊച്ചുറാണി ജോയി കുട്ടികൾക്ക് ജീവിത വിജയത്തിനുള്ള മാർഗ്ഗനിർദ്ദേശങ്ങൾ നൽകുകയും ചെയ്തു. ലൈബ്രറി കൗൺസിൽ താലൂക്ക് കമ്മറ്റിയംഗങ്ങളായ ഏ.എൻ മോഹനൻ, ജി.മോഹനൻ എന്നിവർ സംസാരിച്ചു. ലൈബ്രറി കമ്മറ്റിയംഗങ്ങളായ എസ്.എൻ.സുഭാഷ്, എസ്.ശ്രീവൽസലൻ, ബിജു ജോർജ്, അനിത സജീവ്, ആര്യ മനു എന്നിവർ പരിപാടികൾക്ക് നേതൃത്വം നൽകി.
