महाराष्ट्रातील वर्ध्यात अखिल भारतीय जनवादी महिला संघटनेच्या वतीने महात्मा गांधी पुतळ्याजवळ विविध प्रलंबित मागण्यांसाठी केंद्र आणि राज्य सरकारच्या विरोधात जोरदार निदर्शने व आक्रमक घोषणाबाजी करण्यात आली. या आंदोलनात मोठ्या संख्येने महिलांनी सहभाग नोंदवला. आंदोलकांनी लोकसभा आणि विधानसभेत महिलांना मंजूर झालेल्या ३३ टक्के आरक्षणाची तातडीने अंमलबजावणी करण्याची मुख्य मागणी केली. याशिवाय 'लाडकी बहीण' योजनेत अपात्र ठरविण्यात आलेल्या महिलांना पुन्हा पात्र करून त्यांना दरमहा २१०० रुपये देण्यात यावेत, अशी मागणीही लावून धरण्यात आली. दिल्लीतील जंतरमंतर येथे आंदोलन करणाऱ्या विद्यार्थ्यांवर झालेल्या लाठीचार्जचा तीव्र निषेध नोंदवत विद्यार्थ्यांच्या प्रलंबित मागण्या तातडीने सोडवाव्यात आणि महिलांवर सातत्याने होणाऱ्या अन्याय-अत्याचारांविरोधात ठोस उपाययोजना कराव्यात, अशी ठाम भूमिका संघटनेने घेतली. आंदोलनानंतर जिल्हाधिकाऱ्यांमार्फत राष्ट्रपती आणि पंतप्रधानांना मागण्यांचे निवेदन पाठविण्यात आले.

Ravi yenorkar PRESS -IN BCN NEWS

हिंगणघाट, वर्धा, महाराष्ट्र•

16 hrs ago

महाराष्ट्रातील वर्ध्यात अखिल भारतीय जनवादी महिला संघटनेच्या वतीने महात्मा गांधी पुतळ्याजवळ विविध प्रलंबित मागण्यांसाठी केंद्र आणि राज्य सरकारच्या विरोधात जोरदार निदर्शने व आक्रमक घोषणाबाजी करण्यात आली. या आंदोलनात मोठ्या संख्येने महिलांनी सहभाग नोंदवला. आंदोलकांनी लोकसभा आणि विधानसभेत महिलांना मंजूर झालेल्या ३३ टक्के आरक्षणाची तातडीने अंमलबजावणी करण्याची मुख्य मागणी केली. याशिवाय 'लाडकी बहीण' योजनेत अपात्र ठरविण्यात आलेल्या महिलांना पुन्हा पात्र करून त्यांना दरमहा २१०० रुपये देण्यात यावेत, अशी मागणीही लावून धरण्यात आली. दिल्लीतील जंतरमंतर येथे आंदोलन करणाऱ्या विद्यार्थ्यांवर झालेल्या लाठीचार्जचा तीव्र निषेध नोंदवत विद्यार्थ्यांच्या प्रलंबित मागण्या तातडीने सोडवाव्यात आणि महिलांवर सातत्याने होणाऱ्या अन्याय-अत्याचारांविरोधात ठोस उपाययोजना कराव्यात, अशी ठाम भूमिका संघटनेने घेतली. आंदोलनानंतर जिल्हाधिकाऱ्यांमार्फत राष्ट्रपती आणि पंतप्रधानांना मागण्यांचे निवेदन पाठविण्यात आले.