विद्यार्थ्यांना योग्य करिअर दिशा मिळावी, शिक्षणातील विविध संधींची माहिती व्हावी आणि बदलत्या काळातील आव्हानांना सामोरे जाण्याची तयारी व्हावी या उद्देशाने आगरी समाज संस्था, अलिबाग यांच्या वतीने शनिवार, २० जून २०२६ रोजी IES शाळा, वरसोली येथे करिअर व शैक्षणिक मार्गदर्शन अभियानाचा उत्साहात शुभारंभ करण्यात आला. या कार्यक्रमाचे उद्घाटन उपशिक्षणाधिकारी श्री. सुनील भोपळे यांच्या प्रमुख उपस्थितीत वृक्षारोपण करून करण्यात आले, यावेळी विद्यार्थ्यांना शैक्षणिक किटचे वाटपही करण्यात आले. आगरी समाज संस्थेचे अध्यक्ष श्री. निलेश पाटील यांनी विद्यार्थ्यांना छंद आणि करिअर यांमधील फरक स्पष्ट करत आवडी, क्षमता व कौशल्यानुसार करिअर निवडण्याचे आवाहन केले. त्यांनी या अभियानाचा सामाजिक उद्देशही मांडला. उपशिक्षणाधिकारी श्री. सुनील भोपळे यांनी यशासाठी कठोर परिश्रम, सातत्य आणि दृढ इच्छाशक्तीचे महत्त्व पटवून दिले. प्रमुख मार्गदर्शक श्री. मिलिंद धोदरे यांनी दहावी व बारावीनंतरचे विविध शैक्षणिक शाखा, व्यावसायिक अभ्यासक्रम, स्पर्धा परीक्षा, शिष्यवृत्ती योजना आणि करिअरच्या अनेक पर्यायांबाबत सविस्तर मार्गदर्शन केले, तसेच कृत्रिम बुद्धिमत्ता (AI) सारख्या नव्या तंत्रज्ञानामुळे निर्माण होणारी आव्हाने व त्यासाठी आवश्यक कौशल्यांवरही प्रकाश टाकला. या अभियानाची सुरुवात IES शाळा, वरसोलीसारख्या सुंदर, स्वच्छ व शिस्तबद्ध शैक्षणिक वातावरणात झाल्याबद्दल संस्थेने समाधान व्यक्त केले. शाळेचे मुख्याध्यापक श्री. किरण पाटील, सर्व शिक्षकवृंद आणि शिक्षकेतर कर्मचाऱ्यांचे या कार्यक्रमासाठी विशेष सहकार्य लाभले. आगरी समाज संस्थेचे उपाध्यक्ष श्री. सुनिल तांबडकर, मार्गदर्शक श्री. अनंत म्हात्रे, श्री. उदय म्हात्रे, श्री. तुषार थळे, श्री. मनोहर पाटील व युवा कार्यकर्ते कु. श्रेयस प्रभाकर ठाकूर यांनी उपस्थित राहून विद्यार्थ्यांना प्रोत्साहन दिले. शैक्षणिक कार्यक्रम समितीचे श्री. मिलिंद धोदरे, श्री. राजेंद्र पाटील, सौ. शुभांगी म्हात्रे, श्री. शशिकांत मिठागरी, श्री. जयवंत पाटील व श्री. प्रकाश मिठागरी यांनी कार्यक्रमाच्या यशस्वी आयोजनासाठी विशेष परिश्रम घेतले. संस्थेच्या कार्यकारिणी सदस्य, देणगीदार, सभासद आणि हितचिंतकांच्या सहकार्यामुळेच हा उपक्रम यशस्वीपणे सुरू झाल्याची भावना व्यक्त करण्यात आली. या अभियानांतर्गत अलिबाग तालुक्यातील सुमारे ५५ दहावी व बारावीच्या शाळांमध्ये जाऊन विद्यार्थ्यांना करिअर, उच्च शिक्षण, स्पर्धा परीक्षा, शिष्यवृत्ती व आधुनिक तंत्रज्ञानाच्या संधींबाबत मार्गदर्शन करण्यात येणार आहे. संस्थेचा हा उपक्रम जानेवारी २०२७ पर्यंत पूर्ण करण्याचा संकल्प आहे. कार्यक्रमादरम्यान आगरी समाज संस्थेने विद्यार्थ्यांच्या करिअर निवडीमध्ये पालकांची भूमिकाही तितकीच महत्त्वाची असल्याचे सांगितले. त्यांनी पालकांनाही या मार्गदर्शन कार्यक्रमात सक्रिय सहभागी होऊन आपल्या पाल्यांना योग्य दिशा देण्यासाठी सहकार्य करण्याचे आवाहन केले. शिक्षणाच्या माध्यमातून विद्यार्थ्यांच्या स्वप्नांना दिशा देण्याच्या आगरी समाज संस्थेच्या या प्रयत्नाचे सर्व स्तरातून कौतुक होत आहे.

Pallavi Patil, निवासी संपादक

Lawyer नागपूर (शहरी), नागपूर, महाराष्ट्र•

5 hrs ago

विद्यार्थ्यांना योग्य करिअर दिशा मिळावी, शिक्षणातील विविध संधींची माहिती व्हावी आणि बदलत्या काळातील आव्हानांना सामोरे जाण्याची तयारी व्हावी या उद्देशाने आगरी समाज संस्था, अलिबाग यांच्या वतीने शनिवार, २० जून २०२६ रोजी IES शाळा, वरसोली येथे करिअर व शैक्षणिक मार्गदर्शन अभियानाचा उत्साहात शुभारंभ करण्यात आला. या कार्यक्रमाचे उद्घाटन उपशिक्षणाधिकारी श्री. सुनील भोपळे यांच्या प्रमुख उपस्थितीत वृक्षारोपण करून करण्यात आले, यावेळी विद्यार्थ्यांना शैक्षणिक किटचे वाटपही करण्यात आले. आगरी समाज संस्थेचे अध्यक्ष श्री. निलेश पाटील यांनी विद्यार्थ्यांना छंद आणि करिअर यांमधील फरक स्पष्ट करत आवडी, क्षमता व कौशल्यानुसार करिअर निवडण्याचे आवाहन केले. त्यांनी या अभियानाचा सामाजिक उद्देशही मांडला. उपशिक्षणाधिकारी श्री. सुनील भोपळे यांनी यशासाठी कठोर परिश्रम, सातत्य आणि दृढ इच्छाशक्तीचे महत्त्व पटवून दिले. प्रमुख मार्गदर्शक श्री. मिलिंद धोदरे यांनी दहावी व बारावीनंतरचे विविध शैक्षणिक शाखा, व्यावसायिक अभ्यासक्रम, स्पर्धा परीक्षा, शिष्यवृत्ती योजना आणि करिअरच्या अनेक पर्यायांबाबत सविस्तर मार्गदर्शन केले, तसेच कृत्रिम बुद्धिमत्ता (AI) सारख्या नव्या तंत्रज्ञानामुळे निर्माण होणारी आव्हाने व त्यासाठी आवश्यक कौशल्यांवरही प्रकाश टाकला. या अभियानाची सुरुवात IES शाळा, वरसोलीसारख्या सुंदर, स्वच्छ व शिस्तबद्ध शैक्षणिक वातावरणात झाल्याबद्दल संस्थेने समाधान व्यक्त केले. शाळेचे मुख्याध्यापक श्री. किरण पाटील, सर्व शिक्षकवृंद आणि शिक्षकेतर कर्मचाऱ्यांचे या कार्यक्रमासाठी विशेष सहकार्य लाभले. आगरी समाज संस्थेचे उपाध्यक्ष श्री. सुनिल तांबडकर, मार्गदर्शक श्री. अनंत म्हात्रे, श्री. उदय म्हात्रे, श्री. तुषार थळे, श्री. मनोहर पाटील व युवा कार्यकर्ते कु. श्रेयस प्रभाकर ठाकूर यांनी उपस्थित राहून विद्यार्थ्यांना प्रोत्साहन दिले. शैक्षणिक कार्यक्रम समितीचे श्री. मिलिंद धोदरे, श्री. राजेंद्र पाटील, सौ. शुभांगी म्हात्रे, श्री. शशिकांत मिठागरी, श्री. जयवंत पाटील व श्री. प्रकाश मिठागरी यांनी कार्यक्रमाच्या यशस्वी आयोजनासाठी विशेष परिश्रम घेतले. संस्थेच्या कार्यकारिणी सदस्य, देणगीदार, सभासद आणि हितचिंतकांच्या सहकार्यामुळेच हा उपक्रम यशस्वीपणे सुरू झाल्याची भावना व्यक्त करण्यात आली. या अभियानांतर्गत अलिबाग तालुक्यातील सुमारे ५५ दहावी व बारावीच्या शाळांमध्ये जाऊन विद्यार्थ्यांना करिअर, उच्च शिक्षण, स्पर्धा परीक्षा, शिष्यवृत्ती व आधुनिक तंत्रज्ञानाच्या संधींबाबत मार्गदर्शन करण्यात येणार आहे. संस्थेचा हा उपक्रम जानेवारी २०२७ पर्यंत पूर्ण करण्याचा संकल्प आहे. कार्यक्रमादरम्यान आगरी समाज संस्थेने विद्यार्थ्यांच्या करिअर निवडीमध्ये पालकांची भूमिकाही तितकीच महत्त्वाची असल्याचे सांगितले. त्यांनी पालकांनाही या मार्गदर्शन कार्यक्रमात सक्रिय सहभागी होऊन आपल्या पाल्यांना योग्य दिशा देण्यासाठी सहकार्य करण्याचे आवाहन केले. शिक्षणाच्या माध्यमातून विद्यार्थ्यांच्या स्वप्नांना दिशा देण्याच्या आगरी समाज संस्थेच्या या प्रयत्नाचे सर्व स्तरातून कौतुक होत आहे.