అంగరంగ వైభవంగా ధనుర్మాస ఉత్సవాలు దమ్మాయిగూడ సీతారామ నిలయం, పీఎస్ రావు నగర్ అయ్యప్ప కాలనీలో భోజనపల్లి శ్రీనివాసాచార్యులు, సుందరాచార్య స్వామి వారి ఆధ్వర్యంలో నిర్వహిస్తున్న ధనుర్మాస మహోత్సవం భక్తిశ్రద్ధల మధ్య అంగరంగ వైభవంగా కొనసాగుతున్నాయి. ఈ మహోత్సవంలో భాగంగా కామాఖ్య సాధనామృత పీఠం వేణు శ్యామ అమ్మ ఆధ్వర్యంలో నిర్వహించిన సిరి జ్యోతి అర్చన కార్యక్రమం విశేష ఆకర్షణగా నిలిచింది. ధనుర్మాస సందర్భంగా ప్రతిరోజూ ప్రత్యేక పూజలు, విష్ణు సహస్రనామ పారాయణం, దివ్యప్రబంధ పఠనం, భజనలు, ఆధ్యాత్మిక ప్రవచనాలు ఘనంగా జరుగుతున్నాయి. ఈ సందర్భంగా వేణు శ్యామ అమ్మ మాట్లాడుతూ.. ధనుర్మాసం భక్తి, నియమం, ఆచరణలకు ప్రతీకగా నిలిచే పవిత్ర కాలమని తెలిపారు. ఈ సమయంలో చేసే పూజలు, జపాలు, అర్చనలు ఆత్మశుద్ధికి, కుటుంబ సంక్షేమానికి దోహదపడతాయని పేర్కొన్నారు. సిరి జ్యోతి అర్చన ద్వారా శుభఫలాలు సిద్ధిస్తాయని ఆమె అన్నారు. పెద్ద సంఖ్యలో భక్తులు శ్రీ సీతారామచంద్రుని దర్శించుకుంటున్నారు. ఈ కార్యక్రమాల ద్వారా ధార్మిక భావనలు, సంప్రదాయ విలువలు యువతలో మరింతగా పెంపొందుతున్నాయని నిర్వాహకులు తెలిపారు. కాలనీ వాసులు, భక్తులు విశేషంగా సహకరిస్తుండటంతో ఆలయ ప్రాంగణం నిత్యం ఆధ్యాత్మిక శోభతో అలరారుతోంది.

Journalist Madhu

Journalist కాప్రా, మేడ్చల్ మల్కాజ్‌గిరి, తెలంగాణ•

1 day ago

అంగరంగ వైభవంగా ధనుర్మాస ఉత్సవాలు దమ్మాయిగూడ సీతారామ నిలయం, పీఎస్ రావు నగర్ అయ్యప్ప కాలనీలో భోజనపల్లి శ్రీనివాసాచార్యులు, సుందరాచార్య స్వామి వారి ఆధ్వర్యంలో నిర్వహిస్తున్న ధనుర్మాస మహోత్సవం భక్తిశ్రద్ధల మధ్య అంగరంగ వైభవంగా కొనసాగుతున్నాయి. ఈ మహోత్సవంలో భాగంగా కామాఖ్య సాధనామృత పీఠం వేణు శ్యామ అమ్మ ఆధ్వర్యంలో నిర్వహించిన సిరి జ్యోతి అర్చన కార్యక్రమం విశేష ఆకర్షణగా నిలిచింది. ధనుర్మాస సందర్భంగా ప్రతిరోజూ ప్రత్యేక పూజలు, విష్ణు సహస్రనామ పారాయణం, దివ్యప్రబంధ పఠనం, భజనలు, ఆధ్యాత్మిక ప్రవచనాలు ఘనంగా జరుగుతున్నాయి. ఈ సందర్భంగా వేణు

శ్యామ అమ్మ మాట్లాడుతూ.. ధనుర్మాసం భక్తి, నియమం, ఆచరణలకు ప్రతీకగా నిలిచే పవిత్ర కాలమని తెలిపారు. ఈ సమయంలో చేసే పూజలు, జపాలు, అర్చనలు ఆత్మశుద్ధికి, కుటుంబ సంక్షేమానికి దోహదపడతాయని పేర్కొన్నారు. సిరి జ్యోతి అర్చన ద్వారా శుభఫలాలు సిద్ధిస్తాయని ఆమె అన్నారు. పెద్ద సంఖ్యలో భక్తులు శ్రీ సీతారామచంద్రుని దర్శించుకుంటున్నారు. ఈ కార్యక్రమాల ద్వారా ధార్మిక భావనలు, సంప్రదాయ విలువలు యువతలో మరింతగా పెంపొందుతున్నాయని నిర్వాహకులు తెలిపారు. కాలనీ వాసులు, భక్తులు విశేషంగా సహకరిస్తుండటంతో ఆలయ ప్రాంగణం నిత్యం ఆధ్యాత్మిక శోభతో అలరారుతోంది.