ఆషాఢ మాసం సందర్భంగా సుంకులమ్మ అమ్మవారికి ఘనంగా సారె సమర్పణ ఆలూరు: సమరసత సేవా ఫౌండేషన్ ఆధ్వర్యంలో ఆషాఢ మాసం సందర్భంగా ఆలూరులో సుంకులమ్మ అమ్మవారికి సంప్రదాయబద్ధంగా సారె సమర్పించే కార్యక్రమాన్ని ఘనంగా నిర్వహించారు. మంగళ ఆంజనేయస్వామి ఆలయం నుంచి కోటవీధిలో వెలసిన సుంకులమ్మ అమ్మవారి ఆలయం వరకు కుమేళాలు, తాళాలు, భక్తి గీతాల మధ్య మహిళలు శోభాయాత్రగా చేరుకుని అమ్మవారికి సారె సమర్పించారు. ఈ సందర్భంగా పెద్దలు మాట్లాడుతూ, ఆషాఢ మాసంలో అమ్మవారికి సారె సమర్పించడం వల్ల కుటుంబాలకు సుఖశాంతులు, ఆయురారోగ్యాలు, ఐశ్వర్యం కలుగుతాయని విశ్వాసం ఉందన్నారు. అలాగే చిన్నారులకు భారతీయ సంస్కృతి, సంప్రదాయాలు, ఆచార వ్యవహారాలను పరిచయం చేయాలనే సంకల్పంతో ఈ కార్యక్రమాన్ని నిర్వహించినట్లు నిర్వాహకులు తెలిపారు. కార్యక్రమంలో సిద్ధేశ్వర స్వామి ప్రసంగిస్తూ మహిళల పాత్ర, భారతీయ సంస్కృతి, సంప్రదాయాల పరిరక్షణ యొక్క ప్రాముఖ్యతను వివరించారు. ఈ కార్యక్రమంలో సమరసత సేవా ఫౌండేషన్ మండల మహిళా కన్వీనర్ అనంతలక్ష్మి, సహ కన్వీనర్లు లీలావతి, నందిని, గ్రామానికి చెందిన మహిళలు, భక్తులు పెద్ద సంఖ్యలో పాల్గొన్నారు.

చక్రం

Farmer ఆలూరు, కర్నూలు, ఆంధ్రప్రదేశ్•

7 hrs ago

ఆషాఢ మాసం సందర్భంగా సుంకులమ్మ అమ్మవారికి ఘనంగా సారె సమర్పణ ఆలూరు: సమరసత సేవా ఫౌండేషన్ ఆధ్వర్యంలో ఆషాఢ మాసం సందర్భంగా ఆలూరులో సుంకులమ్మ అమ్మవారికి సంప్రదాయబద్ధంగా సారె సమర్పించే కార్యక్రమాన్ని ఘనంగా నిర్వహించారు. మంగళ ఆంజనేయస్వామి ఆలయం నుంచి కోటవీధిలో వెలసిన సుంకులమ్మ అమ్మవారి ఆలయం వరకు కుమేళాలు, తాళాలు, భక్తి గీతాల మధ్య మహిళలు శోభాయాత్రగా చేరుకుని అమ్మవారికి సారె సమర్పించారు. ఈ సందర్భంగా పెద్దలు మాట్లాడుతూ, ఆషాఢ మాసంలో అమ్మవారికి సారె సమర్పించడం వల్ల కుటుంబాలకు సుఖశాంతులు, ఆయురారోగ్యాలు, ఐశ్వర్యం కలుగుతాయని విశ్వాసం ఉందన్నారు. అలాగే చిన్నారులకు భారతీయ సంస్కృతి, సంప్రదాయాలు, ఆచార వ్యవహారాలను పరిచయం చేయాలనే సంకల్పంతో ఈ కార్యక్రమాన్ని నిర్వహించినట్లు నిర్వాహకులు తెలిపారు. కార్యక్రమంలో సిద్ధేశ్వర స్వామి ప్రసంగిస్తూ మహిళల పాత్ర, భారతీయ సంస్కృతి, సంప్రదాయాల పరిరక్షణ యొక్క ప్రాముఖ్యతను వివరించారు. ఈ కార్యక్రమంలో సమరసత సేవా ఫౌండేషన్ మండల మహిళా కన్వీనర్ అనంతలక్ష్మి, సహ కన్వీనర్లు లీలావతి, నందిని, గ్రామానికి చెందిన మహిళలు, భక్తులు పెద్ద సంఖ్యలో పాల్గొన్నారు.