ଆଜି ବିଶ୍ୱ ତମାଖୁ ଦିବସ ପାଳିତ ହେଉଥିବା ବେଳେ ଗଞ୍ଜାମ ଜିଲ୍ଲା ଭଞ୍ଜନଗରର ଇସ୍କନ ପରିବାର ପକ୍ଷରୁ ସମଗ୍ର ବିଶ୍ୱବାସୀ ତଥା ଦେଶ ଓ ସହରବାସୀଙ୍କୁ ତମାଖୁ ସମେତ ସମସ୍ତ ନିଶା ବର୍ଜନ କରିବାକୁ ବାର୍ତ୍ତା ଦିଆଯାଇଛି। ଏହି ଅବସରରେ ଭଞ୍ଜନଗର ଇସ୍କନ ଅଧ୍ୟକ୍ଷ ବିଶ୍ୱମ୍ବର ଦାସଙ୍କ ତତ୍ତ୍ଵାବଧାନରେ ସହର ପରିକ୍ରମା କରି ଏକ ସଚେତନତା ରାଲି ଆୟୋଜନ କରାଯାଇଥିଲା। ଏହି ରାଲିରେ ଇସ୍କନ ପରିବାରର ବହୁ ସଦସ୍ୟ ନାମ ସଂକୀର୍ତ୍ତନ ମାଧ୍ୟମରେ ସାଧାରଣ ଜନତାଙ୍କୁ ନିଶା ଠାରୁ ଦୂରେଇ ରହିବାକୁ ଅନୁରୋଧ କରିଥିଲେ। ଭଞ୍ଜନଗର ସମେତ ଆସ୍କା, ଖଲିକୋଟ, ପୋଲସରା, ବ୍ରହ୍ମପୁର, ଛତ୍ରପୁର ଆଦି ସ୍ଥାନରୁ ବହୁ ସଂଖ୍ୟକ ଭକ୍ତ ଏଥିରେ ଯୋଗ ଦେଇଥିଲେ। ବର୍ତ୍ତମାନ ସମୟରେ ଯୁବସମାଜ ନିଶା କବଳରେ କଲବଲ ହୋଇ ଜୀବନ ବିତାଉଥିବା ବେଳେ, ପ୍ରତିଦିନ ନିଶାସକ୍ତ ବ୍ୟକ୍ତିଙ୍କ ଉନ୍ମତ୍ତ କାଣ୍ଡ, ପାରିବାରିକ ବିଚ୍ଛେଦ ଏବଂ ନିଶାସକ୍ତ ଅବସ୍ଥାରେ ଗାଡ଼ି ଚାଳନା ଯୋଗୁଁ ମୃତ୍ୟୁ ଖବର ଖବରକାଗଜ ପୃଷ୍ଠା ମଣ୍ଡନ କରୁଛି। ଗୋଟିଏ ପଟେ ସରକାର ନିଶାଖୋର ବ୍ୟକ୍ତି ଓ ବେପାରୀଙ୍କ ପ୍ରତି ଆଇନର ଲାଲ୍ ଆଖି ଦେଖାଉଥିବା ବେଳେ, ଅନ୍ୟ ପଟେ ସେହି ସରକାର ନିଶା ବ୍ୟବସାୟକୁ ପ୍ରଶୟ ଦେଉଥିବା ଅଭିଯୋଗ ହୋଇଛି। ବିଶ୍ୱ ସ୍ୱାସ୍ଥ୍ୟ ସଂଗଠନର ରିପୋର୍ଟ ଅନୁଯାୟୀ, ପ୍ରତିବର୍ଷ ୮୦ ଲକ୍ଷ ଲୋକ ତମାଖୁ ଜନିତ କର୍କଟ ରୋଗରେ ପ୍ରାଣ ହରାଉଛନ୍ତି ଏବଂ ତମାଖୁ ସେବନ ଯୋଗୁଁ ୧୭ ପ୍ରକାର କର୍କଟ ରୋଗ ହେବାର ନଜିର ରହିଛି। ପ୍ରତିବର୍ଷ ବିଶ୍ୱ ତମାଖୁ ବର୍ଜନ ଦିବସ ପାଳନ ହେଉଥିଲେ ମଧ୍ୟ ମାନବ ସମାଜ ଏହି ତମାଖୁ କବଳରୁ ମୁକ୍ତ ହୋଇପାରୁ ନାହିଁ। ଏସବୁ ସତ୍ତ୍ଵେ, ଇସ୍କନ ପରିବାର ଦ୍ୱାରା ଆୟୋଜିତ ଏହି ନିଆରା ସଚେତନତାକୁ ସବୁ ମହଲରେ ପ୍ରଶଂସା ମିଳିଛି। ଆଜି ଅପରାହ୍ନରେ ଡହ ରାସ୍ତାର ସ୍ୱସ୍ତିକ ବିହାର ଠାରେ ଆୟୋଜିତ ଏକ ସଚେତନତା ଓ ପ୍ରବଚନ କାର୍ଯ୍ୟକ୍ରମରେ ହରିନାମ ନିଶାରେ ନିଜକୁ ନିମଗ୍ନ କରି ଜୀବନକୁ ସରସ ସୁନ୍ଦର କରିବାକୁ ବାର୍ତ୍ତା ଦିଆଯାଇଥିଲା।

ଅଖିଳ କୁମାର ପଟ୍ଟନାୟକ

ଗଞ୍ଜାମ, ଗଞ୍ଜାମ, ଓଡ଼ିଶା•

1 hr ago

ଆଜି ବିଶ୍ୱ ତମାଖୁ ଦିବସ ପାଳିତ ହେଉଥିବା ବେଳେ ଗଞ୍ଜାମ ଜିଲ୍ଲା ଭଞ୍ଜନଗରର ଇସ୍କନ ପରିବାର ପକ୍ଷରୁ ସମଗ୍ର ବିଶ୍ୱବାସୀ ତଥା ଦେଶ ଓ ସହରବାସୀଙ୍କୁ ତମାଖୁ ସମେତ ସମସ୍ତ ନିଶା ବର୍ଜନ କରିବାକୁ ବାର୍ତ୍ତା ଦିଆଯାଇଛି। ଏହି ଅବସରରେ ଭଞ୍ଜନଗର ଇସ୍କନ ଅଧ୍ୟକ୍ଷ ବିଶ୍ୱମ୍ବର ଦାସଙ୍କ ତତ୍ତ୍ଵାବଧାନରେ ସହର ପରିକ୍ରମା କରି ଏକ ସଚେତନତା ରାଲି ଆୟୋଜନ କରାଯାଇଥିଲା। ଏହି ରାଲିରେ ଇସ୍କନ ପରିବାରର ବହୁ ସଦସ୍ୟ ନାମ ସଂକୀର୍ତ୍ତନ ମାଧ୍ୟମରେ ସାଧାରଣ ଜନତାଙ୍କୁ ନିଶା ଠାରୁ ଦୂରେଇ ରହିବାକୁ ଅନୁରୋଧ କରିଥିଲେ। ଭଞ୍ଜନଗର ସମେତ ଆସ୍କା, ଖଲିକୋଟ, ପୋଲସରା, ବ୍ରହ୍ମପୁର, ଛତ୍ରପୁର ଆଦି ସ୍ଥାନରୁ ବହୁ ସଂଖ୍ୟକ ଭକ୍ତ ଏଥିରେ ଯୋଗ ଦେଇଥିଲେ। ବର୍ତ୍ତମାନ ସମୟରେ ଯୁବସମାଜ ନିଶା କବଳରେ କଲବଲ ହୋଇ ଜୀବନ ବିତାଉଥିବା ବେଳେ, ପ୍ରତିଦିନ ନିଶାସକ୍ତ ବ୍ୟକ୍ତିଙ୍କ ଉନ୍ମତ୍ତ କାଣ୍ଡ, ପାରିବାରିକ ବିଚ୍ଛେଦ ଏବଂ ନିଶାସକ୍ତ ଅବସ୍ଥାରେ ଗାଡ଼ି ଚାଳନା ଯୋଗୁଁ ମୃତ୍ୟୁ ଖବର ଖବରକାଗଜ ପୃଷ୍ଠା ମଣ୍ଡନ କରୁଛି। ଗୋଟିଏ ପଟେ ସରକାର ନିଶାଖୋର ବ୍ୟକ୍ତି ଓ ବେପାରୀଙ୍କ ପ୍ରତି ଆଇନର ଲାଲ୍ ଆଖି ଦେଖାଉଥିବା ବେଳେ, ଅନ୍ୟ ପଟେ ସେହି ସରକାର ନିଶା ବ୍ୟବସାୟକୁ ପ୍ରଶୟ ଦେଉଥିବା ଅଭିଯୋଗ ହୋଇଛି। ବିଶ୍ୱ ସ୍ୱାସ୍ଥ୍ୟ ସଂଗଠନର ରିପୋର୍ଟ ଅନୁଯାୟୀ, ପ୍ରତିବର୍ଷ ୮୦ ଲକ୍ଷ ଲୋକ ତମାଖୁ ଜନିତ କର୍କଟ ରୋଗରେ ପ୍ରାଣ ହରାଉଛନ୍ତି ଏବଂ ତମାଖୁ ସେବନ ଯୋଗୁଁ ୧୭ ପ୍ରକାର କର୍କଟ ରୋଗ ହେବାର ନଜିର ରହିଛି। ପ୍ରତିବର୍ଷ ବିଶ୍ୱ ତମାଖୁ ବର୍ଜନ ଦିବସ ପାଳନ ହେଉଥିଲେ ମଧ୍ୟ ମାନବ ସମାଜ ଏହି ତମାଖୁ କବଳରୁ ମୁକ୍ତ ହୋଇପାରୁ ନାହିଁ। ଏସବୁ ସତ୍ତ୍ଵେ, ଇସ୍କନ ପରିବାର ଦ୍ୱାରା ଆୟୋଜିତ ଏହି ନିଆରା ସଚେତନତାକୁ ସବୁ ମହଲରେ ପ୍ରଶଂସା ମିଳିଛି। ଆଜି ଅପରାହ୍ନରେ ଡହ ରାସ୍ତାର ସ୍ୱସ୍ତିକ ବିହାର ଠାରେ ଆୟୋଜିତ ଏକ ସଚେତନତା ଓ ପ୍ରବଚନ କାର୍ଯ୍ୟକ୍ରମରେ ହରିନାମ ନିଶାରେ ନିଜକୁ ନିମଗ୍ନ କରି ଜୀବନକୁ ସରସ ସୁନ୍ଦର କରିବାକୁ ବାର୍ତ୍ତା ଦିଆଯାଇଥିଲା।