దమ్మపేట మండలం మల్కారం గ్రామ పంచాయతీలోని గుత్తావారిగూడెంలో పామాయిల్ రైతుల ఆత్మీయ సమ్మేళనం జరిగింది. ఈ కార్యక్రమంలో మంత్రి తుమ్మల, ఎమ్మెల్యే జారే ఆది నారాయణ పాల్గొన్నారు. రైతులు కొమ్ము డాన్స్, పూలు జల్లుతూ మంత్రి తుమ్మలకు ఘన స్వాగతం పలికారు. ఈ సందర్భంగా మంత్రి తుమ్మల మాట్లాడుతూ, పూజ్యులు ఎన్టీఆర్ దీవెనలతో సత్తుపల్లి ప్రజానీకం తనకు రాజకీయ అవకాశం ఇచ్చారని, నాలుగు దశాబ్దాలుగా రాజకీయం అంటే ప్రజాసేవగా సాగిందని తెలిపారు. తాను ఏ నియోజకవర్గంలో ఉన్నా అభివృద్ధి ధ్యేయంగానే రాజకీయం చేశానని స్పష్టం చేశారు. పామాయిల్ సాగుతో తెలంగాణ పచ్చగా, సశ్య శ్యామలంగా మారాలని మంత్రి ఆకాంక్షించారు. పది లక్షల ఎకరాల్లో పామాయిల్ సాగు విస్తరణ లక్ష్యంగా పెట్టుకున్నామని తెలిపారు. ఇతర పంటలు పండించే రైతులు మద్దతు ధర సమస్యలు, అకాల వర్షాల వల్ల నష్టాలు, చీడపీడలు, కోతుల బెడద వంటి సమస్యలను ఎదుర్కొంటున్నారని, అయితే పామాయిల్ సాగు వీటికి పరిష్కారంగా మారిందని, రైతులకు వరంగా మారిందని ఆయన పేర్కొన్నారు. పామాయిల్ సాగులో అంతర పంటలుగా కోకో, జాజి, వక్క సాగుతో అదనపు లాభాలు పొందవచ్చని సూచించారు. రాష్ట్రంలోని అన్ని ఉమ్మడి జిల్లాల్లో పామాయిల్ ప్రాసెసింగ్ ఫ్యాక్టరీల నిర్మాణానికి కృషి చేస్తామని మంత్రి తుమ్మల వెల్లడించారు. దమ్మపేట, అశ్వరావుపేటలలో ఉన్న పామాయిల్ తోటలు చూస్తే మలేసియా మాదిరి కనువిందుగా ఉంటాయని అభిప్రాయపడ్డారు. సీఎం రేవంత్ రెడ్డి సహకారంతో తెలంగాణ రాష్ట్రాన్ని పామాయిల్ హబ్‌గా మారుస్తామని, దీని వల్ల తెలంగాణ రైతుల తలరాత మారుతుందని ధీమా వ్యక్తం చేశారు. పామాయిల్ సాగు పర్యావరణ పరిరక్షణకు, రాష్ట్ర ఆర్థిక ప్రగతికి కీలకంగా మారుతుందని వ్యవసాయ మంత్రి తుమ్మల వివరించారు.

ARUNKUMAR

Local News Reporter నేలకొండపల్లి, ఖమ్మం, తెలంగాణ•

1 hr ago

దమ్మపేట మండలం మల్కారం గ్రామ పంచాయతీలోని గుత్తావారిగూడెంలో పామాయిల్ రైతుల ఆత్మీయ సమ్మేళనం జరిగింది. ఈ కార్యక్రమంలో మంత్రి తుమ్మల, ఎమ్మెల్యే జారే ఆది నారాయణ పాల్గొన్నారు. రైతులు కొమ్ము డాన్స్, పూలు జల్లుతూ మంత్రి తుమ్మలకు ఘన స్వాగతం పలికారు. ఈ సందర్భంగా మంత్రి తుమ్మల మాట్లాడుతూ, పూజ్యులు ఎన్టీఆర్ దీవెనలతో సత్తుపల్లి ప్రజానీకం తనకు రాజకీయ అవకాశం ఇచ్చారని, నాలుగు దశాబ్దాలుగా రాజకీయం అంటే ప్రజాసేవగా సాగిందని తెలిపారు. తాను ఏ నియోజకవర్గంలో ఉన్నా అభివృద్ధి ధ్యేయంగానే రాజకీయం చేశానని స్పష్టం చేశారు. పామాయిల్ సాగుతో తెలంగాణ పచ్చగా, సశ్య శ్యామలంగా మారాలని మంత్రి ఆకాంక్షించారు. పది లక్షల ఎకరాల్లో పామాయిల్ సాగు విస్తరణ లక్ష్యంగా పెట్టుకున్నామని తెలిపారు. ఇతర పంటలు పండించే రైతులు మద్దతు ధర సమస్యలు, అకాల వర్షాల వల్ల నష్టాలు, చీడపీడలు, కోతుల బెడద వంటి సమస్యలను ఎదుర్కొంటున్నారని, అయితే పామాయిల్ సాగు వీటికి పరిష్కారంగా మారిందని, రైతులకు వరంగా మారిందని ఆయన పేర్కొన్నారు. పామాయిల్ సాగులో అంతర పంటలుగా కోకో, జాజి, వక్క సాగుతో అదనపు లాభాలు పొందవచ్చని సూచించారు. రాష్ట్రంలోని అన్ని ఉమ్మడి జిల్లాల్లో పామాయిల్ ప్రాసెసింగ్ ఫ్యాక్టరీల నిర్మాణానికి కృషి చేస్తామని మంత్రి తుమ్మల వెల్లడించారు. దమ్మపేట, అశ్వరావుపేటలలో ఉన్న పామాయిల్ తోటలు చూస్తే మలేసియా మాదిరి కనువిందుగా ఉంటాయని అభిప్రాయపడ్డారు. సీఎం రేవంత్ రెడ్డి సహకారంతో తెలంగాణ రాష్ట్రాన్ని పామాయిల్ హబ్‌గా మారుస్తామని, దీని వల్ల తెలంగాణ రైతుల తలరాత మారుతుందని ధీమా వ్యక్తం చేశారు. పామాయిల్ సాగు పర్యావరణ పరిరక్షణకు, రాష్ట్ర ఆర్థిక ప్రగతికి కీలకంగా మారుతుందని వ్యవసాయ మంత్రి తుమ్మల వివరించారు.