પંચમહાલ જિલ્લાના કાલોલ તાલુકાના અલાલી ગામના રોડ પર એક માર્ગ અકસ્માતની ઘટના સામે આવી છે, જેમાં એક બેફામ બાઇક ચાલકે સામેથી આવતી મોટરસાયકલને જોરદાર ટક્કર મારી હતી. આ અકસ્માતમાં ૨૫ વર્ષીય યુવક ગંભીર રીતે ઈજાગ્રસ્ત થયો છે, જ્યારે અકસ્માત સર્જીને બાઇક ચાલક ઘટનાસ્થળેથી નાસી છૂટ્યો હતો. પ્રાપ્ત માહિતી અનુસાર, સગનપુરા નિશાળ ફળિયામાં રહેતા અને કાલોલની ઇનોક્ષ કંપનીમાં નોકરી કરતા કાર્તિકભાઈ અશ્વિનભાઈ પરમાર (ઉંમર ૨૫) ગત ૧૮ જૂન ૨૦૨૬ના રોજ સાંજના આશરે ચારેક વાગ્યે કંપનીમાંથી છૂટીને પોતાના મિત્રની બાઇક (નંબર: GJ-17-BQ-0687) લઈને ઘરે પરત ફરી રહ્યા હતા. તે દરમિયાન રામનાથથી સગનપુરા રોડ પરના એક વળાંક પાસે સામેથી રોંગ સાઈડમાં પૂરઝડપે અને ગફલતભરી રીતે આવતા એક બાઇક (નંબર: GJ-17-BM-8668) ના ચાલકે કાર્તિકભાઈની બાઇકને સીધી ટક્કર મારી હતી. ટક્કર એટલી જોરદાર હતી કે કાર્તિકભાઈ રોડ પર પટકાયા હતા અને તેમને જમણા પગે ઢીંચણની નીચેના ભાગે તેમજ શરીરે અન્ય નાની-મોટી ઈજાઓ પહોંચી હતી. અકસ્માત બાદ આરોપી બાઇક ચાલક થોડે દૂર ઊભો રહ્યો હતો અને કાર્તિકભાઈની પાસે પણ આવ્યો હતો, જેથી કાર્તિકભાઈએ તેનો બાઇક નંબર નોંધી લીધો હતો. બાદમાં, રસ્તેથી પસાર થતા અન્ય એક વાહનચાલકની મદદથી ઈજાગ્રસ્ત કાર્તિકભાઈને કાલોલની સિદ્ધિ વિનાયક હોસ્પિટલમાં સારવાર માટે ખસેડવામાં આવ્યા હતા. આ તકનો લાભ લઈને અકસ્માત સર્જનાર ચાલક પોતાની બાઇક લઈને ત્યાંથી નાસી છૂટ્યો હતો. પતિની સારવાર ચાલુ હોવાને કારણે પરિવાર તે સમયે ફરિયાદ નોંધાવી શક્યો ન હતો. ત્યારબાદ, ઈજાગ્રસ્ત યુવકની પત્ની કુંદનબેન પરમારે વેજલપુર પોલીસ સ્ટેશનમાં અકસ્માત સર્જી ભાગી જનાર બાઇક ચાલક વિરુદ્ધ ફરિયાદ નોંધાવી છે. વેજલપુર પોલીસે આ મામલે ભારતીય નાગરિક સુરક્ષા સંહિતા B.N.S. ની કલમ ૨૮૧, ૧૨૫(a) તેમજ મોટર વાહન અધિનિયમની કલમ ૧૭૭ અને ૧૮૭ હેઠળ ગુનો નોંધીને વધુ તપાસ હાથ ધરી છે.

Virendra Mehta

Classified ads newspaper publisher Kalol, Panch Mahals•

8 hrs ago

પંચમહાલ જિલ્લાના કાલોલ તાલુકાના અલાલી ગામના રોડ પર એક માર્ગ અકસ્માતની ઘટના સામે આવી છે, જેમાં એક બેફામ બાઇક ચાલકે સામેથી આવતી મોટરસાયકલને જોરદાર ટક્કર મારી હતી. આ અકસ્માતમાં ૨૫ વર્ષીય યુવક ગંભીર રીતે ઈજાગ્રસ્ત થયો છે, જ્યારે અકસ્માત સર્જીને બાઇક ચાલક ઘટનાસ્થળેથી નાસી છૂટ્યો હતો. પ્રાપ્ત માહિતી અનુસાર, સગનપુરા નિશાળ ફળિયામાં રહેતા અને કાલોલની ઇનોક્ષ કંપનીમાં નોકરી કરતા કાર્તિકભાઈ અશ્વિનભાઈ પરમાર (ઉંમર ૨૫) ગત ૧૮ જૂન ૨૦૨૬ના રોજ સાંજના આશરે ચારેક વાગ્યે કંપનીમાંથી છૂટીને પોતાના મિત્રની બાઇક (નંબર: GJ-17-BQ-0687) લઈને ઘરે પરત ફરી રહ્યા હતા. તે દરમિયાન રામનાથથી સગનપુરા રોડ પરના એક વળાંક પાસે સામેથી રોંગ સાઈડમાં પૂરઝડપે અને ગફલતભરી રીતે આવતા એક બાઇક (નંબર: GJ-17-BM-8668) ના ચાલકે કાર્તિકભાઈની બાઇકને સીધી ટક્કર મારી હતી. ટક્કર એટલી જોરદાર હતી કે કાર્તિકભાઈ રોડ પર પટકાયા હતા અને તેમને જમણા પગે ઢીંચણની નીચેના ભાગે તેમજ શરીરે અન્ય નાની-મોટી ઈજાઓ પહોંચી હતી. અકસ્માત બાદ આરોપી બાઇક ચાલક થોડે દૂર ઊભો રહ્યો હતો અને કાર્તિકભાઈની પાસે પણ આવ્યો હતો, જેથી કાર્તિકભાઈએ તેનો બાઇક નંબર નોંધી લીધો હતો. બાદમાં, રસ્તેથી પસાર થતા અન્ય એક વાહનચાલકની મદદથી ઈજાગ્રસ્ત કાર્તિકભાઈને કાલોલની સિદ્ધિ વિનાયક હોસ્પિટલમાં સારવાર માટે ખસેડવામાં આવ્યા હતા. આ તકનો લાભ લઈને અકસ્માત સર્જનાર ચાલક પોતાની બાઇક લઈને ત્યાંથી નાસી છૂટ્યો હતો. પતિની સારવાર ચાલુ હોવાને કારણે પરિવાર તે સમયે ફરિયાદ નોંધાવી શક્યો ન હતો. ત્યારબાદ, ઈજાગ્રસ્ત યુવકની પત્ની કુંદનબેન પરમારે વેજલપુર પોલીસ સ્ટેશનમાં અકસ્માત સર્જી ભાગી જનાર બાઇક ચાલક વિરુદ્ધ ફરિયાદ નોંધાવી છે. વેજલપુર પોલીસે આ મામલે ભારતીય નાગરિક સુરક્ષા સંહિતા B.N.S. ની કલમ ૨૮૧, ૧૨૫(a) તેમજ મોટર વાહન અધિનિયમની કલમ ૧૭૭ અને ૧૮૭ હેઠળ ગુનો નોંધીને વધુ તપાસ હાથ ધરી છે.