विदर्भ सिंचन अनुशेष निर्मूलनाचे महर्षी आणि गाढे अभ्यासक, माजी विधान परिषद सदस्य प्रा. बी.टी. देशमुख यांचे दुःखद निधन १९ जून, २०२६ रोजी झाले. त्यांच्या निधनानिमित्त संत गाडगे बाबा अमरावती विद्यापीठात कुलगुरू डॉ. मिलींद बारहाते यांच्या अध्यक्षतेखाली मुख्य प्रशासकीय इमारतीजवळ शोकसभा घेण्यात आली. यावेळी प्र-कुलगुरू डॉ. महेंद्र ढोरे, कुलसचिव डॉ. अविनाश असनारे, परीक्षा व मूल्यमापन मंडळाचे संचालक डॉ. नितीन कोळी, वित्त व लेखा अधिकारी सीए. पुष्कर देशपांडे, आजीवन अध्ययन व विस्तार विभागाचे संचालक डॉ. श्रीकांत पाटील यांच्यासह विद्यापीठातील सर्व प्रशासकीय व शैक्षणिक विभागप्रमुख, शिक्षक, अधिकारी व कर्मचारी मोठ्या संख्येने उपस्थित होते. शोकसंवेदना व्यक्त करताना कुलगुरू डॉ. बारहाते यांनी प्रा. देशमुख यांच्या ध्येयवादी प्रवासाचे वर्णन केले. एका ध्येयवादी शिक्षकापासून ते सलग ३० वर्षे विधान परिषदेत शिक्षक आणि विदर्भाचे प्रतिनिधित्व करणाऱ्या झुंझार लोकप्रतिनिधीपर्यंतचा त्यांचा प्रवास थक्क करणारा होता. सभागृहाचा सर्वोच्च तांत्रिक अभ्यास, कायद्याची अचूक जाण, आकडेवारीचा सखोल व्यासंग आणि संयत मांडणी यामुळे त्यांनी विधिमंडळात स्वतःचा एक वेगळाच दरारा निर्माण केला होता. त्यांना 'सभागृहाचा चालता-बोलता नियमसंग्रह' म्हणून ओळखले जात असे. अमरावती विद्यापीठ आणि डॉ. पंजाबराव देशमुख कृषी विद्यापीठ, अकोला यांच्या स्थापनेत त्यांचे महत्त्वपूर्ण योगदान होते. प्रा. बी.टी. देशमुख यांचा जन्म अत्यंत सामान्य कुटुंबात झाला होता आणि गरिबी व संघर्षातून त्यांनी उच्च शिक्षण पूर्ण केले. ते पदवीधर आमदार असले तरी त्यांचे कार्य केवळ शैक्षणिक क्षेत्रापुरते मर्यादित नव्हते. विदर्भावर होणाऱ्या आर्थिक आणि प्रादेशिक अन्यायाची त्यांना तीव्र जाणीव होती. दांडेकर समिती आणि केळकर समितीच्या अहवालांचा सखोल अभ्यास करून त्यांनी विदर्भाच्या सिंचनाचा आणि विकासकामांचा हजारो कोटी रुपयांचा अनुशेष राज्य सरकारच्या निदर्शनास आणून दिला. अमरावती शहरासह शेकडो गावांची तहान भागवणाऱ्या अप्पर वर्धा धरणाच्या निर्मितीत त्यांचे महत्त्वपूर्ण योगदान होते, तसेच पेढी धरणासाठीही त्यांनी आग्रह धरला होता. त्यांच्या अभ्यासू मांडणीमुळे सरकारला अनेकदा विदर्भासाठी विशेष निधीची घोषणा करावी लागली होती. कुलगुरूंनी पुढे सांगितले की, ३० वर्षे आमदारकी भूषवूनही त्यांच्या राहणीमानात कधीही बदल झाला नाही; अमरावतीतील त्यांचे घर आणि राहणीमान अत्यंत साधे होते. आपल्या आमदार निधीचा प्रत्येक रुपया कुठे आणि कसा खर्च झाला, याचा हिशोब ते दरवर्षी पुस्तिकेच्या माध्यमातून जनतेसमोर मांडायचे, असे पारदर्शक लोकप्रतिनिधी आज दुर्मिळ झाले आहेत. संत गाडगे बाबा अमरावती विद्यापीठाच्या विकासाच्या जडणघडणीतही त्यांचा सिंहाचा वाटा राहिला आहे. विद्यापीठाच्या सर्व प्राधिकरणांवर कार्य करून त्यांनी विद्यापीठाची ध्येयधोरणे ठरविण्यात मोलाचे मार्गदर्शन केले आहे. प्रा. बी.टी. देशमुख यांच्या निधनाने त्यांच्या कुटुंबीयांवर कोसळलेले दुःख सहन करण्याची शक्ती ईश्वराने द्यावी आणि त्यांच्या आत्म्यास चिरशांती लाभो, अशी सामूहिक प्रार्थना करून विद्यापीठातर्फे त्यांना विनम्र श्रद्धांजली अर्पण करण्यात आली. यावेळी सर्वांनी दोन मिनिटे मौन पाळले.

Amravati News Update

Amravati News अमरावती, अमरावती, महाराष्ट्र•

9 hrs ago

विदर्भ सिंचन अनुशेष निर्मूलनाचे महर्षी आणि गाढे अभ्यासक, माजी विधान परिषद सदस्य प्रा. बी.टी. देशमुख यांचे दुःखद निधन १९ जून, २०२६ रोजी झाले. त्यांच्या निधनानिमित्त संत गाडगे बाबा अमरावती विद्यापीठात कुलगुरू डॉ. मिलींद बारहाते यांच्या अध्यक्षतेखाली मुख्य प्रशासकीय इमारतीजवळ शोकसभा घेण्यात आली. यावेळी प्र-कुलगुरू डॉ. महेंद्र ढोरे, कुलसचिव डॉ. अविनाश असनारे, परीक्षा व मूल्यमापन मंडळाचे संचालक डॉ. नितीन कोळी, वित्त व लेखा अधिकारी सीए. पुष्कर देशपांडे, आजीवन अध्ययन व विस्तार विभागाचे संचालक डॉ. श्रीकांत पाटील यांच्यासह विद्यापीठातील सर्व प्रशासकीय व शैक्षणिक विभागप्रमुख, शिक्षक, अधिकारी व कर्मचारी मोठ्या संख्येने उपस्थित होते. शोकसंवेदना व्यक्त करताना कुलगुरू डॉ. बारहाते यांनी प्रा. देशमुख यांच्या ध्येयवादी प्रवासाचे वर्णन केले. एका ध्येयवादी शिक्षकापासून ते सलग ३० वर्षे विधान परिषदेत शिक्षक आणि विदर्भाचे प्रतिनिधित्व करणाऱ्या झुंझार लोकप्रतिनिधीपर्यंतचा त्यांचा प्रवास थक्क करणारा होता. सभागृहाचा सर्वोच्च तांत्रिक अभ्यास, कायद्याची अचूक जाण, आकडेवारीचा सखोल व्यासंग आणि संयत मांडणी यामुळे त्यांनी विधिमंडळात स्वतःचा एक वेगळाच दरारा निर्माण केला होता. त्यांना 'सभागृहाचा चालता-बोलता नियमसंग्रह' म्हणून ओळखले जात असे. अमरावती विद्यापीठ आणि डॉ. पंजाबराव देशमुख कृषी विद्यापीठ, अकोला यांच्या स्थापनेत त्यांचे महत्त्वपूर्ण योगदान होते. प्रा. बी.टी. देशमुख यांचा जन्म अत्यंत सामान्य कुटुंबात झाला होता आणि गरिबी व संघर्षातून त्यांनी उच्च शिक्षण पूर्ण केले. ते पदवीधर आमदार असले तरी त्यांचे कार्य केवळ शैक्षणिक क्षेत्रापुरते मर्यादित नव्हते. विदर्भावर होणाऱ्या आर्थिक आणि प्रादेशिक अन्यायाची त्यांना तीव्र जाणीव होती. दांडेकर समिती आणि केळकर समितीच्या अहवालांचा सखोल अभ्यास करून त्यांनी विदर्भाच्या सिंचनाचा आणि विकासकामांचा हजारो कोटी रुपयांचा अनुशेष राज्य सरकारच्या निदर्शनास आणून दिला. अमरावती शहरासह शेकडो गावांची तहान भागवणाऱ्या अप्पर वर्धा धरणाच्या निर्मितीत त्यांचे महत्त्वपूर्ण योगदान होते, तसेच पेढी धरणासाठीही त्यांनी आग्रह धरला होता. त्यांच्या अभ्यासू मांडणीमुळे सरकारला अनेकदा विदर्भासाठी विशेष निधीची घोषणा करावी लागली होती. कुलगुरूंनी पुढे सांगितले की, ३० वर्षे आमदारकी भूषवूनही त्यांच्या राहणीमानात कधीही बदल झाला नाही; अमरावतीतील त्यांचे घर आणि राहणीमान अत्यंत साधे होते. आपल्या आमदार निधीचा प्रत्येक रुपया कुठे आणि कसा खर्च झाला, याचा हिशोब ते दरवर्षी पुस्तिकेच्या माध्यमातून जनतेसमोर मांडायचे, असे पारदर्शक लोकप्रतिनिधी आज दुर्मिळ झाले आहेत. संत गाडगे बाबा अमरावती विद्यापीठाच्या विकासाच्या जडणघडणीतही त्यांचा सिंहाचा वाटा राहिला आहे. विद्यापीठाच्या सर्व प्राधिकरणांवर कार्य करून त्यांनी विद्यापीठाची ध्येयधोरणे ठरविण्यात मोलाचे मार्गदर्शन केले आहे. प्रा. बी.टी. देशमुख यांच्या निधनाने त्यांच्या कुटुंबीयांवर कोसळलेले दुःख सहन करण्याची शक्ती ईश्वराने द्यावी आणि त्यांच्या आत्म्यास चिरशांती लाभो, अशी सामूहिक प्रार्थना करून विद्यापीठातर्फे त्यांना विनम्र श्रद्धांजली अर्पण करण्यात आली. यावेळी सर्वांनी दोन मिनिटे मौन पाळले.