नांदेड शहरातील श्रीराम सेतू, गोवर्धनघाट येथे बुधवार, २४ जून रोजी सकाळी ६ वाजता आयोजित करण्यात आलेल्या २७ व्या भव्य चालण्याच्या स्पर्धेची तयारी अंतिम टप्प्यात पोहोचली असून, नांदेडकरांमध्ये या स्पर्धेबाबत मोठा उत्साह दिसून येत आहे. भाजपा महानगर नांदेड, लायन्स क्लब नांदेड सेंट्रल आणि अमरनाथ यात्री संघ यांच्या संयुक्त विद्यमाने या स्पर्धेचे आयोजन करण्यात आले आहे. या स्पर्धेतील विविध ११ गटांमधील प्रथम क्रमांकाच्या विजेत्यांना स्नेहलता जायस्वाल यांच्या वतीने मोबाईल बक्षीस दिले जाईल, अशी माहिती भाजपा जिल्हा सरचिटणीस तथा अमरनाथ यात्री संघाचे अध्यक्ष धर्मभूषण ॲड. दिलीप ठाकूर यांनी दिली. तसेच, प्रत्येक गटातील प्रथम, द्वितीय आणि तृतीय क्रमांकाच्या विजेत्यांना विजयसिंह परदेशी यांच्यातर्फे आकर्षक स्मृतिचिन्हे प्रदान केली जाणार आहेत. स्पर्धेच्या दिवशी वेळेवर उपस्थित राहणाऱ्या पहिल्या २०० स्पर्धकांना आकर्षक टी-शर्ट मिळतील, अशी घोषणाही करण्यात आली असून, यंदा विक्रमी सहभागाची अपेक्षा आयोजकांनी व्यक्त केली आहे. महाराष्ट्राचे माजी मुख्यमंत्री तथा खासदार अशोकराव चव्हाण यांच्या हस्ते या स्पर्धेचे उद्घाटन होणार आहे. यावेळी खासदार डॉ. अजित गोपछडे, आमदार अमरनाथ राजूरकर, भाजपा प्रदेश उपाध्यक्ष संजय कोडगे, ॲड. चैतन्य देशमुख, माजी पालकमंत्री डी. पी. सावंत, भाजपा जिल्हाध्यक्ष डॉ. संतुकराव हंबर्डे, ॲड. किशोर देशमुख, महापौर कविता मुळे, उपमहापौर दीपकसिंह रावत, स्थायी समिती सभापती विरेंद्रसिंह गाडीवाले, सभागृह नेते ॲड. महेश कनकदंडे, विजय येवणकर, शीतल खांडील, विजय गंभीरे, सुषमा थोरात आणि लायन्स उपप्रांतपाल योगेश जायस्वाल यांच्यासह अनेक मान्यवर उपस्थित राहणार आहेत. स्पर्धकांना २ किलोमीटर अंतर चालायचे असून, पुरुष व महिला खुला गट, ४० ते ६० वर्षे वयोगट, ६० वर्षांवरील गट, अमरनाथ यात्रींसाठी स्वतंत्र गट आणि माध्यम प्रतिनिधी अशा एकूण ११ गटांमध्ये ही स्पर्धा घेतली जाईल. स्पर्धेच्या यशस्वी आयोजनासाठी स्वयंसेवकांची स्वतंत्र यंत्रणा कार्यरत असून, वैद्यकीय सुविधा, पिण्याच्या पाण्याची व्यवस्था, नोंदणी कक्ष, ध्वनी व्यवस्था, सुरक्षा आणि मार्ग नियोजनाची तयारी पूर्ण झाली आहे. आयोजकांनी नुकतीच स्पर्धास्थळाची पाहणी करून आवश्यक सूचना दिल्या आहेत. ही स्पर्धा अमरनाथ यात्रेच्या पूर्वतयारीचा एक महत्त्वाचा भाग मानली जाते. गेल्या तीन महिन्यांपासून यात्रेकरूंना नियमित चालणे, व्यायाम, प्राणायाम आणि हास्ययोगाचे प्रशिक्षण दिले जात आहे. कलेक्टर कार्यालय मैदानावर दररोज सकाळी शेकडो यात्रेकरू सराव करत असून, या स्पर्धेद्वारे त्यांच्या शारीरिक क्षमतेची चाचणी घेतली जाईल. आरोग्य संवर्धनाचा संदेश समाजात पोहोचवण्यासाठी ही स्पर्धा सर्व नागरिकांसाठी खुली ठेवण्यात आली असून, मोठ्या संख्येने यात सहभागी होण्याचे आवाहन आयोजकांनी केले आहे. नियमित चालणे ही उत्तम आरोग्याची गुरुकिल्ली असल्याने, प्रत्येक नागरिकाने या उपक्रमात सहभागी होऊन निरोगी जीवनशैलीचा संकल्प करावा, असे आवाहन धर्मभूषण ॲड. दिलीप ठाकूर यांनी केले आहे.

Informative news

Nanded, Maharashtra•

13 hrs ago

नांदेड शहरातील श्रीराम सेतू, गोवर्धनघाट येथे बुधवार, २४ जून रोजी सकाळी ६ वाजता आयोजित करण्यात आलेल्या २७ व्या भव्य चालण्याच्या स्पर्धेची तयारी अंतिम टप्प्यात पोहोचली असून, नांदेडकरांमध्ये या स्पर्धेबाबत मोठा उत्साह दिसून येत आहे. भाजपा महानगर नांदेड, लायन्स क्लब नांदेड सेंट्रल आणि अमरनाथ यात्री संघ यांच्या संयुक्त विद्यमाने या स्पर्धेचे आयोजन करण्यात आले आहे. या स्पर्धेतील विविध ११ गटांमधील प्रथम क्रमांकाच्या विजेत्यांना स्नेहलता जायस्वाल यांच्या वतीने मोबाईल बक्षीस दिले जाईल, अशी माहिती भाजपा जिल्हा सरचिटणीस तथा अमरनाथ यात्री संघाचे अध्यक्ष धर्मभूषण ॲड. दिलीप ठाकूर यांनी दिली. तसेच, प्रत्येक गटातील प्रथम, द्वितीय आणि तृतीय क्रमांकाच्या विजेत्यांना विजयसिंह परदेशी यांच्यातर्फे आकर्षक स्मृतिचिन्हे प्रदान केली जाणार आहेत. स्पर्धेच्या दिवशी वेळेवर उपस्थित राहणाऱ्या पहिल्या २०० स्पर्धकांना आकर्षक टी-शर्ट मिळतील, अशी घोषणाही करण्यात आली असून, यंदा विक्रमी सहभागाची अपेक्षा आयोजकांनी व्यक्त केली आहे. महाराष्ट्राचे माजी मुख्यमंत्री तथा खासदार अशोकराव चव्हाण यांच्या हस्ते या स्पर्धेचे उद्घाटन होणार आहे. यावेळी खासदार डॉ. अजित गोपछडे, आमदार अमरनाथ राजूरकर, भाजपा प्रदेश उपाध्यक्ष संजय कोडगे, ॲड. चैतन्य देशमुख, माजी पालकमंत्री डी. पी. सावंत, भाजपा जिल्हाध्यक्ष डॉ. संतुकराव हंबर्डे, ॲड. किशोर देशमुख, महापौर कविता मुळे, उपमहापौर दीपकसिंह रावत, स्थायी समिती सभापती विरेंद्रसिंह गाडीवाले, सभागृह नेते ॲड. महेश कनकदंडे, विजय येवणकर, शीतल खांडील, विजय गंभीरे, सुषमा थोरात आणि लायन्स उपप्रांतपाल योगेश जायस्वाल यांच्यासह अनेक मान्यवर उपस्थित राहणार आहेत. स्पर्धकांना २ किलोमीटर अंतर चालायचे असून, पुरुष व महिला खुला गट, ४० ते ६० वर्षे वयोगट, ६० वर्षांवरील गट, अमरनाथ यात्रींसाठी स्वतंत्र गट आणि माध्यम प्रतिनिधी अशा एकूण ११ गटांमध्ये ही स्पर्धा घेतली जाईल. स्पर्धेच्या यशस्वी आयोजनासाठी स्वयंसेवकांची स्वतंत्र यंत्रणा कार्यरत असून, वैद्यकीय सुविधा, पिण्याच्या पाण्याची व्यवस्था, नोंदणी कक्ष, ध्वनी व्यवस्था, सुरक्षा आणि मार्ग नियोजनाची तयारी पूर्ण झाली आहे. आयोजकांनी नुकतीच स्पर्धास्थळाची पाहणी करून आवश्यक सूचना दिल्या आहेत. ही स्पर्धा अमरनाथ यात्रेच्या पूर्वतयारीचा एक महत्त्वाचा भाग मानली जाते. गेल्या तीन महिन्यांपासून यात्रेकरूंना नियमित चालणे, व्यायाम, प्राणायाम आणि हास्ययोगाचे प्रशिक्षण दिले जात आहे. कलेक्टर कार्यालय मैदानावर दररोज सकाळी शेकडो यात्रेकरू सराव करत असून, या स्पर्धेद्वारे त्यांच्या शारीरिक क्षमतेची चाचणी घेतली जाईल. आरोग्य संवर्धनाचा संदेश समाजात पोहोचवण्यासाठी ही स्पर्धा सर्व नागरिकांसाठी खुली ठेवण्यात आली असून, मोठ्या संख्येने यात सहभागी होण्याचे आवाहन आयोजकांनी केले आहे. नियमित चालणे ही उत्तम आरोग्याची गुरुकिल्ली असल्याने, प्रत्येक नागरिकाने या उपक्रमात सहभागी होऊन निरोगी जीवनशैलीचा संकल्प करावा, असे आवाहन धर्मभूषण ॲड. दिलीप ठाकूर यांनी केले आहे.