ചെങ്ങന്നൂർ നഗരസഭാ പ്രദേശത്ത് ഭീതി പരത്തുന്ന തെരുവുനായ്ക്കളെ നിയന്ത്രിക്കാൻ കർശന നടപടി ​ചെങ്ങന്നൂർ: നഗരസഭാ പ്രദേശത്ത് ഭീതിയുയർത്തുന്ന തെരുവ് നായ്ക്കളുടെ പ്രശ്നങ്ങൾക്ക് പരിഹാരം കാണാനും പ്രതിരോധ നടപടികൾ ശക്തമാക്കാനും നഗരസഭാ തീരുമാനം. അക്രമകാരികളും രോഗബാധിതരുമായ തെരുവ് നായ്ക്കളുടെ ദയാവധം, തെരുവു നായ് മാനേജ്മെന്റ് കമ്മിറ്റി രൂപീകരണം എന്നിവയുമായി ബന്ധപ്പെട്ട് ചേർന്ന യോഗത്തിലാണ് നിർണായക തീരുമാനങ്ങൾ കൈക്കൊണ്ടത്. നഗരസഭാ ചെയർമാൻ മനീഷ് കീഴാമഠത്തിൽ അധ്യക്ഷത വഹിച്ചു സെക്രട്ടറി എം.ഡി. ദീപ , വെറ്റിനറി സർജൻ ഡോ. കെ. എസ്. ഷിബു, കൗൺസിലർമാർ എന്നിവർ പങ്കെടുത്തു. ശബരിമല തീർത്ഥാടനം ആരംഭിക്കുന്നതിനു മുന്നോടിയായി നഗരസഭയിലെ മുഴുവൻ വാർഡുകളിലും വാക്സിനേഷൻ ഡ്രൈവ് ഊർജിതമായി നടപ്പിലാക്കും. എബിസി സെന്ററും ഷെൽട്ടറും ചെങ്ങന്നൂർ ബ്ലോക്ക് പഞ്ചായത്തുമായി സഹകരിച്ച് അനുയോജ്യമായ സ്ഥലം കണ്ടെത്തി നായ്ക്കൾക്കായുള്ള ഷെൽട്ടറും എബിസി സെന്ററും അടിയന്തരമായി നിർമിക്കും. പദ്ധതിയുടെ ആദ്യഘട്ടമെന്ന നിലയിൽ രണ്ട് ലക്ഷം രൂപ ജില്ലാ പഞ്ചായത്തിന് കൈമാറി. സ്‌ട്രെ ഡോഗ് മാനേജ്‌മെന്റ് കമ്മിറ്റി നിലവിൽ വന്നു അപകടനിലയിലുള്ള നായ്ക്കളുടെ ദയാവധം സംബന്ധിച്ച കാര്യങ്ങളിൽ നിയമപരമായ തീരുമാനമെടുക്കാൻ പ്രത്യേക കമ്മിറ്റി രൂപീകരിച്ചു. വളർത്തുനായ്ക്കളെ ഉടമസ്ഥർ പൊതുസ്ഥലങ്ങളിലേക്ക് തുറന്നുവിടുന്ന പ്രവണത കർശനമായി തടയും. വളർത്തുമൃഗങ്ങൾക്ക് ലൈസൻസ് എടുക്കുകയും മൈക്രോ ചിപ്പ് ഘടിപ്പിക്കുകയും വേണം. ഉത്തരവാദിത്തമില്ലാതെ നായ്ക്കളെ പൊതുവഴികളിൽ അഴിച്ചുവിടുന്ന ഉടമകളിൽ നിന്ന് വൻതുക പിഴ ഈടാക്കുമെന്ന് അധികൃതർ മുന്നറിയിപ്പ് നൽകി

ചെങ്ങന്നൂർ വാർത്ത

ചെങ്ങന്നൂർ, ആലപ്പുഴ, കേരളം•

6 hrs ago

ചെങ്ങന്നൂർ നഗരസഭാ പ്രദേശത്ത് ഭീതി പരത്തുന്ന തെരുവുനായ്ക്കളെ നിയന്ത്രിക്കാൻ കർശന നടപടി ​ചെങ്ങന്നൂർ: നഗരസഭാ പ്രദേശത്ത് ഭീതിയുയർത്തുന്ന തെരുവ് നായ്ക്കളുടെ പ്രശ്നങ്ങൾക്ക് പരിഹാരം കാണാനും പ്രതിരോധ നടപടികൾ ശക്തമാക്കാനും നഗരസഭാ തീരുമാനം. അക്രമകാരികളും രോഗബാധിതരുമായ തെരുവ് നായ്ക്കളുടെ ദയാവധം, തെരുവു നായ് മാനേജ്മെന്റ് കമ്മിറ്റി രൂപീകരണം എന്നിവയുമായി ബന്ധപ്പെട്ട് ചേർന്ന യോഗത്തിലാണ് നിർണായക തീരുമാനങ്ങൾ കൈക്കൊണ്ടത്. നഗരസഭാ ചെയർമാൻ മനീഷ് കീഴാമഠത്തിൽ അധ്യക്ഷത വഹിച്ചു സെക്രട്ടറി എം.ഡി. ദീപ , വെറ്റിനറി സർജൻ ഡോ. കെ. എസ്. ഷിബു, കൗൺസിലർമാർ എന്നിവർ പങ്കെടുത്തു. ശബരിമല തീർത്ഥാടനം ആരംഭിക്കുന്നതിനു മുന്നോടിയായി നഗരസഭയിലെ മുഴുവൻ വാർഡുകളിലും വാക്സിനേഷൻ ഡ്രൈവ് ഊർജിതമായി നടപ്പിലാക്കും. എബിസി സെന്ററും ഷെൽട്ടറും ചെങ്ങന്നൂർ ബ്ലോക്ക് പഞ്ചായത്തുമായി സഹകരിച്ച് അനുയോജ്യമായ സ്ഥലം കണ്ടെത്തി നായ്ക്കൾക്കായുള്ള ഷെൽട്ടറും എബിസി സെന്ററും അടിയന്തരമായി നിർമിക്കും. പദ്ധതിയുടെ ആദ്യഘട്ടമെന്ന നിലയിൽ രണ്ട് ലക്ഷം രൂപ ജില്ലാ പഞ്ചായത്തിന് കൈമാറി. സ്‌ട്രെ ഡോഗ് മാനേജ്‌മെന്റ് കമ്മിറ്റി നിലവിൽ വന്നു അപകടനിലയിലുള്ള നായ്ക്കളുടെ ദയാവധം സംബന്ധിച്ച കാര്യങ്ങളിൽ നിയമപരമായ തീരുമാനമെടുക്കാൻ പ്രത്യേക കമ്മിറ്റി രൂപീകരിച്ചു. വളർത്തുനായ്ക്കളെ ഉടമസ്ഥർ പൊതുസ്ഥലങ്ങളിലേക്ക് തുറന്നുവിടുന്ന പ്രവണത കർശനമായി തടയും. വളർത്തുമൃഗങ്ങൾക്ക് ലൈസൻസ് എടുക്കുകയും മൈക്രോ ചിപ്പ് ഘടിപ്പിക്കുകയും വേണം. ഉത്തരവാദിത്തമില്ലാതെ നായ്ക്കളെ പൊതുവഴികളിൽ അഴിച്ചുവിടുന്ന ഉടമകളിൽ നിന്ന് വൻതുക പിഴ ഈടാക്കുമെന്ന് അധികൃതർ മുന്നറിയിപ്പ് നൽകി