कोल्हापूरमध्ये श्री महालक्ष्मी अंबाबाई मंदिराच्या दीड हजार कोटी रुपयांच्या आधुनिकीकरण आणि सुशोभीकरण प्रकल्पाचा शुभारंभ केंद्रीय गृहमंत्री अमित शहा यांच्या हस्ते 20 तारखेला पार पडला. यावेळी उपमुख्यमंत्री एकनाथ शिंदे यांनी विश्वास व्यक्त केला की, या ऐतिहासिक प्रकल्पामुळे कोल्हापुरात ‘विकासाची पंचगंगा वाहणार’ असून, ‘दक्षिण काशी’ म्हणून ओळखल्या जाणाऱ्या या नगरीला जागतिक धार्मिक पर्यटनाच्या नकाशावर नवे स्थान मिळेल. हा प्रकल्प सांस्कृतिक पुनरुत्थान, पर्यटनवृद्धी, रोजगारनिर्मिती आणि स्थानिक अर्थव्यवस्थेला चालना देणारा असून, कोल्हापूरच्या विकासाचे नवे पर्व ठरेल, असेही त्यांनी सांगितले. कार्यक्रमाच्या प्रारंभी उपमुख्यमंत्री शिंदे यांनी केंद्रीय गृहमंत्री अमित शहा यांचे कोल्हापूर नगरीत मनःपूर्वक स्वागत केले. तसेच मुख्यमंत्री देवेंद्र फडणवीस, मंत्री रवींद्र चव्हाण, हसन मुश्रीफ, आशिष शेलार, चंद्रकांत पाटील, शिवेंद्रराजे भोसले, माधुरी मिसाळ, खासदार धनंजय महाडिक, आमदार, महायुतीचे पदाधिकारी आणि मोठ्या संख्येने उपस्थित नागरिकांचेही त्यांनी स्वागत केले. शिंदे यांनी नमूद केले की, अंबाबाई मंदिराच्या आधुनिकीकरण आणि सुशोभीकरणाचा शुभारंभ हा केवळ कोल्हापूरसाठीच नव्हे, तर महाराष्ट्र आणि देशाच्या सांस्कृतिक इतिहासात सुवर्णाक्षरांनी नोंदवला जाईल. अमित शहा यांचे कोल्हापूरशी असलेले भावनिक नाते अधोरेखित करत शिंदे म्हणाले की, कोल्हापूर हे त्यांचे सासर असल्याने या प्रकल्पामुळे त्यांच्या गृहलक्ष्मीही अधिक प्रसन्न होतील. पंतप्रधान नरेंद्र मोदी यांच्या नेतृत्वाखाली देशात सुरू असलेल्या सांस्कृतिक पुनरुत्थानाचा संदर्भ देत शिंदे यांनी काशी विश्वनाथ कॉरिडॉर, अयोध्या राम मंदिर आणि उज्जैनमधील महाकाल मंदिराच्या प्रकल्पांचा उल्लेख केला. त्यांनी ‘भारताने आपला आत्मा ओळखला आहे’ असे सांगत देशभरातील धार्मिक आणि सांस्कृतिक वारशाच्या संवर्धनाला नवी दिशा मिळाल्याचे नमूद केले. शिंदे यांनी अमित शहा यांच्या राष्ट्रीय सुरक्षेतील उपाययोजनांची प्रशंसा करत सांगितले की, त्यांनी देशातील नागरिकांच्या मनात सुरक्षिततेची भावना निर्माण केली आहे. आतंकवाद आणि नक्षलवादाविरोधात कठोर भूमिका घेत देशाला नवी दिशा दिली. जम्मू-काश्मीरमधील कलम 370 हटविण्याचा ऐतिहासिक निर्णय असो किंवा 2026 पर्यंत देशाला नक्षलवादमुक्त करण्याचा निर्धार असो, अमित शहा यांनी घेतलेले निर्णय देशहिताचे ठरले आहेत. गडचिरोलीसह नक्षलग्रस्त भागांमध्ये विकास आणि शांतता प्रस्थापित करण्यासाठी शाह यांनी महत्त्वपूर्ण भूमिका बजावली असून, ‘ते बोलतात ते करून दाखवतात’ असे शिंदे म्हणाले. केंद्रीय गृहमंत्रीपदाबरोबरच सहकार मंत्री म्हणूनही अमित शहा यांनी केलेल्या कामाचे कौतुक करत शिंदे म्हणाले की, पूर्वी काही मोजक्या लोकांच्या हातात असलेले सहकार क्षेत्र त्यांनी सर्वसामान्यांपर्यंत पोहोचवले. साखर कारखाने आणि शेतकरी अडचणीत असताना त्यांच्या मागण्यांना प्रतिसाद देत सुमारे दहा हजार कोटी रुपयांचा आयकर माफ करण्याचा ऐतिहासिक निर्णयही त्यांनी घेतल्याचे शिंदे यांनी सांगितले. उपमुख्यमंत्री शिंदे यांनी स्पष्ट केले की, अंबाबाई मंदिराच्या सुमारे दीड हजार कोटी रुपयांच्या विकास प्रकल्पाचा आज प्रारंभ होत असून, महाराष्ट्र सरकारदेखील राज्यातील विविध मंदिरांच्या विकास आणि सुशोभीकरणासाठी मोठ्या प्रमाणावर काम करत आहे. महायुती सरकार राज्यातील तीर्थक्षेत्रे, प्राचीन मंदिरे, गड-किल्ले आणि ऐतिहासिक वास्तूंचे जतन, संरक्षण आणि पुनरुत्थान करण्यासाठी कटिबद्ध आहे. केंद्र आणि राज्य सरकार देशभरातील तीर्थक्षेत्रांचा विकास आणि सांस्कृतिक परंपरेच्या संवर्धनासाठी समन्वयाने काम करत असल्याचेही त्यांनी नमूद केले. आपल्या भाषणाचा समारोप करताना शिंदे यांनी अमित शहांच्या कोल्हापूर दौऱ्यांमुळे राज्याला विकासाची नवी ऊर्जा मिळते, असे सांगत हिंदीमध्ये भावना व्यक्त करत म्हटले की, ‘जनता की हर मांग आपने पूरी कर दी है, रुके हुए हर काम को आपने रफ्तार दी है. आपकी बदौलत यहां विकास की पंचगंगा बहेगी और मां अंबाबाई मंदिर का नवनिर्माण एक मिसाल बन जाएगा.’ त्यांनी पुन्हा एकदा विश्वास व्यक्त केला की, अंबाबाई मंदिर विकास प्रकल्प हा केवळ मंदिर परिसराच्या सुशोभीकरणापुरता मर्यादित नसून कोल्हापूरच्या सांस्कृतिक, धार्मिक, पर्यटन आणि आर्थिक विकासाला नवी चालना देणारा ठरेल.

Amit Omprakash tiwari

मुंबई, मुंबई, महाराष्ट्र•

14 hrs ago

कोल्हापूरमध्ये श्री महालक्ष्मी अंबाबाई मंदिराच्या दीड हजार कोटी रुपयांच्या आधुनिकीकरण आणि सुशोभीकरण प्रकल्पाचा शुभारंभ केंद्रीय गृहमंत्री अमित शहा यांच्या हस्ते 20 तारखेला पार पडला. यावेळी उपमुख्यमंत्री एकनाथ शिंदे यांनी विश्वास व्यक्त केला की, या ऐतिहासिक प्रकल्पामुळे कोल्हापुरात ‘विकासाची पंचगंगा वाहणार’ असून, ‘दक्षिण काशी’ म्हणून ओळखल्या जाणाऱ्या या नगरीला जागतिक धार्मिक पर्यटनाच्या नकाशावर नवे स्थान मिळेल. हा प्रकल्प सांस्कृतिक पुनरुत्थान, पर्यटनवृद्धी, रोजगारनिर्मिती आणि स्थानिक अर्थव्यवस्थेला चालना देणारा असून, कोल्हापूरच्या विकासाचे नवे पर्व ठरेल, असेही त्यांनी सांगितले. कार्यक्रमाच्या प्रारंभी उपमुख्यमंत्री शिंदे यांनी केंद्रीय गृहमंत्री अमित शहा यांचे कोल्हापूर नगरीत मनःपूर्वक स्वागत केले. तसेच मुख्यमंत्री देवेंद्र फडणवीस, मंत्री रवींद्र चव्हाण, हसन मुश्रीफ, आशिष शेलार, चंद्रकांत पाटील, शिवेंद्रराजे भोसले, माधुरी मिसाळ, खासदार धनंजय महाडिक, आमदार, महायुतीचे पदाधिकारी आणि मोठ्या संख्येने उपस्थित नागरिकांचेही त्यांनी स्वागत केले. शिंदे यांनी नमूद केले की, अंबाबाई मंदिराच्या आधुनिकीकरण आणि सुशोभीकरणाचा शुभारंभ हा केवळ कोल्हापूरसाठीच नव्हे, तर महाराष्ट्र आणि देशाच्या सांस्कृतिक इतिहासात सुवर्णाक्षरांनी नोंदवला जाईल. अमित शहा यांचे कोल्हापूरशी असलेले भावनिक नाते अधोरेखित करत शिंदे म्हणाले की, कोल्हापूर हे त्यांचे सासर असल्याने या प्रकल्पामुळे त्यांच्या गृहलक्ष्मीही अधिक प्रसन्न होतील. पंतप्रधान नरेंद्र मोदी यांच्या नेतृत्वाखाली देशात सुरू असलेल्या सांस्कृतिक पुनरुत्थानाचा संदर्भ देत शिंदे यांनी काशी विश्वनाथ कॉरिडॉर, अयोध्या राम मंदिर आणि उज्जैनमधील महाकाल मंदिराच्या प्रकल्पांचा उल्लेख केला. त्यांनी ‘भारताने आपला आत्मा ओळखला आहे’ असे सांगत देशभरातील धार्मिक आणि सांस्कृतिक वारशाच्या संवर्धनाला नवी दिशा मिळाल्याचे नमूद केले. शिंदे यांनी अमित शहा यांच्या राष्ट्रीय सुरक्षेतील उपाययोजनांची प्रशंसा करत सांगितले की, त्यांनी देशातील नागरिकांच्या मनात सुरक्षिततेची भावना निर्माण केली आहे. आतंकवाद आणि नक्षलवादाविरोधात कठोर भूमिका घेत देशाला नवी दिशा दिली. जम्मू-काश्मीरमधील कलम 370 हटविण्याचा ऐतिहासिक निर्णय असो किंवा 2026 पर्यंत देशाला नक्षलवादमुक्त करण्याचा निर्धार असो, अमित शहा यांनी घेतलेले निर्णय देशहिताचे ठरले आहेत. गडचिरोलीसह नक्षलग्रस्त भागांमध्ये विकास आणि शांतता प्रस्थापित करण्यासाठी शाह यांनी महत्त्वपूर्ण भूमिका बजावली असून, ‘ते बोलतात ते करून दाखवतात’ असे शिंदे म्हणाले. केंद्रीय गृहमंत्रीपदाबरोबरच सहकार मंत्री म्हणूनही अमित शहा यांनी केलेल्या कामाचे कौतुक करत शिंदे म्हणाले की, पूर्वी काही मोजक्या लोकांच्या हातात असलेले सहकार क्षेत्र त्यांनी सर्वसामान्यांपर्यंत पोहोचवले. साखर कारखाने आणि शेतकरी अडचणीत असताना त्यांच्या मागण्यांना प्रतिसाद देत सुमारे दहा हजार कोटी रुपयांचा आयकर माफ करण्याचा ऐतिहासिक निर्णयही त्यांनी घेतल्याचे शिंदे यांनी सांगितले. उपमुख्यमंत्री शिंदे यांनी स्पष्ट केले की, अंबाबाई मंदिराच्या सुमारे दीड हजार कोटी रुपयांच्या विकास प्रकल्पाचा आज प्रारंभ होत असून, महाराष्ट्र सरकारदेखील राज्यातील विविध मंदिरांच्या विकास आणि सुशोभीकरणासाठी मोठ्या प्रमाणावर काम करत आहे. महायुती सरकार राज्यातील तीर्थक्षेत्रे, प्राचीन मंदिरे, गड-किल्ले आणि ऐतिहासिक वास्तूंचे जतन, संरक्षण आणि पुनरुत्थान करण्यासाठी कटिबद्ध आहे. केंद्र आणि राज्य सरकार देशभरातील तीर्थक्षेत्रांचा विकास आणि सांस्कृतिक परंपरेच्या संवर्धनासाठी समन्वयाने काम करत असल्याचेही त्यांनी नमूद केले. आपल्या भाषणाचा समारोप करताना शिंदे यांनी अमित शहांच्या कोल्हापूर दौऱ्यांमुळे राज्याला विकासाची नवी ऊर्जा मिळते, असे सांगत हिंदीमध्ये भावना व्यक्त करत म्हटले की, ‘जनता की हर मांग आपने पूरी कर दी है, रुके हुए हर काम को आपने रफ्तार दी है. आपकी बदौलत यहां विकास की पंचगंगा बहेगी और मां अंबाबाई मंदिर का नवनिर्माण एक मिसाल बन जाएगा.’ त्यांनी पुन्हा एकदा विश्वास व्यक्त केला की, अंबाबाई मंदिर विकास प्रकल्प हा केवळ मंदिर परिसराच्या सुशोभीकरणापुरता मर्यादित नसून कोल्हापूरच्या सांस्कृतिक, धार्मिक, पर्यटन आणि आर्थिक विकासाला नवी चालना देणारा ठरेल.