ପୁରୀରେ ଆଗାମୀ ରଥଯାତ୍ରା ପାଇଁ ରଥଖଳାରେ ରଥ ନିର୍ମାଣ କାର୍ଯ୍ୟ ଏବେ ଶେଷ ପର୍ଯ୍ୟାୟରେ ପହଞ୍ଚିଛି। ଶନିବାର ରଥ ନିର୍ମାଣର ୮୨ତମ ଦିନରେ ତିନି ରଥର ପୋଟଳ ଖପୁରୀ ଉପରେ କଳସ, ଓଲଟ ଶୁଆ ଓ ଅଁଳା ସ୍ଥାପନ କରି କଣ୍ଟା ବସାଇବା କାର୍ଯ୍ୟ ସମ୍ପନ୍ନ ହୋଇଛି। ମୁଖ୍ୟ ମହାରଣାଙ୍କ ମାର୍ଗଦର୍ଶନ ଏବଂ ଭୋଇ ସର୍ଦ୍ଦାର ରବି ଭୋଇଙ୍କ ତତ୍ତ୍ୱାବଧାନରେ ମହାରଣା ଓ ଭୋଇ ସେବକମାନେ ଏହି ସମସ୍ତ କାର୍ଯ୍ୟ ସମ୍ପାଦନ କରିଛନ୍ତି। ଏହାସହ ଚିତ୍ରକାର ସେବକମାନେ ତିନି ରଥର ବାହ୍ୟ ଅଂଶରେ ରଙ୍ଗ କାର୍ଯ୍ୟ ଏବଂ ଘୋଡ଼ା ଓ ସାରଥୀଙ୍କ ଚିତ୍ରାଙ୍କନ କାର୍ଯ୍ୟ ପ୍ରାୟ ଶେଷ କରିଛନ୍ତି। ଅନ୍ୟପଟେ, ଦରଜୀ ସେବକମାନେ ରଥର ବତା କନା ସିଲେଇ କାର୍ଯ୍ୟ ସମାପ୍ତ କରିବା ସହ କନା ଯୋଡ଼ା, ଦୁଆରବେଢ଼ା ଓ ଚନ୍ଦ୍ରଶାଳୀରେ ଚିକଣ ଫୁଲ ଏବଂ ଜରୀ ଲେସ୍ ଲଗାଇବା କାର୍ଯ୍ୟ ଶେଷ କରିଛନ୍ତି। ପୋଟଳ କନା ଓ ସାରଥୀ ପୋଷାକ ପ୍ରସ୍ତୁତି ଶେଷ ପର୍ଯ୍ୟାୟରେ ପହଞ୍ଚିଥିବା ବେଳେ ଆସନ୍ତାକାଲି ଅପରାହ୍ନରୁ ତିନି ରଥରେ କନା ପଡ଼ିବା କାର୍ଯ୍ୟ ଆରମ୍ଭ ହେବ ବୋଲି ମୁଖ୍ୟ ଦରଜୀ ସେବକ ସୂଚନା ଦେଇଛନ୍ତି। ଦୋଳବେଦୀ ଅସ୍ଥାୟୀ କମାରଶାଳରେ ଓଝା କମାର ସେବକମାନେ ରଥର କନା ପକା କାର୍ଯ୍ୟ ପାଇଁ ଆବଶ୍ୟକ ସାମଗ୍ରୀ ପ୍ରସ୍ତୁତ କରିବା ସହ ଅଣସର ତାଟି କାଟିବା ପାଇଁ ଛୁରୀ, କଟୁରୀ ଓ ହାତୁଡ଼ି ଭଳି ସରଞ୍ଜାମ ନିର୍ମାଣ ଶେଷ କରିଛନ୍ତି। ପାହି ମହାରଣାମାନେ ମଧ୍ୟ ରଥ ପ୍ରତିଷ୍ଠା ପାଇଁ ଆବଶ୍ୟକ କାଠ ନିର୍ମିତ ସାମଗ୍ରୀ ପ୍ରସ୍ତୁତି କାର୍ଯ୍ୟ ଜାରି ରଖିଛନ୍ତି। ଏହି ଦିନ ରଥଖଳାରେ ମୋଟ ୨୪୩ ଜଣ ସେବକ କାର୍ଯ୍ୟରେ ନିୟୋଜିତ ଥିଲେ, ଯେଉଁଥିରେ ୭୭ ଜଣ ମହାରଣା, ୭୬ ଜଣ ଭୋଇ ସେବକ, ୨୧ ଜଣ ରୂପକାର, ୨୦ ଜଣ ଓଝା କମାର, ୪୦ ଜଣ ଚିତ୍ରକାର ଓ ଅନ୍ୟାନ୍ୟ ସେବକ ସାମିଲ ରହିଥିଲେ।

Puri Update News

Court reporter ପୁରୀ (M), ପୁରୀ, ଓଡ଼ିଶା•

1 hr ago

ପୁରୀରେ ଆଗାମୀ ରଥଯାତ୍ରା ପାଇଁ ରଥଖଳାରେ ରଥ ନିର୍ମାଣ କାର୍ଯ୍ୟ ଏବେ ଶେଷ ପର୍ଯ୍ୟାୟରେ ପହଞ୍ଚିଛି। ଶନିବାର ରଥ ନିର୍ମାଣର ୮୨ତମ ଦିନରେ ତିନି ରଥର ପୋଟଳ ଖପୁରୀ ଉପରେ କଳସ, ଓଲଟ ଶୁଆ ଓ ଅଁଳା ସ୍ଥାପନ କରି କଣ୍ଟା ବସାଇବା କାର୍ଯ୍ୟ ସମ୍ପନ୍ନ ହୋଇଛି। ମୁଖ୍ୟ ମହାରଣାଙ୍କ ମାର୍ଗଦର୍ଶନ ଏବଂ ଭୋଇ ସର୍ଦ୍ଦାର ରବି ଭୋଇଙ୍କ ତତ୍ତ୍ୱାବଧାନରେ ମହାରଣା ଓ ଭୋଇ ସେବକମାନେ ଏହି ସମସ୍ତ କାର୍ଯ୍ୟ ସମ୍ପାଦନ କରିଛନ୍ତି। ଏହାସହ ଚିତ୍ରକାର ସେବକମାନେ ତିନି ରଥର ବାହ୍ୟ ଅଂଶରେ ରଙ୍ଗ କାର୍ଯ୍ୟ ଏବଂ ଘୋଡ଼ା ଓ ସାରଥୀଙ୍କ ଚିତ୍ରାଙ୍କନ କାର୍ଯ୍ୟ ପ୍ରାୟ ଶେଷ କରିଛନ୍ତି। ଅନ୍ୟପଟେ, ଦରଜୀ ସେବକମାନେ ରଥର ବତା କନା ସିଲେଇ କାର୍ଯ୍ୟ ସମାପ୍ତ କରିବା ସହ କନା ଯୋଡ଼ା, ଦୁଆରବେଢ଼ା ଓ ଚନ୍ଦ୍ରଶାଳୀରେ ଚିକଣ ଫୁଲ ଏବଂ ଜରୀ ଲେସ୍ ଲଗାଇବା କାର୍ଯ୍ୟ ଶେଷ କରିଛନ୍ତି। ପୋଟଳ କନା ଓ ସାରଥୀ ପୋଷାକ ପ୍ରସ୍ତୁତି ଶେଷ ପର୍ଯ୍ୟାୟରେ ପହଞ୍ଚିଥିବା ବେଳେ ଆସନ୍ତାକାଲି ଅପରାହ୍ନରୁ ତିନି ରଥରେ କନା ପଡ଼ିବା କାର୍ଯ୍ୟ ଆରମ୍ଭ ହେବ ବୋଲି ମୁଖ୍ୟ ଦରଜୀ ସେବକ ସୂଚନା ଦେଇଛନ୍ତି। ଦୋଳବେଦୀ ଅସ୍ଥାୟୀ କମାରଶାଳରେ ଓଝା କମାର ସେବକମାନେ ରଥର କନା ପକା କାର୍ଯ୍ୟ ପାଇଁ ଆବଶ୍ୟକ ସାମଗ୍ରୀ ପ୍ରସ୍ତୁତ କରିବା ସହ ଅଣସର ତାଟି କାଟିବା ପାଇଁ ଛୁରୀ, କଟୁରୀ ଓ ହାତୁଡ଼ି ଭଳି ସରଞ୍ଜାମ ନିର୍ମାଣ ଶେଷ କରିଛନ୍ତି। ପାହି ମହାରଣାମାନେ ମଧ୍ୟ ରଥ ପ୍ରତିଷ୍ଠା ପାଇଁ ଆବଶ୍ୟକ କାଠ ନିର୍ମିତ ସାମଗ୍ରୀ ପ୍ରସ୍ତୁତି କାର୍ଯ୍ୟ ଜାରି ରଖିଛନ୍ତି। ଏହି ଦିନ ରଥଖଳାରେ ମୋଟ ୨୪୩ ଜଣ ସେବକ କାର୍ଯ୍ୟରେ ନିୟୋଜିତ ଥିଲେ, ଯେଉଁଥିରେ ୭୭ ଜଣ ମହାରଣା, ୭୬ ଜଣ ଭୋଇ ସେବକ, ୨୧ ଜଣ ରୂପକାର, ୨୦ ଜଣ ଓଝା କମାର, ୪୦ ଜଣ ଚିତ୍ରକାର ଓ ଅନ୍ୟାନ୍ୟ ସେବକ ସାମିଲ ରହିଥିଲେ।