चापोलीतील किराणा दुकान फोडून ६२ हजार ८९५ रुपयांचा ऐवज लंपास..अज्ञात चोरट्यांचा मध्यरात्री धाडसी डाव; चाकूर पोलिसांत गुन्हा दाखल, तपास सुरू चाकूर - चाकूर तालुक्यातील चापोली येथे अज्ञात चोरट्यांनी मध्यरात्री किराणा दुकानाचे कुलूप तोडून तब्बल ६२ हजार ८९५ रुपयांचा किराणा माल व रोख रक्कम चोरून नेल्याची घटना उघडकीस आली आहे. याप्रकरणी चाकूर पोलीस ठाण्यात अज्ञात चोरट्यांविरुद्ध गुन्हा दाखल करण्यात आला असून पोलिसांनी तपास सुरू केला आहे. पोलिंसाकडून मिळालेल्या माहितीनुसार, शिवशंकर व्यंकट कदम (वय २७, रा. चापोली) यांचे छत्रपती शिवाजी चौक परिसरातील 'आप्पा किराणा स्टोअर्स' हे दुकान आहे. गुरुवारी (दि. ३०) रात्री ९ वाजल्यापासून ते शुक्रवारी (दि. ३१) पहाटे २.४० वाजण्याच्या दरम्यान अज्ञात चोरट्यांनी दुकानाचे कुलूप तोडून आत प्रवेश केला.चोरट्यांनी दुकानातील किर्ती गोल्ड खाद्यतेलाचे डबे, तांदळाचे कट्टे, साबुदाणा, काजू, बदाम, खोबरेल तेल, किर्ती गोल्डचे बॉक्स, गोदरेज नं. १ साबण तसेच १० हजार रुपयांची रोख रक्कम असा एकूण ६२ हजार ८९५ रुपयांचा मुद्देमाल चोरून नेला.दरम्यान, चाकूर तालुक्यात सलग घडणाऱ्या घरफोडी व चोरीच्या घटनांमुळे व्यापारी आणि नागरिकांमध्ये चिंतेचे वातावरण निर्माण झाले असून, रात्रीची गस्त अधिक प्रभावी करण्याची मागणी होत आहे. याप्रकरणी शिवशंकर कदम यांनी दिलेल्या फिर्यादीवरून गुरनं ४१८/२०२६ कलम ३३१(४) व ३०५(अ) बीएनएस अंतर्गत अज्ञातचोरट्याविरुद्ध चाकूर पोलीस ठाण्यात गुन्हा दाखल करण्यात आला आहे. सहाय्यक पोलीस निरीक्षक श्रीकांत शेंडगे पुढील तपास करीत आहेत.

संजय पाटील,पत्रकार

चाकूर, लातूर, महाराष्ट्र•

3 hrs ago

चापोलीतील किराणा दुकान फोडून ६२ हजार ८९५ रुपयांचा ऐवज लंपास..अज्ञात चोरट्यांचा मध्यरात्री धाडसी डाव; चाकूर पोलिसांत गुन्हा दाखल, तपास सुरू चाकूर - चाकूर तालुक्यातील चापोली येथे अज्ञात चोरट्यांनी मध्यरात्री किराणा दुकानाचे कुलूप तोडून तब्बल ६२ हजार ८९५ रुपयांचा किराणा माल व रोख रक्कम चोरून नेल्याची घटना उघडकीस आली आहे. याप्रकरणी चाकूर पोलीस ठाण्यात अज्ञात चोरट्यांविरुद्ध गुन्हा दाखल करण्यात आला असून पोलिसांनी तपास सुरू केला आहे. पोलिंसाकडून मिळालेल्या माहितीनुसार, शिवशंकर व्यंकट कदम (वय २७, रा. चापोली) यांचे छत्रपती शिवाजी चौक परिसरातील 'आप्पा किराणा स्टोअर्स' हे दुकान आहे. गुरुवारी (दि. ३०) रात्री ९ वाजल्यापासून ते शुक्रवारी (दि. ३१) पहाटे २.४० वाजण्याच्या दरम्यान अज्ञात चोरट्यांनी दुकानाचे कुलूप तोडून आत प्रवेश केला.चोरट्यांनी दुकानातील किर्ती गोल्ड खाद्यतेलाचे डबे, तांदळाचे कट्टे, साबुदाणा, काजू, बदाम, खोबरेल तेल, किर्ती गोल्डचे बॉक्स, गोदरेज नं. १ साबण तसेच १० हजार रुपयांची रोख रक्कम असा एकूण ६२ हजार ८९५ रुपयांचा मुद्देमाल चोरून नेला.दरम्यान, चाकूर तालुक्यात सलग घडणाऱ्या घरफोडी व चोरीच्या घटनांमुळे व्यापारी आणि नागरिकांमध्ये चिंतेचे वातावरण निर्माण झाले असून, रात्रीची गस्त अधिक प्रभावी करण्याची मागणी होत आहे. याप्रकरणी शिवशंकर कदम यांनी दिलेल्या फिर्यादीवरून गुरनं ४१८/२०२६ कलम ३३१(४) व ३०५(अ) बीएनएस अंतर्गत अज्ञातचोरट्याविरुद्ध चाकूर पोलीस ठाण्यात गुन्हा दाखल करण्यात आला आहे. सहाय्यक पोलीस निरीक्षक श्रीकांत शेंडगे पुढील तपास करीत आहेत.