శ్రీ సత్యసాయి జిల్లా ధర్మవరంలో మెహర్ బాబా సెంటర్ ఆధ్వర్యంలో ఆదివారం నిర్వహించిన వృద్ధుల ఉచిత వైద్య శిబిరంలో, ధర్మవరం శతాబ్ది చరిత్ర సమాచార సేకరణకు సంబంధించిన ప్రత్యేక కరపత్రాన్ని ఆవిష్కరించారు. రచయిత నల్లమాడ జయరామిరెడ్డి, సహరచయిత సత్య నిర్ధారణ కలిసి రూపొందించిన ఈ కరపత్రాన్ని మెహర్ బాబా సెంటర్ అధ్యక్షురాలు సుజాతమ్మ ఆవిష్కరించారు. ఈ సందర్భంగా సుజాతమ్మ మాట్లాడుతూ, ధర్మవరం చరిత్ర రచనలో ప్రజలు, స్వచ్ఛంద సంస్థల భాగస్వామ్యం అభినందనీయమని కొనియాడారు. పురాతన చరిత్ర తెలిసిన వారు తమ వద్ద ఉన్న సమాచారాన్ని అందించాలని ఆమె కోరారు. సహరచయిత సత్య నిర్ధారణ మాట్లాడుతూ ధర్మవరం సంస్కృతి, స్వాతంత్ర్య సమరయోధులు, పురాతన కట్టడాలు, స్వచ్ఛంద సంస్థల చరిత్రకు సంబంధించిన వివరాలను ప్రజలు అందించాలని విజ్ఞప్తి చేశారు. ధర్మవరం చరిత్రను భావితరాలకు అందించే ఈ ప్రయత్నం చారిత్రాత్మకమని మెహర్ బాబా కృష్ణమూర్తి పేర్కొనగా, చరిత్ర రచనలో ప్రజల సహకారం లభించడం సంతోషంగా ఉందని రచయిత నల్లమాడ జయరామిరెడ్డి తెలిపారు. ఈ కార్యక్రమంలో నాగార్జున, లలిత, మల్లికార్జున, మెహర్ బాబా ప్రేమికులు, పాత్రికేయులు, ప్రముఖులు పాల్గొన్నారు. వచ్చే ఆదివారం మరో సమావేశాన్ని నిర్వహించి, సంగీత విద్వాంసుడు బాబు బాలాజీ, పట్టు చీరల డిజైనర్ జుజారి నాగరాజుతో ముఖాముఖి కార్యక్రమం ఏర్పాటు చేయనున్నట్లు నారాయణస్వామి ఈ సందర్భంగా వెల్లడించారు.

Bandi vasava datta sanjay

Local News Reporter ధర్మవరం, శ్రీ సత్య సాయి, ఆంధ్రప్రదేశ్•

4 hrs ago

శ్రీ సత్యసాయి జిల్లా ధర్మవరంలో మెహర్ బాబా సెంటర్ ఆధ్వర్యంలో ఆదివారం నిర్వహించిన వృద్ధుల ఉచిత వైద్య శిబిరంలో, ధర్మవరం శతాబ్ది చరిత్ర సమాచార సేకరణకు సంబంధించిన ప్రత్యేక కరపత్రాన్ని ఆవిష్కరించారు. రచయిత నల్లమాడ జయరామిరెడ్డి, సహరచయిత సత్య నిర్ధారణ కలిసి రూపొందించిన ఈ కరపత్రాన్ని మెహర్ బాబా సెంటర్ అధ్యక్షురాలు సుజాతమ్మ ఆవిష్కరించారు. ఈ సందర్భంగా సుజాతమ్మ మాట్లాడుతూ, ధర్మవరం చరిత్ర రచనలో ప్రజలు, స్వచ్ఛంద సంస్థల భాగస్వామ్యం అభినందనీయమని కొనియాడారు. పురాతన చరిత్ర తెలిసిన వారు తమ వద్ద ఉన్న సమాచారాన్ని అందించాలని ఆమె కోరారు. సహరచయిత సత్య నిర్ధారణ మాట్లాడుతూ ధర్మవరం సంస్కృతి, స్వాతంత్ర్య సమరయోధులు, పురాతన కట్టడాలు, స్వచ్ఛంద సంస్థల చరిత్రకు సంబంధించిన వివరాలను ప్రజలు అందించాలని విజ్ఞప్తి చేశారు. ధర్మవరం చరిత్రను భావితరాలకు అందించే ఈ ప్రయత్నం చారిత్రాత్మకమని మెహర్ బాబా కృష్ణమూర్తి పేర్కొనగా, చరిత్ర రచనలో ప్రజల సహకారం లభించడం సంతోషంగా ఉందని రచయిత నల్లమాడ జయరామిరెడ్డి తెలిపారు. ఈ కార్యక్రమంలో నాగార్జున, లలిత, మల్లికార్జున, మెహర్ బాబా ప్రేమికులు, పాత్రికేయులు, ప్రముఖులు పాల్గొన్నారు. వచ్చే ఆదివారం మరో సమావేశాన్ని నిర్వహించి, సంగీత విద్వాంసుడు బాబు బాలాజీ, పట్టు చీరల డిజైనర్ జుజారి నాగరాజుతో ముఖాముఖి కార్యక్రమం ఏర్పాటు చేయనున్నట్లు నారాయణస్వామి ఈ సందర్భంగా వెల్లడించారు.