शासकीय जमिनीवर भूमाफियांचा डल्ला; बोईसरमध्ये तिघांविरुद्ध एमआरटीपी चा बडगा बोईसर पश्चिमेकडील सरावली परिसरात शासकीय जमिनीवर डोळे झाकून सुरू असलेल्या अनधिकृत बांधकामाच्या महाजालावर अखेर महसूल विभागाने हातोडा फिरवला आहे. मौजे सरावली येथील सर्व्हे क्र. १०४/१ अ या कोट्यवधी रुपये किमतीच्या सरकारी जागेवर डल्ला मारून बेकायदा आरसीसी इमारत उभारणाऱ्या तीन सराईत इसमांविरुद्ध बोईसर पोलीस ठाण्यात एमआरटीपी कायद्यांतर्गत गुन्हा दाखल करण्यात आला आहे. सरावली येथील स.क्र. १०४/१ अ ही २.२४.०० हेक्टर जमीन महाराष्ट्र शासनाच्या मालकीची आहे. या जमिनीवर बोईसर-नवापूर रोडवरील हॉटेल शबरीच्या शेजारी सोमदत्त भवानीभीख पाठक, कृष्णा भवानीभीख पाठक आणि शिवकुमार भवानीभीख पाठक या तिघांनी प्रशासनाची कोणतीही परवानगी न घेता अंदाजे २८ x ४५ चौ. फूट मापाचे तळमजला अधिक तीन मजल्यांचे आरसीसी बांधकाम सुरू केले होते. या बेकायदा बांधकामाची माहिती मिळताच बोईसरचे मंडळ अधिकारी विजय गुंडकर आणि सरावलीचे तलाठी हेमंत मुळाणे यांनी प्रत्यक्ष घटनास्थळी जाऊन पंचनामा केला. तहसीलदार पालघर यांच्या आदेशानुसार, महाराष्ट्र प्रादेशिक नियोजन व नगररचना अधिनियम १९६६ च्या कलम ५२ अन्वये ही कारवाई करण्यात आली आहे. बोईसर पोलीस ठाण्यात या प्रकरणाची नोंद करण्यात आली असून पुढील तपास पोलीस उपनिरीक्षक नितीन नराळे करत आहेत. "यापुढे शासकीय जागेवर कोणी अनधिकृत बांधकाम केल्यास एमआरटीपी कायद्यांतर्गत थेट गुन्हा दाखल करण्यात येईल आणि ते बांधकाम तात्काळ निष्कासित केले जाईल. नागरिकांनी अशा कोणत्याही अनधिकृत बांधकामांच्या प्रलोभनाला बळी पडू नये आणि नियमबाह्य कृत्ये करू नयेत." विजय गुंडकर, मंडळ अधिकारी, बोईसर.

अमोल काळे

Newspaper advertising department पालघर, पालघर, महाराष्ट्र•

7 days ago

शासकीय जमिनीवर भूमाफियांचा डल्ला; बोईसरमध्ये तिघांविरुद्ध एमआरटीपी चा बडगा बोईसर पश्चिमेकडील सरावली परिसरात शासकीय जमिनीवर डोळे झाकून सुरू असलेल्या अनधिकृत बांधकामाच्या महाजालावर अखेर महसूल विभागाने हातोडा फिरवला आहे. मौजे सरावली येथील सर्व्हे क्र. १०४/१ अ या कोट्यवधी रुपये किमतीच्या सरकारी जागेवर डल्ला मारून बेकायदा आरसीसी इमारत उभारणाऱ्या तीन सराईत इसमांविरुद्ध बोईसर पोलीस ठाण्यात एमआरटीपी कायद्यांतर्गत गुन्हा दाखल करण्यात आला आहे. सरावली येथील स.क्र. १०४/१ अ ही २.२४.०० हेक्टर जमीन महाराष्ट्र शासनाच्या मालकीची आहे. या जमिनीवर बोईसर-नवापूर रोडवरील हॉटेल शबरीच्या शेजारी सोमदत्त भवानीभीख पाठक, कृष्णा भवानीभीख पाठक आणि शिवकुमार भवानीभीख पाठक या तिघांनी प्रशासनाची कोणतीही परवानगी न घेता अंदाजे २८ x ४५ चौ. फूट मापाचे तळमजला अधिक तीन मजल्यांचे आरसीसी बांधकाम सुरू केले होते. या बेकायदा बांधकामाची माहिती मिळताच बोईसरचे मंडळ अधिकारी विजय गुंडकर आणि सरावलीचे तलाठी हेमंत मुळाणे यांनी प्रत्यक्ष घटनास्थळी जाऊन पंचनामा केला. तहसीलदार पालघर यांच्या आदेशानुसार, महाराष्ट्र प्रादेशिक नियोजन व नगररचना अधिनियम १९६६ च्या कलम ५२ अन्वये ही कारवाई करण्यात आली आहे. बोईसर पोलीस ठाण्यात या प्रकरणाची नोंद करण्यात आली असून पुढील तपास पोलीस उपनिरीक्षक नितीन नराळे करत आहेत. "यापुढे शासकीय जागेवर कोणी अनधिकृत बांधकाम केल्यास एमआरटीपी कायद्यांतर्गत थेट गुन्हा दाखल करण्यात येईल आणि ते बांधकाम तात्काळ निष्कासित केले जाईल. नागरिकांनी अशा कोणत्याही अनधिकृत बांधकामांच्या प्रलोभनाला बळी पडू नये आणि नियमबाह्य कृत्ये करू नयेत." विजय गुंडकर, मंडळ अधिकारी, बोईसर.