విద్యార్థుల్లో శాస్త్రీయ ఆలోచనను పెంపొందించడమే చెకుముకి లక్ష్యం ధర్మవరం: విద్యార్థుల్లో శాస్త్రీయ దృక్పథం, ప్రశ్నించే తత్వం, సృజనాత్మక ఆలోచనలను పెంపొందించేందుకు చెకుముకి సైన్స్ సంబరాలు నిర్వహిస్తున్నట్లు జెవివి జిల్లా గౌరవాధ్యక్షుడు డాక్టర్ బషీర్ తెలిపారు. ధర్మవరంలోని గణేష్ మున్సిపల్ హైస్కూల్‌లో పాఠశాల స్థాయి చెకుముకి పరీక్ష నిర్వహించారు. ఈ సందర్భంగా ఏర్పాటు చేసిన కార్యక్రమానికి ఇన్‌చార్జి ప్రధానోపాధ్యాయుడు రామకృష్ణ అధ్యక్షత వహించగా, డాక్టర్ బషీర్ ముఖ్య అతిథిగా హాజరై మాట్లాడారు. ప్రశ్నించడమే సైన్స్‌కు ప్రాణమని, ప్రశ్నలు అడిగి వాటికి సమాధానాలు వెతికే క్రమంలోనే శాస్త్రవేత్తలు ఎన్నో ఆవిష్కరణలు చేశారని అన్నారు. శాస్త్ర, సాంకేతిక పరిజ్ఞానం వల్ల మానవ సమాజం ఎంతో అభివృద్ధి చెందిందన్నారు. దేశం శాస్త్ర సాంకేతిక రంగాల్లో పురోగమిస్తున్నప్పటికీ మూఢనమ్మకాలు పెరగడం బాధాకరమన్నారు. విద్యార్థి దశ నుంచే ప్రశ్నించే తత్వాన్ని అలవర్చుకోవాలని సూచించారు. జెవివి రాష్ట్ర కార్యదర్శి డాక్టర్ ఆదిశేషు మాట్లాడుతూ రాజ్యాంగంలోని ఆర్టికల్ 51ఏ(హెచ్)లో పౌరుల్లో శాస్త్రీయ దృక్పథాన్ని పెంపొందించాల్సిన అంశాన్ని పొందుపరిచారని తెలిపారు. సోషల్ మీడియాలో ప్రచారమయ్యే అశాస్త్రీయ, సూడో సైన్స్ సమాచారాన్ని నమ్మకుండా ప్రశ్నించాలని సూచించారు. అనంతరం చెకుముకి పరీక్ష ప్రశ్నపత్రాలను విడుదల చేశారు. కార్యక్రమంలో జెవివి జిల్లా ప్రధాన కార్యదర్శి వి.లోకేష్, ఉపాధ్యాయులు జింకా హరి తదితరులు పాల్గొన్నారు.

Bandi vasava datta sanjay

Local News Reporter ధర్మవరం, శ్రీ సత్య సాయి, ఆంధ్రప్రదేశ్•

1 hr ago

విద్యార్థుల్లో శాస్త్రీయ ఆలోచనను పెంపొందించడమే చెకుముకి లక్ష్యం ధర్మవరం: విద్యార్థుల్లో శాస్త్రీయ దృక్పథం, ప్రశ్నించే తత్వం, సృజనాత్మక ఆలోచనలను పెంపొందించేందుకు చెకుముకి సైన్స్ సంబరాలు నిర్వహిస్తున్నట్లు జెవివి జిల్లా గౌరవాధ్యక్షుడు డాక్టర్ బషీర్ తెలిపారు. ధర్మవరంలోని గణేష్ మున్సిపల్ హైస్కూల్‌లో పాఠశాల స్థాయి చెకుముకి పరీక్ష నిర్వహించారు. ఈ సందర్భంగా ఏర్పాటు చేసిన కార్యక్రమానికి ఇన్‌చార్జి ప్రధానోపాధ్యాయుడు రామకృష్ణ అధ్యక్షత వహించగా, డాక్టర్ బషీర్ ముఖ్య అతిథిగా హాజరై మాట్లాడారు. ప్రశ్నించడమే సైన్స్‌కు ప్రాణమని, ప్రశ్నలు అడిగి వాటికి సమాధానాలు వెతికే క్రమంలోనే శాస్త్రవేత్తలు ఎన్నో ఆవిష్కరణలు చేశారని అన్నారు. శాస్త్ర, సాంకేతిక పరిజ్ఞానం వల్ల మానవ సమాజం ఎంతో అభివృద్ధి చెందిందన్నారు. దేశం శాస్త్ర సాంకేతిక రంగాల్లో పురోగమిస్తున్నప్పటికీ మూఢనమ్మకాలు పెరగడం బాధాకరమన్నారు. విద్యార్థి దశ నుంచే ప్రశ్నించే తత్వాన్ని అలవర్చుకోవాలని సూచించారు. జెవివి రాష్ట్ర కార్యదర్శి డాక్టర్ ఆదిశేషు మాట్లాడుతూ రాజ్యాంగంలోని ఆర్టికల్ 51ఏ(హెచ్)లో పౌరుల్లో శాస్త్రీయ దృక్పథాన్ని పెంపొందించాల్సిన అంశాన్ని పొందుపరిచారని తెలిపారు. సోషల్ మీడియాలో ప్రచారమయ్యే అశాస్త్రీయ, సూడో సైన్స్ సమాచారాన్ని నమ్మకుండా ప్రశ్నించాలని సూచించారు. అనంతరం చెకుముకి పరీక్ష ప్రశ్నపత్రాలను విడుదల చేశారు. కార్యక్రమంలో జెవివి జిల్లా ప్రధాన కార్యదర్శి వి.లోకేష్, ఉపాధ్యాయులు జింకా హరి తదితరులు పాల్గొన్నారు.