कल्याण पश्चिमेतील आधारवाडी परिसरातील मल्हार नगर संकुल येथे कचरा संकलनाचे काम करत असताना महापालिकेच्या घंटागाडीचा कचरा उचलणाऱ्या एका सफाई कामगाराच्या पायावर अचानक कचऱ्याचा जड डबा पडला. या घटनेत कामगार जखमी झाल्याने महापालिकेच्या सफाई कर्मचाऱ्यांच्या सुरक्षिततेचा प्रश्न पुन्हा एकदा ऐरणीवर आला आहे. स्थानिकांच्या माहितीनुसार, संबंधित कामगार नेहमीप्रमाणेच कचरा संकलनाचे काम करत होता, तेव्हा हा अपघात घडला आणि त्याच्या पायाला दुखापत झाली. घटनेनंतर त्याच्या सहकारी कर्मचाऱ्यांनी त्याला तातडीने उपचारासाठी मदत केली. सफाई कर्मचाऱ्यांचे म्हणणे आहे की, कचरा उचलणे आणि त्याची वाहतूक करणे यांसारखी धोकादायक कामे करताना त्यांना आवश्यक सुरक्षा साहित्य, जसे की हातमोजे, सुरक्षा बूट आणि अन्य संरक्षणात्मक साधने पुरेशा प्रमाणात दिली जात नाहीत, ज्यामुळे अशा अपघातांचा धोका नेहमीच कायम असतो. या पार्श्वभूमीवर, शहर स्वच्छ व सुंदर ठेवण्याचा दावा करणाऱ्या महापालिकेने सफाई कर्मचाऱ्यांच्या आरोग्य आणि सुरक्षिततेकडेही तितक्याच गांभीर्याने लक्ष देणे आवश्यक असल्याची मागणी नागरिकांकडून होत आहे. काही कर्मचाऱ्यांनी आरोग्य विभागाच्या कार्यपद्धतीवर तीव्र नाराजी व्यक्त केली असून, अपघातग्रस्त कर्मचाऱ्यांच्या समस्यांकडे पुरेसे लक्ष दिले जात नसल्याचा आरोप केला आहे. त्यांचे म्हणणे आहे की, आरोग्य अधिकाऱ्यांना न केलेल्या कामाचे ठराविक पत्रकारांकडून स्वतःची पाठ थोपटवण्यामधून वेळ मिळत नाही, तर उपायुक्त घनकचरा यांना त्यांच्या सफाई कर्मचाऱ्यांची काहीही सोयरेसूचक नसते. या घटनेनंतर जखमी कामगाराला योग्य वैद्यकीय मदत, नुकसानभरपाई तसेच सर्व सफाई कर्मचाऱ्यांना तातडीने आवश्यक सुरक्षा साहित्य उपलब्ध करून देण्याची मागणी परिसरातील नागरिक आणि कामगार करत आहेत.

लोक हिंद चॅनल

Journalist शहापूर, ठाणे, महाराष्ट्र•

7 hrs ago

कल्याण पश्चिमेतील आधारवाडी परिसरातील मल्हार नगर संकुल येथे कचरा संकलनाचे काम करत असताना महापालिकेच्या घंटागाडीचा कचरा उचलणाऱ्या एका सफाई कामगाराच्या पायावर अचानक कचऱ्याचा जड डबा पडला. या घटनेत कामगार जखमी झाल्याने महापालिकेच्या सफाई कर्मचाऱ्यांच्या सुरक्षिततेचा प्रश्न पुन्हा एकदा ऐरणीवर आला आहे. स्थानिकांच्या माहितीनुसार, संबंधित कामगार नेहमीप्रमाणेच कचरा संकलनाचे काम करत होता, तेव्हा हा अपघात घडला आणि त्याच्या पायाला दुखापत झाली. घटनेनंतर त्याच्या सहकारी कर्मचाऱ्यांनी त्याला तातडीने उपचारासाठी मदत केली. सफाई कर्मचाऱ्यांचे म्हणणे आहे की, कचरा उचलणे आणि त्याची वाहतूक करणे यांसारखी धोकादायक कामे करताना त्यांना आवश्यक सुरक्षा साहित्य, जसे की हातमोजे, सुरक्षा बूट आणि अन्य संरक्षणात्मक साधने पुरेशा प्रमाणात दिली जात नाहीत, ज्यामुळे अशा अपघातांचा धोका नेहमीच कायम असतो. या पार्श्वभूमीवर, शहर स्वच्छ व सुंदर ठेवण्याचा दावा करणाऱ्या महापालिकेने सफाई कर्मचाऱ्यांच्या आरोग्य आणि सुरक्षिततेकडेही तितक्याच गांभीर्याने लक्ष देणे आवश्यक असल्याची मागणी नागरिकांकडून होत आहे. काही कर्मचाऱ्यांनी आरोग्य विभागाच्या कार्यपद्धतीवर तीव्र नाराजी व्यक्त केली असून, अपघातग्रस्त कर्मचाऱ्यांच्या समस्यांकडे पुरेसे लक्ष दिले जात नसल्याचा आरोप केला आहे. त्यांचे म्हणणे आहे की, आरोग्य अधिकाऱ्यांना न केलेल्या कामाचे ठराविक पत्रकारांकडून स्वतःची पाठ थोपटवण्यामधून वेळ मिळत नाही, तर उपायुक्त घनकचरा यांना त्यांच्या सफाई कर्मचाऱ्यांची काहीही सोयरेसूचक नसते. या घटनेनंतर जखमी कामगाराला योग्य वैद्यकीय मदत, नुकसानभरपाई तसेच सर्व सफाई कर्मचाऱ्यांना तातडीने आवश्यक सुरक्षा साहित्य उपलब्ध करून देण्याची मागणी परिसरातील नागरिक आणि कामगार करत आहेत.