ഭൂതത്താൻകെട്ട് 14 ഷട്ടറുകൾ തുറന്നു. മൂവാറ്റുപുഴ തൊടുപുഴ ആറുകൾ കരകവിഞ്ഞു. ആലുവയിൽ പെരിയാറിൽ ജലനിരപ്പ് ഉയരുന്നു, നദീതീരങ്ങളിൽ ജാഗ്രത നിർദേശം കൊച്ചി: പെരിയാറിന്റെ വൃഷ്ടിപ്രദേശത്ത് ശക്തമായ മഴ തുടരുന്നതിനാൽ ഭൂതത്താൻകെട്ട് അണക്കെട്ടിലേക്കുള്ള ജലപ്രവാഹം ഗണ്യമായി വർധിച്ചതിനെ തുടർന്ന് റിസർവോയറിലെ ജലനിരപ്പ് സുരക്ഷിതമായി നിലനിർത്തുന്നതിനായി ഭൂതത്താൻകെട്ട് ബാരേജിന്റെ ഷട്ടറുകൾ ഉയർത്തി വെള്ളം പുറത്തേക്ക് ഒഴുക്കുകയാണ്. ആകെ 15 ഷട്ടറുകളിൽ 14 എണ്ണം തുറന്നിരിക്കുകയാണ്. ഇതിൽ 12 ഷട്ടറുകൾ അഞ്ച് മീറ്റർ വീതവും രണ്ട് ഷട്ടറുകൾ ആറ് മീറ്റർ വീതവും ഉയർത്തിയിട്ടുണ്ട്. ഭൂതത്താൻകെട്ടിൽ നിന്ന് ഒഴുക്കിവിടുന്ന വെള്ളം എത്തിത്തുടങ്ങിയതോടെ പെരിയാർ കരകവിഞ്ഞ് ആലുവ മണപ്പുറത്തെ ക്ഷേത്രത്തിലേക്കുള്ള സ്റ്റപ്പുകൾ പൂർണമായും വെള്ളത്തിനടിയിലായി. ഭൂതത്താൻകെട്ടിൽ നിന്ന് വെള്ളം ഒഴുകിയെത്തുന്നതിനാൽ പെരിയാറിന്റെ തീരപ്രദേശങ്ങളിലുള്ളവർ ജാഗ്രത പാലിക്കണമെന്ന് പെരിയാർ വാലി ഇറിഗേഷൻ പ്രോജക്ട് അസിസ്റ്റന്റ് എക്സിക്യൂട്ടീവ് എൻജിനീയർ അറിയിച്ചു. നദിയിലിറങ്ങുന്നതും കുളിക്കുന്നതും മീൻപിടിത്തവും മറ്റ് അനാവശ്യ പ്രവർത്തനങ്ങളും ഒഴിവാക്കണമെന്നും അധികൃതർ നിർദേശിച്ചു. അതേസമയം, ശക്തമായ മഴയെ തുടർന്ന് മൂവാറ്റുപുഴ ആറിലും തൊടുപുഴയാറിലും ജലനിരപ്പ് അപകടനില പിന്നിട്ടതായി ജില്ലാ ദുരന്തനിവാരണ അതോറിറ്റി അറിയിച്ചു. കാളിയാറിൽ ജലനിരപ്പ് മുന്നറിയിപ്പ് നിലയും മറികടന്നിട്ടുണ്ട്. ഈ നദികളുടെ തീരപ്രദേശങ്ങളിൽ താമസിക്കുന്നവർ അതീവ ജാഗ്രത പാലിക്കണമെന്നും സാഹചര്യം നിരന്തരം നിരീക്ഷിച്ചുവരികയാണെന്നും ദുരന്തനിവാരണ അതോറിറ്റി അറിയിച്ചു.

സന്തോഷ് ആലുവ

Local News Reporter ആലുവ, എറണാകുളം, കേരളം•

5 hrs ago

ഭൂതത്താൻകെട്ട് 14 ഷട്ടറുകൾ തുറന്നു. മൂവാറ്റുപുഴ തൊടുപുഴ ആറുകൾ കരകവിഞ്ഞു. ആലുവയിൽ പെരിയാറിൽ ജലനിരപ്പ് ഉയരുന്നു, നദീതീരങ്ങളിൽ ജാഗ്രത നിർദേശം കൊച്ചി: പെരിയാറിന്റെ വൃഷ്ടിപ്രദേശത്ത് ശക്തമായ മഴ തുടരുന്നതിനാൽ ഭൂതത്താൻകെട്ട് അണക്കെട്ടിലേക്കുള്ള ജലപ്രവാഹം ഗണ്യമായി വർധിച്ചതിനെ തുടർന്ന് റിസർവോയറിലെ ജലനിരപ്പ് സുരക്ഷിതമായി നിലനിർത്തുന്നതിനായി ഭൂതത്താൻകെട്ട് ബാരേജിന്റെ ഷട്ടറുകൾ ഉയർത്തി വെള്ളം പുറത്തേക്ക് ഒഴുക്കുകയാണ്. ആകെ 15 ഷട്ടറുകളിൽ 14 എണ്ണം തുറന്നിരിക്കുകയാണ്. ഇതിൽ 12 ഷട്ടറുകൾ അഞ്ച് മീറ്റർ വീതവും രണ്ട് ഷട്ടറുകൾ ആറ് മീറ്റർ വീതവും ഉയർത്തിയിട്ടുണ്ട്. ഭൂതത്താൻകെട്ടിൽ നിന്ന് ഒഴുക്കിവിടുന്ന വെള്ളം എത്തിത്തുടങ്ങിയതോടെ പെരിയാർ കരകവിഞ്ഞ് ആലുവ മണപ്പുറത്തെ ക്ഷേത്രത്തിലേക്കുള്ള സ്റ്റപ്പുകൾ പൂർണമായും വെള്ളത്തിനടിയിലായി. ഭൂതത്താൻകെട്ടിൽ നിന്ന് വെള്ളം ഒഴുകിയെത്തുന്നതിനാൽ പെരിയാറിന്റെ തീരപ്രദേശങ്ങളിലുള്ളവർ ജാഗ്രത പാലിക്കണമെന്ന് പെരിയാർ വാലി ഇറിഗേഷൻ പ്രോജക്ട് അസിസ്റ്റന്റ് എക്സിക്യൂട്ടീവ് എൻജിനീയർ അറിയിച്ചു. നദിയിലിറങ്ങുന്നതും കുളിക്കുന്നതും മീൻപിടിത്തവും മറ്റ് അനാവശ്യ പ്രവർത്തനങ്ങളും ഒഴിവാക്കണമെന്നും അധികൃതർ നിർദേശിച്ചു. അതേസമയം, ശക്തമായ മഴയെ തുടർന്ന് മൂവാറ്റുപുഴ ആറിലും തൊടുപുഴയാറിലും ജലനിരപ്പ് അപകടനില പിന്നിട്ടതായി ജില്ലാ ദുരന്തനിവാരണ അതോറിറ്റി അറിയിച്ചു. കാളിയാറിൽ ജലനിരപ്പ് മുന്നറിയിപ്പ് നിലയും മറികടന്നിട്ടുണ്ട്. ഈ നദികളുടെ തീരപ്രദേശങ്ങളിൽ താമസിക്കുന്നവർ അതീവ ജാഗ്രത പാലിക്കണമെന്നും സാഹചര്യം നിരന്തരം നിരീക്ഷിച്ചുവരികയാണെന്നും ദുരന്തനിവാരണ അതോറിറ്റി അറിയിച്ചു.