విద్యార్థినుల పట్ల అసభ్య ప్రవర్తన ఆరోపణలపై సమగ్ర విచారణ జరిపించాలి- పాలకుంట శ్రీనివాసులు డిమాండ్ పీలేరు, పీలేరు మండల పరిధిలోని ఓ ప్రభుత్వ ప్రాథమిక పాఠశాలలో విద్యార్థినుల పట్ల ఉపాధ్యాయుడు అసభ్యంగా ప్రవర్తించారంటూ తల్లిదండ్రులు చేసిన ఆరోపణలు ఆందోళన కలిగిస్తున్నాయని ఎస్సీ, ఎస్టీ విజిలెన్స్ అండ్ మానిటరింగ్ కమిటీల రాష్ట్ర అధ్యక్షులు పాలకుంట శ్రీనివాసులు పేర్కొన్నారు. చిన్నారుల భద్రతకు సంబంధించిన అంశం కావడంతో అధికారులు ఈ ఘటనపై అత్యంత సున్నితంగా వ్యవహరించి సమగ్ర విచారణ జరిపించాలని ఆయన డిమాండ్ చేశారు. తల్లిదండ్రుల ఆరోపణల ప్రకారం ఒకటో తరగతికి చెందిన ఇద్దరు, నాలుగో తరగతికి చెందిన మరో విద్యార్థినుల పట్ల ఉపాధ్యాయుడు అసభ్యంగా ప్రవర్తించారనే విషయం అధికారుల దృష్టికి వెళ్లినట్లు సమాచారం. దీంతో సంబంధిత అధికారులు పాఠశాలకు చేరుకుని విచారణ చేపట్టినట్లు తెలిసింది. ఈ ఘటనపై అధికారులు నిష్పక్షపాతంగా విచారణ జరిపి వాస్తవాలను వెలుగులోకి తీసుకురావాలని పాలకుంట శ్రీనివాసులు కోరారు. విచారణ పూర్తికాకముందే ఎలాంటి ముందస్తు నిర్ధారణలకు రావడం సరికాదని, ఆరోపణలకు సంబంధించిన వాస్తవాలను అధికారిక విచారణలోనే నిర్ధారించాలని స్పష్టం చేశారు. అయితే విచారణలో ఆరోపణలు నిజమని తేలితే సంబంధిత ఉపాధ్యాయుడిపై చట్టపరంగా కఠిన చర్యలు తీసుకోవాలని డిమాండ్ చేశారు. విద్యార్థినుల గౌరవం, భద్రతకు ఎలాంటి భంగం కలగకుండా అధికారులు అవసరమైన అన్ని చర్యలు తీసుకోవాలని కోరారు. పాఠశాలల్లో చిన్నారుల భద్రత విషయంలో ఎలాంటి నిర్లక్ష్యానికీ తావులేకుండా విద్యాశాఖ అధికారులు పటిష్టమైన పర్యవేక్షణ వ్యవస్థను ఏర్పాటు చేయాలని, విద్యార్థులు భయాందోళనలకు గురికాకుండా సురక్షితమైన విద్యా వాతావరణాన్ని కల్పించాలని ఎస్సీ ,ఎస్టీ విజిలెన్స్ అండ్ మానిటరింగ్ కమిటీల రాష్ట్ర అధ్యక్షులు పాలకుంట శ్రీనివాసులు డిమాండ్ చేశారు.

SK masthan saheb

పీలేరు, అన్నమయ్య, ఆంధ్రప్రదేశ్•

1 hr ago

విద్యార్థినుల పట్ల అసభ్య ప్రవర్తన ఆరోపణలపై సమగ్ర విచారణ జరిపించాలి- పాలకుంట శ్రీనివాసులు డిమాండ్ పీలేరు, పీలేరు మండల పరిధిలోని ఓ ప్రభుత్వ ప్రాథమిక పాఠశాలలో విద్యార్థినుల పట్ల ఉపాధ్యాయుడు అసభ్యంగా ప్రవర్తించారంటూ తల్లిదండ్రులు చేసిన ఆరోపణలు ఆందోళన కలిగిస్తున్నాయని ఎస్సీ, ఎస్టీ విజిలెన్స్ అండ్ మానిటరింగ్ కమిటీల రాష్ట్ర అధ్యక్షులు పాలకుంట శ్రీనివాసులు పేర్కొన్నారు. చిన్నారుల భద్రతకు సంబంధించిన అంశం కావడంతో అధికారులు ఈ ఘటనపై అత్యంత సున్నితంగా వ్యవహరించి సమగ్ర విచారణ జరిపించాలని ఆయన డిమాండ్ చేశారు. తల్లిదండ్రుల ఆరోపణల ప్రకారం ఒకటో తరగతికి చెందిన ఇద్దరు, నాలుగో తరగతికి చెందిన మరో విద్యార్థినుల పట్ల ఉపాధ్యాయుడు అసభ్యంగా ప్రవర్తించారనే విషయం అధికారుల దృష్టికి వెళ్లినట్లు సమాచారం. దీంతో సంబంధిత అధికారులు పాఠశాలకు చేరుకుని విచారణ చేపట్టినట్లు తెలిసింది. ఈ ఘటనపై అధికారులు నిష్పక్షపాతంగా విచారణ జరిపి వాస్తవాలను వెలుగులోకి తీసుకురావాలని పాలకుంట శ్రీనివాసులు కోరారు. విచారణ పూర్తికాకముందే ఎలాంటి ముందస్తు నిర్ధారణలకు రావడం సరికాదని, ఆరోపణలకు సంబంధించిన వాస్తవాలను అధికారిక విచారణలోనే నిర్ధారించాలని స్పష్టం చేశారు. అయితే విచారణలో ఆరోపణలు నిజమని తేలితే సంబంధిత ఉపాధ్యాయుడిపై చట్టపరంగా కఠిన చర్యలు తీసుకోవాలని డిమాండ్ చేశారు. విద్యార్థినుల గౌరవం, భద్రతకు ఎలాంటి భంగం కలగకుండా అధికారులు అవసరమైన అన్ని చర్యలు తీసుకోవాలని కోరారు. పాఠశాలల్లో చిన్నారుల భద్రత విషయంలో ఎలాంటి నిర్లక్ష్యానికీ తావులేకుండా విద్యాశాఖ అధికారులు పటిష్టమైన పర్యవేక్షణ వ్యవస్థను ఏర్పాటు చేయాలని, విద్యార్థులు భయాందోళనలకు గురికాకుండా సురక్షితమైన విద్యా వాతావరణాన్ని కల్పించాలని ఎస్సీ ,ఎస్టీ విజిలెన్స్ అండ్ మానిటరింగ్ కమిటీల రాష్ట్ర అధ్యక్షులు పాలకుంట శ్రీనివాసులు డిమాండ్ చేశారు.