திருப்பரங்குன்றம் மலை உச்சியில் தீபம் ஏற்ற வேண்டும் என்ற உயர்நீதிமன்ற உத்தரவை உடனடியாக நிறைவேற்ற முடியாது என்று தமிழ்நாடு அரசு இன்று நீதிமன்றத்தில் தெரிவித்துள்ளது. மதுரை மாவட்டம், எழுமலையைச் சேர்ந்த ராம.ரவிக்குமார் என்பவர், திருப்பரங்குன்றம் மலை உச்சியில் உள்ள தூணில் தீபம் ஏற்றக் கோரி சென்னை உயர்நீதிமன்ற மதுரை கிளையில் மனு தாக்கல் செய்திருந்தார். இந்த மனுவை விசாரித்த நீதிபதி ஜி.ஆர்.சுவாமிநாதன், திருப்பரங்குன்றம் மலை உச்சியில் கார்த்திகை தீபம் ஏற்ற வேண்டும் என பலமுறை உத்தரவிட்டிருந்தார். ஆனாலும், இந்த உத்தரவை தமிழ்நாடு அரசு நடைமுறைப்படுத்தவில்லை. இதைத்தொடர்ந்து நடைபெற்ற விசாரணைகளில், நீதிமன்ற உத்தரவை நிறைவேற்றினால் மட்டுமே வழக்கை முடித்து வைக்கப்படும் என்று நீதிபதி ஜி.ஆர்.சுவாமிநாதன் உத்தரவிட்டார். இந்த உத்தரவுகளை எதிர்த்து மாவட்ட நிர்வாகம் தரப்பில் மேல்முறையீட்டு மனுக்கள் தாக்கல் செய்யப்பட்டு விசாரிக்கப்பட்டு வருகின்றன. கடந்த ஜூன் 4-ம் தேதி, அவமதிப்பு வழக்கு தொடர்பான மேல்முறையீட்டு மனுக்கள் நீதிபதிகள் என்.சதீஷ்குமார் மற்றும் எம்.ஜோதிராமன் அடங்கிய அமர்வில் மீண்டும் விசாரணைக்கு வந்தன. அப்போது ராம.ரவிக்குமார் தரப்பு வழக்கறிஞர், புதிதாகப் பொறுப்பேற்ற தமிழக அரசு நீதிமன்ற உத்தரவை நிறைவேற்றும் என்ற நம்பிக்கையை வெளிப்படுத்தினார். அவமதிப்பு வழக்குகள் ஒருபுறம் இருந்தாலும், நீதிமன்ற உத்தரவை நடைமுறைப்படுத்த முயற்சிக்கலாமே என்று நீதிபதிகள் கேள்வி எழுப்பினர். இதைத்தொடர்ந்து தமிழ்நாடு அரசு பதிலளிக்க அவகாசம் வழங்கப்பட்டிருந்தது. இந்நிலையில், தமிழ்நாடு அரசு தரப்பில் இன்று (ஜூன் 22) தாக்கல் செய்யப்பட்ட பதில் மனுவில், தீபம் ஏற்றுவது தொடர்பான வழக்கின் உத்தரவை உடனடியாக நிறைவேற்ற முடியாது என்றும், தமிழ்நாடு அரசு தரப்பில் உச்சநீதிமன்றத்தில் மேல்முறையீடு செய்யப்பட்டுள்ளது என்றும் தெரிவிக்கப்பட்டுள்ளது. இதற்கிடையில், கோயில் மற்றும் தர்கா தரப்பு மக்களை இணைத்து பேச்சுவார்த்தை மூலம் ஏன் தீர்வு காணக்கூடாது என்று நீதிபதிகள் கேள்வி எழுப்பி, வழக்கின் விசாரணையை ஒத்திவைத்தனர்.

N-KIPSRA

Madurai North, Tamil Nadu•

1 hr ago

திருப்பரங்குன்றம் மலை உச்சியில் தீபம் ஏற்ற வேண்டும் என்ற உயர்நீதிமன்ற உத்தரவை உடனடியாக நிறைவேற்ற முடியாது என்று தமிழ்நாடு அரசு இன்று நீதிமன்றத்தில் தெரிவித்துள்ளது. மதுரை மாவட்டம், எழுமலையைச் சேர்ந்த ராம.ரவிக்குமார் என்பவர், திருப்பரங்குன்றம் மலை உச்சியில் உள்ள தூணில் தீபம் ஏற்றக் கோரி சென்னை உயர்நீதிமன்ற மதுரை கிளையில் மனு தாக்கல் செய்திருந்தார். இந்த மனுவை விசாரித்த நீதிபதி ஜி.ஆர்.சுவாமிநாதன், திருப்பரங்குன்றம் மலை உச்சியில் கார்த்திகை தீபம் ஏற்ற வேண்டும் என பலமுறை உத்தரவிட்டிருந்தார். ஆனாலும், இந்த உத்தரவை தமிழ்நாடு அரசு நடைமுறைப்படுத்தவில்லை. இதைத்தொடர்ந்து நடைபெற்ற விசாரணைகளில், நீதிமன்ற உத்தரவை நிறைவேற்றினால் மட்டுமே வழக்கை முடித்து வைக்கப்படும் என்று நீதிபதி ஜி.ஆர்.சுவாமிநாதன் உத்தரவிட்டார். இந்த உத்தரவுகளை எதிர்த்து மாவட்ட நிர்வாகம் தரப்பில் மேல்முறையீட்டு மனுக்கள் தாக்கல் செய்யப்பட்டு விசாரிக்கப்பட்டு வருகின்றன. கடந்த ஜூன் 4-ம் தேதி, அவமதிப்பு வழக்கு தொடர்பான மேல்முறையீட்டு மனுக்கள் நீதிபதிகள் என்.சதீஷ்குமார் மற்றும் எம்.ஜோதிராமன் அடங்கிய அமர்வில் மீண்டும் விசாரணைக்கு வந்தன. அப்போது ராம.ரவிக்குமார் தரப்பு வழக்கறிஞர், புதிதாகப் பொறுப்பேற்ற தமிழக அரசு நீதிமன்ற உத்தரவை நிறைவேற்றும் என்ற நம்பிக்கையை வெளிப்படுத்தினார். அவமதிப்பு வழக்குகள் ஒருபுறம் இருந்தாலும், நீதிமன்ற உத்தரவை நடைமுறைப்படுத்த முயற்சிக்கலாமே என்று நீதிபதிகள் கேள்வி எழுப்பினர். இதைத்தொடர்ந்து தமிழ்நாடு அரசு பதிலளிக்க அவகாசம் வழங்கப்பட்டிருந்தது. இந்நிலையில், தமிழ்நாடு அரசு தரப்பில் இன்று (ஜூன் 22) தாக்கல் செய்யப்பட்ட பதில் மனுவில், தீபம் ஏற்றுவது தொடர்பான வழக்கின் உத்தரவை உடனடியாக நிறைவேற்ற முடியாது என்றும், தமிழ்நாடு அரசு தரப்பில் உச்சநீதிமன்றத்தில் மேல்முறையீடு செய்யப்பட்டுள்ளது என்றும் தெரிவிக்கப்பட்டுள்ளது. இதற்கிடையில், கோயில் மற்றும் தர்கா தரப்பு மக்களை இணைத்து பேச்சுவார்த்தை மூலம் ஏன் தீர்வு காணக்கூடாது என்று நீதிபதிகள் கேள்வி எழுப்பி, வழக்கின் விசாரணையை ஒத்திவைத்தனர்.