ఆంధ్రప్రదేశ్‌లో స్థానిక సంస్థల ఎన్నికలకు సంబంధించి కీలక అప్‌డేట్ వెలువడింది. రాష్ట్రంలో ఎన్నికలు నిర్వహించేందుకు ప్రభుత్వం సిద్ధంగా ఉందని అడ్వొకేట్ జనరల్ దమ్మాలపాటి శ్రీనివాస్ హైకోర్టుకు తెలిపారు. ప్రధాన న్యాయమూర్తి జస్టిస్‌ లిసా గిల్, జస్టిస్‌ ఆర్‌.రఘునందన్‌రావుతో కూడిన ధర్మాసనం స్థానిక సంస్థల ఎన్నికలపై దాఖలైన పిటిషన్‌లపై విచారణ జరిపింది. రాష్ట్రవ్యాప్తంగా సమగ్ర కుటుంబ సర్వే పూర్తయిందని, ఆ వివరాలను గ్రామసభల ముందుకు తీసుకెళ్తారని ఏజీ కోర్టుకు వివరించారు. ఈ ప్రక్రియ రెండు రోజులపాటు కొనసాగుతుందని, ఈ నెల 24 వరకు ప్రజల నుంచి అభ్యంతరాల స్వీకరణ ఉంటుందని ఆయన తెలిపారు. బీసీల రిజర్వేషన్ ఖరారు చేసేందుకు ప్రభుత్వం నియమించిన ఏకసభ్య కమిషన్ త్వరలోనే నివేదికను అందజేస్తుందని, ఈ డేటా ఆధారంగా ప్రభుత్వం త్వరలోనే ఎన్నికలు నిర్వహిస్తుందని ఏజీ నివేదించారు. స్థానిక సంస్థల ఎన్నికలకు సంబంధించిన పూర్తి వివరాలతో అఫిడవిట్ దాఖలు చేసేందుకు సమయం కావాలని ఏజీ కోరగా, హైకోర్టు ధర్మాసనం అంగీకరించి తదుపరి విచారణను జులై 16కు వాయిదా వేసింది. గతేడాది బీసీ సంఘం అధ్యక్షుడు హైకోర్టులో పిల్ దాఖలు చేస్తూ, బీసీ జనాభాను లెక్కించకుండా స్థానిక ఎన్నికలు నిర్వహించవద్దని కోరారు. బీసీ జనగణన చేపట్టి, ఆ తర్వాత రిజర్వేషన్లు ఖరారు చేసి ఎన్నికలు నిర్వహించాలని ఆయన పిటిషన్‌లో పేర్కొన్నారు. సుప్రీం కోర్టు తీర్పు ప్రకారం ఏపీలో ఎన్నికలు నిర్వహించాలని లాయర్ యోగేష్ కూడా పిటిషన్ దాఖలు చేస్తూ, స్థానిక సంస్థల పదవీకాలం ముగిసిందని కోర్టుకు తెలిపారు. ఏపీ హైకోర్టు ఈ రెండు పిటిషన్లపై విచారణ జరుపుతోంది. ప్రభుత్వం స్థానిక సంస్థల ఎన్నికలకు కసరత్తు చేస్తోంది. సమగ్ర కుటుంబ సర్వే పూర్తిచేసి మిగిలిన ప్రక్రియలను వేగవంతం చేసింది. బీసీల రిజర్వేషన్లపై ఏర్పాటు చేసిన కమిషన్ నివేదికను త్వరలోనే అందజేయనుంది. ఈ రిజర్వేషన్ల అంశం ఒక కొలిక్కి రాగానే, వీలైనంత త్వరగా ఎన్నికలు నిర్వహించేందుకు ప్రభుత్వం కృషి చేస్తోంది. మున్సిపాలిటీలు, కార్పొరేషన్లు, నగర పంచాయతీల్లో డివిజన్లు, వార్డుల పునర్విభజన ప్రక్రియను కూడా వేగవంతం చేశారు. ఏప్రిల్‌లో రాష్ట్ర ఎన్నికల కమిషనర్‌గా రిటైర్డ్ ఐఏఎస్‌ అధికారి అనిల్‌చంద్ర పునేఠా బాధ్యతలు స్వీకరించిన తర్వాత కీలక సమీక్షలు నిర్వహించారు. వచ్చే నెలలో రిజర్వేషన్లు ఖరారు చేసి, ఓటర్ల జాబితాల ప్రచురణ, ఇతర ఏర్పాట్లు పూర్తిచేసి సెప్టెంబరులో నోటిఫికేషన్ ఇచ్చేలా ప్రణాళికలు జరుగుతున్నట్లు ప్రచారం సాగుతోంది.

ఆకుల చంద్రమోహన్

సిధౌట్, వై.ఎస్.ఆర్., ఆంధ్రప్రదేశ్•

1 hr ago

ఆంధ్రప్రదేశ్‌లో స్థానిక సంస్థల ఎన్నికలకు సంబంధించి కీలక అప్‌డేట్ వెలువడింది. రాష్ట్రంలో ఎన్నికలు నిర్వహించేందుకు ప్రభుత్వం సిద్ధంగా ఉందని అడ్వొకేట్ జనరల్ దమ్మాలపాటి శ్రీనివాస్ హైకోర్టుకు తెలిపారు. ప్రధాన న్యాయమూర్తి జస్టిస్‌ లిసా గిల్, జస్టిస్‌ ఆర్‌.రఘునందన్‌రావుతో కూడిన ధర్మాసనం స్థానిక సంస్థల ఎన్నికలపై దాఖలైన పిటిషన్‌లపై విచారణ జరిపింది. రాష్ట్రవ్యాప్తంగా సమగ్ర కుటుంబ సర్వే పూర్తయిందని, ఆ వివరాలను గ్రామసభల ముందుకు తీసుకెళ్తారని ఏజీ కోర్టుకు వివరించారు. ఈ ప్రక్రియ రెండు రోజులపాటు కొనసాగుతుందని, ఈ నెల 24 వరకు ప్రజల నుంచి అభ్యంతరాల స్వీకరణ ఉంటుందని ఆయన తెలిపారు. బీసీల రిజర్వేషన్ ఖరారు చేసేందుకు ప్రభుత్వం నియమించిన ఏకసభ్య కమిషన్ త్వరలోనే నివేదికను అందజేస్తుందని, ఈ డేటా ఆధారంగా ప్రభుత్వం త్వరలోనే ఎన్నికలు నిర్వహిస్తుందని ఏజీ నివేదించారు. స్థానిక సంస్థల ఎన్నికలకు సంబంధించిన పూర్తి వివరాలతో అఫిడవిట్ దాఖలు చేసేందుకు సమయం కావాలని ఏజీ కోరగా, హైకోర్టు ధర్మాసనం అంగీకరించి తదుపరి విచారణను జులై 16కు వాయిదా వేసింది. గతేడాది బీసీ సంఘం అధ్యక్షుడు హైకోర్టులో పిల్ దాఖలు చేస్తూ, బీసీ జనాభాను లెక్కించకుండా స్థానిక ఎన్నికలు నిర్వహించవద్దని కోరారు. బీసీ జనగణన చేపట్టి, ఆ తర్వాత రిజర్వేషన్లు ఖరారు చేసి ఎన్నికలు నిర్వహించాలని ఆయన పిటిషన్‌లో పేర్కొన్నారు. సుప్రీం కోర్టు తీర్పు ప్రకారం ఏపీలో ఎన్నికలు నిర్వహించాలని లాయర్ యోగేష్ కూడా పిటిషన్ దాఖలు చేస్తూ, స్థానిక సంస్థల పదవీకాలం ముగిసిందని కోర్టుకు తెలిపారు. ఏపీ హైకోర్టు ఈ రెండు పిటిషన్లపై విచారణ జరుపుతోంది. ప్రభుత్వం స్థానిక సంస్థల ఎన్నికలకు కసరత్తు చేస్తోంది. సమగ్ర కుటుంబ సర్వే పూర్తిచేసి మిగిలిన ప్రక్రియలను వేగవంతం చేసింది. బీసీల రిజర్వేషన్లపై ఏర్పాటు చేసిన కమిషన్ నివేదికను త్వరలోనే అందజేయనుంది. ఈ రిజర్వేషన్ల అంశం ఒక కొలిక్కి రాగానే, వీలైనంత త్వరగా ఎన్నికలు నిర్వహించేందుకు ప్రభుత్వం కృషి చేస్తోంది. మున్సిపాలిటీలు, కార్పొరేషన్లు, నగర పంచాయతీల్లో డివిజన్లు, వార్డుల పునర్విభజన ప్రక్రియను కూడా వేగవంతం చేశారు. ఏప్రిల్‌లో రాష్ట్ర ఎన్నికల కమిషనర్‌గా రిటైర్డ్ ఐఏఎస్‌ అధికారి అనిల్‌చంద్ర పునేఠా బాధ్యతలు స్వీకరించిన తర్వాత కీలక సమీక్షలు నిర్వహించారు. వచ్చే నెలలో రిజర్వేషన్లు ఖరారు చేసి, ఓటర్ల జాబితాల ప్రచురణ, ఇతర ఏర్పాట్లు పూర్తిచేసి సెప్టెంబరులో నోటిఫికేషన్ ఇచ్చేలా ప్రణాళికలు జరుగుతున్నట్లు ప్రచారం సాగుతోంది.