चंद्रपूर जिल्ह्यातील भद्रावती तालुक्यातील माजरी क्षेत्र येथील कोळसा खाणींमुळे ओळखले जाते. या खाणींमधून मिळणाऱ्या कोळशावर जिल्ह्यातील ऊर्जानिर्मिती केंद्र चालतात आणि अनेक कुटुंबांचे ते उपजीविकेचे साधन आहे. मात्र, याच वेकोली खाणींमुळे माजरी परिसरातील पर्यावरणाचा समतोल पूर्णपणे बिघडला आहे. वेकोलीने हजारो हेक्टर सुपीक शेतजमीन खोदून टाकल्याने भूगर्भातील पाण्याचे झरे लुप्त झाले असून पाण्याची पातळी खोलवर गेली आहे. कोळसा आणि माती उत्खननामुळे हवेचे आणि पाण्याचे प्रदूषण मोठ्या प्रमाणात वाढले असून, दूषित पिण्याच्या पाण्यामुळे पोटाचे विकार व श्वसनाचे आजार बळावले आहेत. याचा सर्वाधिक फटका लहान मुले आणि ज्येष्ठांना बसत असून त्यांना दमा, अस्थमा, टीबी आणि कॅन्सरसारखे गंभीर आजार जडले आहेत. तसेच, हवेतील कार्बनयुक्त धुळीमुळे लोकांचे आयुर्मान कमी होत असून घरोघरी कंबरदुखी आणि गुडघेदुखीचे रुग्ण दिसून येत आहेत. शेतजमिनी नापीक झाल्याने शेतकऱ्यांच्या उत्पन्नातही प्रचंड घट झाली आहे. अशा बिकट परिस्थितीतही वेकोली प्रशासन कोणत्याही उपाययोजना करत नसून, शेतकऱ्यांना आर्थिक मोबदला न देता मुजोरीने अतिशय तीव्रतेचे ब्लास्टिंग करत आहे. यामुळे माजरी परिसरातील अनेक घरांना तडे गेले असून गोरगरिबांची घरे कोसळून पडली आहेत. अत्यंत दुर्दैवाची बाब म्हणजे या गंभीर समस्यांकडे ना प्रदूषण विभाग लक्ष देत आहे ना कोणते लोकप्रतिनिधी, ज्यामुळे येथील सामान्य जनतेची अवस्था अत्यंत दयनीय झाली आहे.

Disha News

Media house चंद्रपूर, चंद्रपूर, महाराष्ट्र•

1 hr ago

चंद्रपूर जिल्ह्यातील भद्रावती तालुक्यातील माजरी क्षेत्र येथील कोळसा खाणींमुळे ओळखले जाते. या खाणींमधून मिळणाऱ्या कोळशावर जिल्ह्यातील ऊर्जानिर्मिती केंद्र चालतात आणि अनेक कुटुंबांचे ते उपजीविकेचे साधन आहे. मात्र, याच वेकोली खाणींमुळे माजरी परिसरातील पर्यावरणाचा समतोल पूर्णपणे बिघडला आहे. वेकोलीने हजारो हेक्टर सुपीक शेतजमीन खोदून टाकल्याने भूगर्भातील पाण्याचे झरे लुप्त झाले असून पाण्याची पातळी खोलवर गेली आहे. कोळसा आणि माती उत्खननामुळे हवेचे आणि पाण्याचे प्रदूषण मोठ्या प्रमाणात वाढले असून, दूषित पिण्याच्या पाण्यामुळे पोटाचे विकार व श्वसनाचे आजार बळावले आहेत. याचा सर्वाधिक फटका लहान मुले आणि ज्येष्ठांना बसत असून त्यांना दमा, अस्थमा, टीबी आणि कॅन्सरसारखे गंभीर आजार जडले आहेत. तसेच, हवेतील कार्बनयुक्त धुळीमुळे लोकांचे आयुर्मान कमी होत असून घरोघरी कंबरदुखी आणि गुडघेदुखीचे रुग्ण दिसून येत आहेत. शेतजमिनी नापीक झाल्याने शेतकऱ्यांच्या उत्पन्नातही प्रचंड घट झाली आहे. अशा बिकट परिस्थितीतही वेकोली प्रशासन कोणत्याही उपाययोजना करत नसून, शेतकऱ्यांना आर्थिक मोबदला न देता मुजोरीने अतिशय तीव्रतेचे ब्लास्टिंग करत आहे. यामुळे माजरी परिसरातील अनेक घरांना तडे गेले असून गोरगरिबांची घरे कोसळून पडली आहेत. अत्यंत दुर्दैवाची बाब म्हणजे या गंभीर समस्यांकडे ना प्रदूषण विभाग लक्ष देत आहे ना कोणते लोकप्रतिनिधी, ज्यामुळे येथील सामान्य जनतेची अवस्था अत्यंत दयनीय झाली आहे.