Shuru
Apke Nagar Ki App…
বিগত কেইবাদিন ধৰি ধাৰাবাহিকভাৱে চুৰি কাৰ্য সংঘটিত কৰি সন্ত্ৰাস চলাই থকা চাৰিজন গভাইত চোৰক বৃহৎ পৰিমাণৰ চুৰি সামগ্ৰীসহ আজি সোণাৰি আৰক্ষীয়ে কৰায়ত্ত কৰিবলৈ সক্ষম হৈছে। আটক কৰা চোৰকেইটা হ'ল ক্ৰমে আব্দুল ৰহিম (৩৯), ভজো টিয়ক বঙালিগাওঁৰ আৰিফ আলী (২৬), টিয়ক ৰজাবাৰীৰ চুলেমান আহমেদ (২৬) আৰু জৱকা চাহ বাগিচাৰ মুন্না মহালি (২৫)। আৰক্ষীয়ে গ্ৰেপ্তাৰ কৰা চোৰকেইটাৰ স্বীকাৰোক্তিৰ ভিত্তিত আজি নগৰখনৰ পাৰ্বতিপুৰ অঞ্চলত হাবিৰ মাজত লুকুৱাই ৰখা দুবস্তা কাঁহ পিতলৰ বাচন, শৰাই আৰু আন বহু কেইপদ মূল্যৱান চুৰি সামগ্ৰী উদ্ধাৰ কৰিবলৈ সক্ষম হয়। উল্লেখ্য যে যোৱা দেওবাৰে উক্ত পাৰ্বতিপুৰ অঞ্চলৰে বাসিন্দা শিৱ প্ৰসাদ ফুকনৰ ঘৰত চোৰৰ এটা দলে চুৰি কাৰ্য সংঘটিত কৰি এই মূল্যৱান সামগ্ৰীসমূহৰ লগতে নগদ ৭০ হাজাৰ টকা আৰু ভালেকেইপদ সোণৰ অলংকাৰ চুৰি কৰি নিছিল। সোণাৰি আৰক্ষীয়ে এজাহাৰকাৰীয়ে দাখিল কৰা এজাহাৰৰ ভিত্তিত ভাৰতীয় ন্যায় সংহিতাৰ ৩৩১(৪), ৩০৫ আৰু ২২২৩ ধাৰাৰ অধীনত ৪৩/২৬ নম্বৰৰ এটা গোচৰ ৰুজু কৰিছে আৰু চোৰকেইটাক মাৰাথন জেৰা অব্যাহত ৰাখিছে। ইয়াৰ উপৰিও, সোণাৰি আৰক্ষীয়ে চুৰি কাৰ্যত সহযোগ কৰা আন কেইবাটাও চোৰক ধৰিবলৈ অভিযান অব্যাহত ৰাখিছে।
Charaideo News & Entertainment
বিগত কেইবাদিন ধৰি ধাৰাবাহিকভাৱে চুৰি কাৰ্য সংঘটিত কৰি সন্ত্ৰাস চলাই থকা চাৰিজন গভাইত চোৰক বৃহৎ পৰিমাণৰ চুৰি সামগ্ৰীসহ আজি সোণাৰি আৰক্ষীয়ে কৰায়ত্ত কৰিবলৈ সক্ষম হৈছে। আটক কৰা চোৰকেইটা হ'ল ক্ৰমে আব্দুল ৰহিম (৩৯), ভজো টিয়ক বঙালিগাওঁৰ আৰিফ আলী (২৬), টিয়ক ৰজাবাৰীৰ চুলেমান আহমেদ (২৬) আৰু জৱকা চাহ বাগিচাৰ মুন্না মহালি (২৫)। আৰক্ষীয়ে গ্ৰেপ্তাৰ কৰা চোৰকেইটাৰ স্বীকাৰোক্তিৰ ভিত্তিত আজি নগৰখনৰ পাৰ্বতিপুৰ অঞ্চলত হাবিৰ মাজত লুকুৱাই ৰখা দুবস্তা কাঁহ পিতলৰ বাচন, শৰাই আৰু আন বহু কেইপদ মূল্যৱান চুৰি সামগ্ৰী উদ্ধাৰ কৰিবলৈ সক্ষম হয়। উল্লেখ্য যে যোৱা দেওবাৰে উক্ত পাৰ্বতিপুৰ অঞ্চলৰে বাসিন্দা শিৱ প্ৰসাদ ফুকনৰ ঘৰত চোৰৰ এটা দলে চুৰি কাৰ্য সংঘটিত কৰি এই মূল্যৱান সামগ্ৰীসমূহৰ লগতে নগদ ৭০ হাজাৰ টকা আৰু ভালেকেইপদ সোণৰ অলংকাৰ চুৰি কৰি নিছিল। সোণাৰি আৰক্ষীয়ে এজাহাৰকাৰীয়ে দাখিল কৰা এজাহাৰৰ ভিত্তিত ভাৰতীয় ন্যায় সংহিতাৰ ৩৩১(৪), ৩০৫ আৰু ২২২৩ ধাৰাৰ অধীনত ৪৩/২৬ নম্বৰৰ এটা গোচৰ ৰুজু কৰিছে আৰু চোৰকেইটাক মাৰাথন জেৰা অব্যাহত ৰাখিছে। ইয়াৰ উপৰিও, সোণাৰি আৰক্ষীয়ে চুৰি কাৰ্যত সহযোগ কৰা আন কেইবাটাও চোৰক ধৰিবলৈ অভিযান অব্যাহত ৰাখিছে।
More news from অসম and nearby areas
- ঐতিহাসিক গৌৰীসাগৰ বৰপুখুৰী বৰ্তমান চৰম অস্তিত্বৰ সংকটত ভুগিছে, যি গৌৰৱময় ইতিহাসৰ অন্যতম অনন্য চানেকি। প্ৰায় ৪০০ বিঘা মাটিত খন্দাই উলিওৱা আৰু তিনিটাকৈ ৰজাদিনীয়া ঐতিহাসিক দ’ল সম্বলিত এই ঐতিহ্যমণ্ডিত পুখুৰীটো সংৰক্ষণৰ অভাৱত এতিয়া এক ডাষ্টবিনতহে পৰিণত হৈছে। দেশী-বিদেশী পৰ্যটকৰ অন্যতম আকৰ্ষণৰ কেন্দ্ৰবিন্দু এই বৰপুখুৰীটো সম্পূৰ্ণৰূপে মেটেকা, কচু আৰু ঘাঁহ-বনেৰে আগুৰি ধৰি এক শোচনীয় ৰূপ ধাৰণ কৰিছে। এই শোচনীয় পৰিস্থিতিৰ বাবে শিৱসাগৰৰ বিধায়ক আৰু কেন্দ্ৰীয় পুৰাতত্ত্ব বিভাগক তীব্ৰ সমালোচনা কৰি কোৱা হৈছে যে তেওঁলোক যেন কুম্ভকৰ্ণ নিদ্ৰাত মগ্ন হৈ আছে।3Farid Ali.
- বাণিজ্যিক চহৰ তিনিচুকীয়াৰ যানযঁট নিয়ন্ত্ৰণৰ বাবে জিলা পৰিবহণ বিভাগ আৰু তিনিচুকীয়া পৌৰসভাই কঠোৰ ব্যৱস্থা গ্ৰহণ কৰিছে। যানযঁটৰ সমস্যা সৃষ্টি কৰাত বিশেষ ভূমিকা লোৱা ই-ৰিক্সাৰ বিৰুদ্ধে বৰ্তমান অভিযান চলোৱা হৈছে। এই কঠোৰ পদক্ষেপ গ্ৰহণ কৰাৰ পূৰ্বে জিলা পৰিবহণ বিভাগ আৰু পৌৰসভাই সজাগতা সৃষ্টিৰ বাবেও পদক্ষেপ গ্ৰহণ কৰিছিল।1Tinsukia TIME
- ডিগবৈত AS23 ER 4614 নম্বৰৰ এখন চালকবিহীন ই-ৰিক্সাক লৈ চাঞ্চল্যৰ সৃষ্টি হৈছে, যাৰ ফলত ইয়াৰ এটা ভিডিঅ' সামাজিক মাধ্যমত ব্যাপকভাৱে ভাইৰেল হৈ পৰিছে। এই ভিডিঅ’ক কেন্দ্ৰ কৰি বৰ্তমান চালকবিহীন ই-ৰিক্সাখনত ভূতৰ প্ৰভাৱ নে যান্ত্ৰিক ত্ৰুটি, তাক লৈ ব্যাপক চৰ্চা চলিছে।1জেৰিণা আৰ হাজৰিকা
- আউনীআটী সত্ৰৰ পৰম পূজনীয় সত্ৰাধিকাৰ আৰু বৈষ্ণৱ সংস্কৃতিৰ এগৰাকী পুৰোধা ব্যক্তি শ্ৰীশ্ৰীপীতাম্বৰ দেৱ গোস্বামী প্ৰভুৰ দিকদৰ্শন আৰু আধ্যাত্মিক চিন্তাধাৰাই সমাজক সদায় আলোকিত কৰি আহিছে। তেখেতে ব্রিটিছ সংগ্ৰহালয়ত সংৰক্ষিত হৈ থকা অমূল্য ঐতিহ্য 'বৃন্দাবনী বস্ত্ৰ' দৰ্শন কৰা মুহূৰ্তটো সকলোৰে বাবে অতি গৌৰৱৰ। এই ঐতিহাসিক যাত্ৰাৰ ফলশ্ৰুতিত, অতি সোনকালেই অসমৰ জনসাধাৰণে এই অতুলনীয় ঐতিহ্য স্বচক্ষে দৰ্শন কৰাৰ সৌভাগ্য লাভ কৰিব। অসমৰ বৈষ্ণৱ পৰম্পৰা আৰু সাংস্কৃতিক গৌৰৱৰ সৈতে জড়িত এই ঐতিহাসিক ঘটনাটোৱে প্ৰতিজন অসমীয়াৰ হৃদয় গৌৰৱেৰে ভৰাই তুলিছে।1Assam Update
- মাজুলীৰ শিক্ষাখণ্ডৰ বিভিন্ন সমস্যা সমাধানৰ দাবীত সদৌ মাজুলী জিলা কোচ ৰাজবংশী ছাত্ৰ সন্থাই (Sadou Majuli Jila Koch Rajbanshi Chatra Santha) মুখ্যমন্ত্ৰী ডঃ হিমন্ত বিশ্ব শৰ্মালৈ এক স্মাৰক পত্ৰ প্ৰেৰণ কৰিছে। এই স্মাৰক পত্ৰত শিক্ষাখণ্ডৰ চাৰিটা মূল দাবী উত্থাপন কৰা হৈছে। ছাত্ৰ সন্থাৰ প্ৰথম দাবীটো হৈছে যে শিক্ষাবৰ্ষৰ প্ৰায় ছমাহ উকলি যোৱাৰ পিছতো বহু ছাত্ৰ-ছাত্ৰীয়ে এতিয়ালৈকে পাঠ্যপুথি লাভ কৰা নাই, সেয়ে তেওঁলোকক অতি শীঘ্ৰে পাঠ্যপুথি যোগান ধৰিব লাগে। দ্বিতীয়তে, বিদ্যালয়সমূহত ছাত্ৰ-ছাত্ৰীক দিয়া ইউনিফৰ্মৰ মানদণ্ড অতি নিম্ন। অভিযোগ অনুসৰি, ৪০০-৬০০ টকাত যোগান ধৰা দুযোৰ ইউনিফৰ্ম পিন্ধাৰ বাবে উপযোগী নহয়। ইউনিফৰ্ম যোগানকাৰী সংস্থাসমূহে নিজৰ মুনাফাৰ বাবে নিম্ন মানৰ কাপোৰ যোগান ধৰাৰ ফলত গ্ৰীষ্মকালত ইয়াক পৰিধান কৰিলে ছাত্ৰ-ছাত্ৰীৰ স্বাস্থ্যৰ প্ৰতি ভাবুকি আহিব বুলি ছাত্ৰ সন্থাই দৃঢ়তাৰে উল্লেখ কৰিছে। ইয়াৰ উপৰিও, বহু বিদ্যালয়ৰ ছাত্ৰ-ছাত্ৰীয়ে আজিলৈকে ইউনিফৰ্ম নোপোৱাটো এক গুৰুত্বপূৰ্ণ সমস্যা বুলি কোৱা হৈছে, আৰু ইয়াৰ উচিত সমাধান বিচৰা হৈছে। তৃতীয় দাবী হিচাপে, মেধাবী ছাত্ৰ-ছাত্ৰীক যোগান ধৰা চাইকেলসমূহো অতি নিম্ন মানদণ্ডৰ বুলি অভিযোগ উত্থাপন কৰা হৈছে, যিবোৰ ছাত্ৰ-ছাত্ৰীয়ে মাত্ৰ এসপ্তাহো ভালদৰে চলাব নোৱাৰে বা বিদ্যালয়লৈ লৈ যাব নোৱাৰে। ভৱিষ্যতে চৰকাৰে এনে আঁচনি আনিলে মাজুলীত বিতৰণ কৰিবলগা চাইকেলৰ নিবিদা যাতে নিৰ্ভৰযোগ্য প্ৰতিষ্ঠানে পায় তাৰ প্ৰতি গুৰুত্ব দিবলৈ ছাত্ৰ সন্থাই আহ্বান জনাইছে। চতুৰ্থতে, মহাবিদ্যালয়সমূহত উচ্চতৰ মাধ্যমিকৰ ছাত্ৰ-ছাত্ৰীক আগতে বিনামূলীয়া পাঠ্যপুথি যোগান ধৰিছিল যদিও বৰ্তমান যোগান নধৰাত তেওঁলোক সমস্যাৰ সন্মুখীন হৈছে। বিশেষকৈ Education, Geography আৰু Sociology বিষয়ত পাঠ্যপুথিৰ অভাৱে ছাত্ৰ-ছাত্ৰীৰ শিক্ষা গ্ৰহণত বাধাৰ সৃষ্টি কৰিছে। এই সকলো বিষয়ত বিহিত ব্যৱস্থা গ্ৰহণৰ বাবে ছাত্ৰ সন্থাই মাজুলী জিলা আয়ুক্তৰ জৰিয়তে মুখ্যমন্ত্ৰীলৈ এই স্মাৰক পত্ৰ প্ৰেৰণ কৰে, যিখন সহকাৰী জিলা আয়ুক্তগৰাকীয়ে জিলা আয়ুক্তৰ হৈ গ্ৰহণ কৰে।1SANJIT SAIKIA
- লখিমপুৰ জিলাৰ কণানদীত এগৰাকী মহিলাক অৰ্ধ উলংগ কৰা ঘটনাটোক লৈ লখিমপুৰ জিলা মহিলা কংগ্ৰেছে তীব্ৰ প্ৰতিক্ৰিয়া ব্যক্ত কৰিছে। এই সন্দৰ্ভত দলটোৰ কৰ্মীসকলে চাউলধোৱা আৰক্ষী চকীত উপস্থিত হৈ ঘটনাটোৰ ওপৰত নিজৰ বক্তব্য দাঙি ধৰে।1Dip Pratim borah
- চৰাইদেউ জিলা কৃষি বিভাগে NFSM আঁচনিৰ অধীনত আজি আনুষ্ঠানিকভাৱে কৃষকসকলক অধিক উৎপাদনক্ষম ৰঞ্জিত ছাব-১ ধানৰ বীজ বিতৰণ কৰে। কৃষকৰ উৎপাদন বৃদ্ধিৰ প্ৰতি লক্ষ্য ৰাখি কৃষি বিভাগে এই পদক্ষেপ গ্ৰহণ কৰিছে। এই অনুষ্ঠানত কৃষি বিভাগৰ মন্ত্ৰীৰ আহ্বানৰ প্ৰতি সঁহাৰি জনাই সোণাৰি সমষ্টিৰ বিধায়ক ধৰ্ম্মেশ্বৰ কোঁৱৰ উপস্থিত থাকে। বিধায়কগৰাকীয়ে উপস্থিত কৃষকসকলক কৃষি কৰ্মৰ প্ৰতি উৎসাহিত কৰাৰ লগতে কৃষি বিভাগৰ বিভিন্ন আঁচনিৰ সা-সুবিধা গ্ৰহণ কৰিবলৈ আহ্বান জনায়। তেওঁ লগতে বিভাগক পৰৱৰ্তী সময়ত কৃষকৰ সময় আৰু সুবিধা অনুসৰি কৃষি সামগ্ৰী লাভ কৰাত গুৰুত্ব দিবলৈ আৰু আধুনিক কৃষি পদ্ধতিৰ লগতে উন্নত বীজ ব্যৱহাৰত মনোনিৱেশ কৰিবলৈও পৰামৰ্শ আগবঢ়ায়। এই অনুষ্ঠানত জিলা কৃষি বিষয়া ৰীজবি হাজৰিকা, চৰাইদেউ জিলা কৃষাণ মৰ্চাৰ সভাপতি জয়ন্ত বৰুৱা, সাধাৰণ সম্পাদক কৃষ্ণ নেৱাৰ, টাই আহোম উন্নয়ন পৰিষদৰ সদস্য গিৰিণ গগৈ, সোণাৰি আঞ্চলিক পঞ্চায়তৰ সভাপতি কমলজ্যোতি হাজৰিকা, বৰহাটৰ বিশিষ্ট সমাজকৰ্মী মিল্টন গগৈ, ভজো গাঁৱৰ গাওঁ প্ৰধান প্ৰদীপ তাঁতিৰ লগতে বহুসংখ্যক কৃষক আৰু বিভাগীয় বিষয়া-কৰ্মচাৰীসকল উপস্থিত আছিল।1Charaideo News & Entertainment
- আৰবান টেষ্টৰ নামৰ ৰেষ্টুৰেন্টখনত চলা উচ্ছেদ অভিযানৰ সময়ত এক চাঞ্চল্যকৰ তথ্য পোহৰলৈ আহিছে। এই অভিযানকালত ৰেষ্টুৰেন্টখনৰ ফ্ৰীজৰ ভিতৰত নিষিদ্ধ মাংস উদ্ধাৰ কৰা হয়, যিয়ে সমগ্ৰ ঘটনাটোক এক নতুন দিশ প্ৰদান কৰিছে।1জেৰিণা আৰ হাজৰিকা
- শিৱসাগৰ জিলাৰ গেলেকী অঞ্চলত আজি এক ভয়াৱহ ঘটনাই তীব্ৰ চাঞ্চল্যৰ সৃষ্টি কৰিছে। আৰক্ষীয়ে গেলেকীৰ এটা ভাড়াঘৰৰ বন্ধ কোঠাৰ ভিতৰৰ পৰা ওলমি থকা অৱস্থাত এজন ২২ বছৰীয়া যুৱকৰ মৃতদেহ উদ্ধাৰ কৰে। মৃত যুৱকজনক গেলেকী ওখটিং গাঁৱৰ প্ৰফুল্ল গগৈৰ পুত্ৰ সুনীল গগৈ বুলি চিনাক্ত কৰা হৈছে। জানিব পৰা মতে, সুনীল গগৈয়ে দীৰ্ঘদিন ধৰি উক্ত ভাড়াঘৰটোত নিজ পত্নীৰ সৈতে বসবাস কৰি আছিল। কিন্তু হঠাৎ আজি তেওঁৰ চিপ লোৱা মৃতদেহ উদ্ধাৰ হোৱা ঘটনাই সমগ্ৰ অঞ্চলটোতে তীব্ৰ ৰহস্যৰ সৃষ্টি কৰিছে, য'ত এতিয়া এইয়া হত্যা নে আত্মহত্যা, তাক লৈ প্ৰশ্ন উঠিছে। আৰক্ষীয়ে এই ঘটনাৰ তদন্ত অব্যাহত ৰাখিছে।4Farid Ali.
