अंतरवाली सराटी येथे मनोज जरांगे पाटील यांनी मराठा आरक्षणासंदर्भात सुरू केलेले उपोषण रविवारी पहाटे सुमारे 1.30 वाजता मागे घेतले. शासनाने त्यांच्या प्रमुख मागण्यांवर सकारात्मक निर्णय घेण्याचे आश्वासन दिल्यानंतर या उपोषणाची सांगता झाली. या चर्चेदरम्यान 58 लाख नोंदींवर आधारित कुणबी प्रमाणपत्र देण्यावर सहमती झाली असून, कुणबी प्रमाणपत्रधारकांना वैधतेसाठी कार्यवाही करण्याचे आश्वासन देण्यात आले. तसेच, सातारा गॅझेटियर लागू करण्यासाठी शासनाने एक महिन्याची मुदत दिली आहे आणि आंदोलनादरम्यान दाखल झालेल्या गुन्ह्यांबाबत सकारात्मक भूमिका घेण्याचे संकेत दिले आहेत. मराठा व कुणबी समाजासाठी स्वतंत्र मंत्रालयाच्या मागणीवरही चर्चा झाली. जलसंपदा मंत्री राधाकृष्ण विखे पाटील आणि आमदार प्रसाद लाड यांच्या शिष्टाईनंतर हा तोडगा निघाला. शासनाकडून 2 ते 3 दिवसांत शासन निर्णय (GR) काढला जाईल असे आश्वासन देण्यात आले आहे. मात्र, जर हा GR वेळेत निघाला नाही, तर पुन्हा आंदोलन सुरू करण्याचा इशारा जरांगे पाटील यांनी दिला. आंदोलकांच्या आग्रहानंतर विखे पाटील यांच्या हस्ते पाणी पिऊन त्यांनी उपोषण सोडले आणि "सरकारने दिलेला शब्द पाळला नाही तर पुन्हा आंदोलन उभारू," असेही जरांगे पाटील यांनी ठणकावून सांगितले.

Abn news

Media company Parbhani, Maharashtra•

1 hr ago

अंतरवाली सराटी येथे मनोज जरांगे पाटील यांनी मराठा आरक्षणासंदर्भात सुरू केलेले उपोषण रविवारी पहाटे सुमारे 1.30 वाजता मागे घेतले. शासनाने त्यांच्या प्रमुख मागण्यांवर सकारात्मक निर्णय घेण्याचे आश्वासन दिल्यानंतर या उपोषणाची सांगता झाली. या चर्चेदरम्यान 58 लाख नोंदींवर आधारित कुणबी प्रमाणपत्र देण्यावर सहमती झाली असून, कुणबी प्रमाणपत्रधारकांना वैधतेसाठी कार्यवाही करण्याचे आश्वासन देण्यात आले. तसेच, सातारा गॅझेटियर लागू करण्यासाठी शासनाने एक महिन्याची मुदत दिली आहे आणि आंदोलनादरम्यान दाखल झालेल्या गुन्ह्यांबाबत सकारात्मक भूमिका घेण्याचे संकेत दिले आहेत. मराठा व कुणबी समाजासाठी स्वतंत्र मंत्रालयाच्या मागणीवरही चर्चा झाली. जलसंपदा मंत्री राधाकृष्ण विखे पाटील आणि आमदार प्रसाद लाड यांच्या शिष्टाईनंतर हा तोडगा निघाला. शासनाकडून 2 ते 3 दिवसांत शासन निर्णय (GR) काढला जाईल असे आश्वासन देण्यात आले आहे. मात्र, जर हा GR वेळेत निघाला नाही, तर पुन्हा आंदोलन सुरू करण्याचा इशारा जरांगे पाटील यांनी दिला. आंदोलकांच्या आग्रहानंतर विखे पाटील यांच्या हस्ते पाणी पिऊन त्यांनी उपोषण सोडले आणि "सरकारने दिलेला शब्द पाळला नाही तर पुन्हा आंदोलन उभारू," असेही जरांगे पाटील यांनी ठणकावून सांगितले.