കുടുംബശ്രീ വാത്തിക്കുടി സിഡിഎസിന്റെ നേതൃത്വത്തിൽ ചക്ക ഉൽപ്പന്നങ്ങളുടെ പ്രാധാന്യം വിളിച്ചറിയിച്ചുകൊണ്ട് ജാക്ക് ഫ്രൂട്ട് ഫെസ്റ്റ് സംഘടിപ്പിച്ചു. പുറമേ നിന്നെത്തുന്ന വിഷമയമുള്ള ഭക്ഷ്യവസ്തുക്കൾ ഉപേക്ഷിച്ച്, നാടൻ ഭക്ഷ്യവസ്തുക്കളിൽ ഏറ്റവും പ്രാധാന്യമേറിയ ചക്കയും ചക്കയിൽ നിന്നുള്ള വിഭവങ്ങളും കൂടുതൽ ഉപയോഗിക്കാൻ പ്രചോദനം നൽകുക എന്ന ലക്ഷ്യത്തോടെയാണ് വാത്തിക്കുടി സിഡിഎസ് ഈ ചക്ക ഫെസ്റ്റ് നടത്തിയത്. ഇടുക്കി ബ്ലോക്കിൽ ഉൾപ്പെടുന്ന ആറ് പഞ്ചായത്തുകളിലെ കോഡിനേറ്റർമാരുടെയും അഗ്രി റിസോഴ്സ് പേഴ്സൺമാരുടെയും നേതൃത്വത്തിലാണ് ഈ പരിപാടി സംഘടിപ്പിച്ചത്. വാത്തിക്കുടി പഞ്ചായത്ത് അങ്കണത്തിൽ നടന്ന പരിപാടികളുടെ ഉദ്ഘാടനം വാത്തിക്കുടി ഗ്രാമപഞ്ചായത്ത് പ്രസിഡണ്ട് വിനോദ് ജോസഫ് നിർവഹിച്ചു. സിഡിഎസ് ചെയർപേഴ്സൺ ലിമിയ അധ്യക്ഷത വഹിച്ച ചടങ്ങിൽ വൈസ് പ്രസിഡണ്ട് മിലാനി സാബു, ഗ്രാമപഞ്ചായത്ത് അംഗങ്ങൾ, ബ്ലോക്ക് കോഡിനേറ്റർമാരായ ഗീതു പി വി, ജിജോ ജോസ്, അഗ്രി സിആർപിമാരായ മോളി കൃഷ്ണൻ മഞ്ജു, ബിസി റോയ് ആർച്ച, റീജ പോൾ, ഷീജ സജി രതീഷ് ഉൾപ്പെടെയുള്ളവർ നേതൃത്വം നൽകി. ചക്കയിൽ നിന്നുള്ള ഇരുപത്തിയെട്ടോളം വിഭവങ്ങളുടെ പ്രദർശനവും വിപണനവും ഫെസ്റ്റിന്റെ ഭാഗമായി നടന്നു.

സ്റ്റാലിൻ വി.കെ.

ഇടുക്കി, ഇടുക്കി, കേരളം•

8 hrs ago

കുടുംബശ്രീ വാത്തിക്കുടി സിഡിഎസിന്റെ നേതൃത്വത്തിൽ ചക്ക ഉൽപ്പന്നങ്ങളുടെ പ്രാധാന്യം വിളിച്ചറിയിച്ചുകൊണ്ട് ജാക്ക് ഫ്രൂട്ട് ഫെസ്റ്റ് സംഘടിപ്പിച്ചു. പുറമേ നിന്നെത്തുന്ന വിഷമയമുള്ള ഭക്ഷ്യവസ്തുക്കൾ ഉപേക്ഷിച്ച്, നാടൻ ഭക്ഷ്യവസ്തുക്കളിൽ ഏറ്റവും പ്രാധാന്യമേറിയ ചക്കയും ചക്കയിൽ നിന്നുള്ള വിഭവങ്ങളും കൂടുതൽ ഉപയോഗിക്കാൻ പ്രചോദനം നൽകുക എന്ന ലക്ഷ്യത്തോടെയാണ് വാത്തിക്കുടി സിഡിഎസ് ഈ ചക്ക ഫെസ്റ്റ് നടത്തിയത്. ഇടുക്കി ബ്ലോക്കിൽ ഉൾപ്പെടുന്ന ആറ് പഞ്ചായത്തുകളിലെ കോഡിനേറ്റർമാരുടെയും അഗ്രി റിസോഴ്സ് പേഴ്സൺമാരുടെയും നേതൃത്വത്തിലാണ് ഈ പരിപാടി സംഘടിപ്പിച്ചത്. വാത്തിക്കുടി പഞ്ചായത്ത് അങ്കണത്തിൽ നടന്ന പരിപാടികളുടെ ഉദ്ഘാടനം വാത്തിക്കുടി ഗ്രാമപഞ്ചായത്ത് പ്രസിഡണ്ട് വിനോദ് ജോസഫ് നിർവഹിച്ചു. സിഡിഎസ് ചെയർപേഴ്സൺ ലിമിയ അധ്യക്ഷത വഹിച്ച ചടങ്ങിൽ വൈസ് പ്രസിഡണ്ട് മിലാനി സാബു, ഗ്രാമപഞ്ചായത്ത് അംഗങ്ങൾ, ബ്ലോക്ക് കോഡിനേറ്റർമാരായ ഗീതു പി വി, ജിജോ ജോസ്, അഗ്രി സിആർപിമാരായ മോളി കൃഷ്ണൻ മഞ്ജു, ബിസി റോയ് ആർച്ച, റീജ പോൾ, ഷീജ സജി രതീഷ് ഉൾപ്പെടെയുള്ളവർ നേതൃത്വം നൽകി. ചക്കയിൽ നിന്നുള്ള ഇരുപത്തിയെട്ടോളം വിഭവങ്ങളുടെ പ്രദർശനവും വിപണനവും ഫെസ്റ്റിന്റെ ഭാഗമായി നടന്നു.