ਗੜ੍ਹਸ਼ੰਕਰ ਵਿੱਚ 21 ਜੂਨ ਨੂੰ ਹਿਊਮਨ ਰਾਇਟਸ ਕਮਿਸ਼ਨ ਪੰਜਾਬ ਦੇ ਮੈਂਬਰ ਅਤੇ ਪਦਮ ਸ਼੍ਰੀ ਜਤਿੰਦਰ ਸਿੰਘ ਸ਼ੰਟੀ ਨਾਲ ਪਿੰਡ ਬੋੜਾ ਵਿਖੇ ਗੜ੍ਹਸ਼ੰਕਰ ਦੀਆਂ ਸਮੂਹ ਸਮਾਜ ਸੇਵੀ ਜਥੇਬੰਦੀਆਂ ਨੇ ਮੁਲਾਕਾਤ ਕੀਤੀ। ਇਸ ਦੌਰਾਨ ਸਮਾਜ ਸੇਵੀ ਦਲਜੀਤ ਸਿੰਘ ਬੈਂਸ ਸਮੇਤ ਕੈਪਟਨ ਤਰਸੇਮ ਸਿੰਘ ਖੁਰਦਾਂ, ਅਲੋਕ ਰਾਣਾ ਕਾਲੇਵਾਲ, ਮਾਤਾ ਹਰੋ ਦਾ ਪੋਅ ਕਮੇਟੀ ਪ੍ਰਧਾਨ ਬਿੱਲਾ ਕੰਬਾਲਾ ਅਤੇ ਤੀਰਥ ਸਿੰਘ ਥਾਣਾ ਨੇ ਉਨ੍ਹਾਂ ਨੂੰ ਇੱਕ ਮੰਗ ਪੱਤਰ ਸੌਂਪਿਆ। ਮੰਗ ਪੱਤਰ ਵਿੱਚ ਗੜ੍ਹਸ਼ੰਕਰ ਤੋਂ ਹਿਮਾਚਲ ਪ੍ਰਦੇਸ਼ ਸਰਹੱਦ ਤੱਕ ਜਾਂਦੀ 14 ਕਿਲੋਮੀਟਰ ਲੰਬੀ ਸੜਕ ਨੂੰ 33 ਫੁੱਟ ਚੌੜਾ ਕਰਨ ਦੀ ਮੁੱਖ ਮੰਗ ਚੁੱਕੀ ਗਈ। ਆਗੂਆਂ ਨੇ ਦੱਸਿਆ ਕਿ ਮਾਈਨਿੰਗ ਗਤੀਵਿਧੀਆਂ ਦੀ ਬਹੁਤਾਤ ਕਾਰਨ ਇਸ ਸੜਕ ਨੂੰ 'ਖੂਨੀ ਸੜਕ' ਕਿਹਾ ਜਾਂਦਾ ਹੈ, ਜਿਸ 'ਤੇ ਟਿੱਪਰਾਂ ਜਾਂ ਹੋਰ ਕਾਰਨਾਂ ਕਰਕੇ ਹੋਏ ਹਾਦਸਿਆਂ ਵਿੱਚ ਲਗਭਗ 25 ਘਰਾਂ ਦੇ ਚਿਰਾਗ ਬੁੱਝ ਗਏ ਹਨ। ਉਨ੍ਹਾਂ ਨੇ ਹਿਊਮਨ ਰਾਇਟਸ ਕਮਿਸ਼ਨ ਤੋਂ ਇਸ ਮਾਮਲੇ ਵਿੱਚ ਦਖਲ ਦੇ ਕੇ ਰੋਜ਼ਾਨਾ ਜਾ ਰਹੀਆਂ ਕੀਮਤੀ ਜਾਨਾਂ ਨੂੰ ਬਚਾਉਣ ਲਈ ਸੜਕ ਨੂੰ 33 ਫੁੱਟ ਚੌੜਾ ਕਰਵਾਉਣ ਦੀ ਅਪੀਲ ਕੀਤੀ। ਇਸ ਤੋਂ ਇਲਾਵਾ, ਬੀਤ ਦੇ 28 ਪਿੰਡਾਂ ਨੂੰ ਹੁਸ਼ਿਆਰਪੁਰ ਜ਼ਿਲ੍ਹੇ ਨਾਲ ਜੋੜਨ ਲਈ ਮਹਿੰਦਵਾਨੀ ਰਾਜਪੂਤਾਂ ਤੋਂ ਰਾਮਪੁਰ ਬਿਲੜੋਂ ਤੱਕ ਇੱਕ ਨਵੀਂ ਸੜਕ ਬਣਾਉਣ ਦੀ ਵੀ ਮੰਗ ਕੀਤੀ ਗਈ, ਤਾਂ ਜੋ ਇਲਾਕੇ ਦੇ ਲੋਕਾਂ ਦਾ ਸਫ਼ਰ ਨੇੜੇ ਹੋ ਸਕੇ। ਇਸ ਮੌਕੇ ਦਲਜੀਤ ਸਿੰਘ ਬੈਂਸ ਸਮੇਤ ਬੀਤ ਤੋਂ ਸਮਾਜ ਸੇਵੀ ਅਲੋਕ ਰਾਣਾ, ਬਿੱਲਾ ਕੰਬਾਲਾ ਅਤੇ ਗੁਰਮੁੱਖ ਸਿੰਘ ਸੌਢੀ ਨੇ ਸੈਲਾ ਖੁਰਦ ਪੇਪਰ ਮਿੱਲ ਵੱਲੋਂ ਪਾਣੀ ਅਤੇ ਹਵਾ ਖਰਾਬ ਕਰਨ ਅਤੇ ਪ੍ਰਦੂਸ਼ਣ ਫੈਲਾਉਣ ਦਾ ਮੁੱਦਾ ਵੀ ਚੁੱਕਿਆ, ਜਿਸ 'ਤੇ ਕਮਿਸ਼ਨ ਨੇ ਕਾਰਵਾਈ ਦਾ ਭਰੋਸਾ ਦਿੱਤਾ। ਅਲੋਕ ਰਾਣਾ ਨੇ ਮਹਿੰਦਵਾਨੀ ਨੇੜੇ ਲੱਗੀ ਇੱਕ ਫੈਕਟਰੀ ਵੱਲੋਂ ਲਗਾਤਾਰ ਤੂੜੀ ਫੂਕਣ ਦੀ ਸ਼ਿਕਾਇਤ ਵੀ ਹਿਊਮਨ ਰਾਇਟਸ ਕਮਿਸ਼ਨ ਅੱਗੇ ਰੱਖੀ। ਉਨ੍ਹਾਂ ਦੱਸਿਆ ਕਿ ਇਸ ਕਾਰਨ ਪੂਰੇ ਬੀਤ ਇਲਾਕੇ ਦੇ ਲੋਕ ਜਿੱਥੇ ਪ੍ਰਦੂਸ਼ਿਤ ਹਵਾ ਵਿੱਚ ਸਾਹ ਲੈਣ ਲਈ ਮਜਬੂਰ ਹਨ, ਉੱਥੇ ਹੀ ਪਸ਼ੂ ਪਾਲਕਾਂ ਨੂੰ ਤੂੜੀ ਨਹੀਂ ਮਿਲ ਰਹੀ ਅਤੇ ਇਸ ਦਾ ਰੇਟ 1500 ਰੁਪਏ ਪ੍ਰਤੀ ਕੁਇੰਟਲ ਤੱਕ ਪਹੁੰਚ ਗਿਆ ਹੈ। ਇਸ ਕਾਰਨ ਕੰਢੀ ਬੀਤ ਦੇ ਪਸ਼ੂ ਪਾਲਕ ਆਪਣੇ ਪਸ਼ੂ ਵੇਚਣ ਲਈ ਮਜਬੂਰ ਹਨ। ਆਗੂਆਂ ਨੇ ਕਮਿਸ਼ਨ ਨੂੰ ਬੀਤ ਇਲਾਕੇ ਦੀਆਂ ਇਨ੍ਹਾਂ ਸਾਰੀਆਂ ਮੰਗਾਂ ਨੂੰ ਜਲਦੀ ਹੱਲ ਕਰਵਾਉਣ ਦੀ ਅਪੀਲ ਕੀਤੀ।

Ashwani Kumar Sharma

Local News Reporter ਗੜ੍ਹਸ਼ੰਕਰ, ਹੁਸ਼ਿਆਰਪੁਰ, ਪੰਜਾਬ•

4 hrs ago

ਗੜ੍ਹਸ਼ੰਕਰ ਵਿੱਚ 21 ਜੂਨ ਨੂੰ ਹਿਊਮਨ ਰਾਇਟਸ ਕਮਿਸ਼ਨ ਪੰਜਾਬ ਦੇ ਮੈਂਬਰ ਅਤੇ ਪਦਮ ਸ਼੍ਰੀ ਜਤਿੰਦਰ ਸਿੰਘ ਸ਼ੰਟੀ ਨਾਲ ਪਿੰਡ ਬੋੜਾ ਵਿਖੇ ਗੜ੍ਹਸ਼ੰਕਰ ਦੀਆਂ ਸਮੂਹ ਸਮਾਜ ਸੇਵੀ ਜਥੇਬੰਦੀਆਂ ਨੇ ਮੁਲਾਕਾਤ ਕੀਤੀ। ਇਸ ਦੌਰਾਨ ਸਮਾਜ ਸੇਵੀ ਦਲਜੀਤ ਸਿੰਘ ਬੈਂਸ ਸਮੇਤ ਕੈਪਟਨ ਤਰਸੇਮ ਸਿੰਘ ਖੁਰਦਾਂ, ਅਲੋਕ ਰਾਣਾ ਕਾਲੇਵਾਲ, ਮਾਤਾ ਹਰੋ ਦਾ ਪੋਅ ਕਮੇਟੀ ਪ੍ਰਧਾਨ ਬਿੱਲਾ ਕੰਬਾਲਾ ਅਤੇ ਤੀਰਥ ਸਿੰਘ ਥਾਣਾ ਨੇ ਉਨ੍ਹਾਂ ਨੂੰ ਇੱਕ ਮੰਗ ਪੱਤਰ ਸੌਂਪਿਆ। ਮੰਗ ਪੱਤਰ ਵਿੱਚ ਗੜ੍ਹਸ਼ੰਕਰ ਤੋਂ ਹਿਮਾਚਲ ਪ੍ਰਦੇਸ਼ ਸਰਹੱਦ ਤੱਕ ਜਾਂਦੀ 14 ਕਿਲੋਮੀਟਰ ਲੰਬੀ ਸੜਕ ਨੂੰ 33 ਫੁੱਟ ਚੌੜਾ ਕਰਨ ਦੀ ਮੁੱਖ ਮੰਗ ਚੁੱਕੀ ਗਈ। ਆਗੂਆਂ ਨੇ ਦੱਸਿਆ ਕਿ ਮਾਈਨਿੰਗ ਗਤੀਵਿਧੀਆਂ ਦੀ ਬਹੁਤਾਤ ਕਾਰਨ ਇਸ ਸੜਕ ਨੂੰ 'ਖੂਨੀ ਸੜਕ' ਕਿਹਾ ਜਾਂਦਾ ਹੈ, ਜਿਸ 'ਤੇ ਟਿੱਪਰਾਂ ਜਾਂ ਹੋਰ ਕਾਰਨਾਂ ਕਰਕੇ ਹੋਏ ਹਾਦਸਿਆਂ ਵਿੱਚ ਲਗਭਗ 25 ਘਰਾਂ ਦੇ ਚਿਰਾਗ ਬੁੱਝ ਗਏ ਹਨ। ਉਨ੍ਹਾਂ ਨੇ ਹਿਊਮਨ ਰਾਇਟਸ ਕਮਿਸ਼ਨ ਤੋਂ ਇਸ ਮਾਮਲੇ ਵਿੱਚ ਦਖਲ ਦੇ ਕੇ ਰੋਜ਼ਾਨਾ ਜਾ ਰਹੀਆਂ ਕੀਮਤੀ ਜਾਨਾਂ ਨੂੰ ਬਚਾਉਣ ਲਈ ਸੜਕ ਨੂੰ 33 ਫੁੱਟ ਚੌੜਾ ਕਰਵਾਉਣ ਦੀ ਅਪੀਲ ਕੀਤੀ। ਇਸ ਤੋਂ ਇਲਾਵਾ, ਬੀਤ ਦੇ 28 ਪਿੰਡਾਂ ਨੂੰ ਹੁਸ਼ਿਆਰਪੁਰ ਜ਼ਿਲ੍ਹੇ ਨਾਲ ਜੋੜਨ ਲਈ ਮਹਿੰਦਵਾਨੀ ਰਾਜਪੂਤਾਂ ਤੋਂ ਰਾਮਪੁਰ ਬਿਲੜੋਂ ਤੱਕ ਇੱਕ ਨਵੀਂ ਸੜਕ ਬਣਾਉਣ ਦੀ ਵੀ ਮੰਗ ਕੀਤੀ ਗਈ, ਤਾਂ ਜੋ ਇਲਾਕੇ ਦੇ ਲੋਕਾਂ ਦਾ ਸਫ਼ਰ ਨੇੜੇ ਹੋ ਸਕੇ। ਇਸ ਮੌਕੇ ਦਲਜੀਤ ਸਿੰਘ ਬੈਂਸ ਸਮੇਤ ਬੀਤ ਤੋਂ ਸਮਾਜ ਸੇਵੀ ਅਲੋਕ ਰਾਣਾ, ਬਿੱਲਾ ਕੰਬਾਲਾ ਅਤੇ ਗੁਰਮੁੱਖ ਸਿੰਘ ਸੌਢੀ ਨੇ ਸੈਲਾ ਖੁਰਦ ਪੇਪਰ ਮਿੱਲ ਵੱਲੋਂ ਪਾਣੀ ਅਤੇ ਹਵਾ ਖਰਾਬ ਕਰਨ ਅਤੇ ਪ੍ਰਦੂਸ਼ਣ ਫੈਲਾਉਣ ਦਾ ਮੁੱਦਾ ਵੀ ਚੁੱਕਿਆ, ਜਿਸ 'ਤੇ ਕਮਿਸ਼ਨ ਨੇ ਕਾਰਵਾਈ ਦਾ ਭਰੋਸਾ ਦਿੱਤਾ। ਅਲੋਕ ਰਾਣਾ ਨੇ ਮਹਿੰਦਵਾਨੀ ਨੇੜੇ ਲੱਗੀ ਇੱਕ ਫੈਕਟਰੀ ਵੱਲੋਂ ਲਗਾਤਾਰ ਤੂੜੀ ਫੂਕਣ ਦੀ ਸ਼ਿਕਾਇਤ ਵੀ ਹਿਊਮਨ ਰਾਇਟਸ ਕਮਿਸ਼ਨ ਅੱਗੇ ਰੱਖੀ। ਉਨ੍ਹਾਂ ਦੱਸਿਆ ਕਿ ਇਸ ਕਾਰਨ ਪੂਰੇ ਬੀਤ ਇਲਾਕੇ ਦੇ ਲੋਕ ਜਿੱਥੇ ਪ੍ਰਦੂਸ਼ਿਤ ਹਵਾ ਵਿੱਚ ਸਾਹ ਲੈਣ ਲਈ ਮਜਬੂਰ ਹਨ, ਉੱਥੇ ਹੀ ਪਸ਼ੂ ਪਾਲਕਾਂ ਨੂੰ ਤੂੜੀ ਨਹੀਂ ਮਿਲ ਰਹੀ ਅਤੇ ਇਸ ਦਾ ਰੇਟ 1500 ਰੁਪਏ ਪ੍ਰਤੀ ਕੁਇੰਟਲ ਤੱਕ ਪਹੁੰਚ ਗਿਆ ਹੈ। ਇਸ ਕਾਰਨ ਕੰਢੀ ਬੀਤ ਦੇ ਪਸ਼ੂ ਪਾਲਕ ਆਪਣੇ ਪਸ਼ੂ ਵੇਚਣ ਲਈ ਮਜਬੂਰ ਹਨ। ਆਗੂਆਂ ਨੇ ਕਮਿਸ਼ਨ ਨੂੰ ਬੀਤ ਇਲਾਕੇ ਦੀਆਂ ਇਨ੍ਹਾਂ ਸਾਰੀਆਂ ਮੰਗਾਂ ਨੂੰ ਜਲਦੀ ਹੱਲ ਕਰਵਾਉਣ ਦੀ ਅਪੀਲ ਕੀਤੀ।