श्री शिवाजी विद्यालयात लोकमान्य टिळक पुण्यतिथी व अण्णाभाऊ साठे जयंती उत्साहात साजरी! श्री शिवाजी विद्यालय व कनिष्ठ महाविद्यालय, रिसोड येथे दि. 01 ऑगस्ट 2026 रोजी भारतीय स्वातंत्र्यलढ्याचे प्रेरणास्थान लोकमान्य बाळ गंगाधर टिळक यांची पुण्यतिथी तसेच लोकशाहीर अण्णाभाऊ साठे यांची जयंती मोठ्या उत्साहात साजरी करण्यात आली. कार्यक्रमाच्या प्रारंभी उपस्थित मान्यवरांच्या हस्ते लोकमान्य टिळक व अण्णाभाऊ साठे यांच्या प्रतिमेचे पूजन व पुष्पहार अर्पण करण्यात आले. याप्रसंगी कनिष्ठ महाविद्यालयाचे उपप्राचार्य गजानन भिसडे, पर्यवेक्षक खुशाल राठोड, ज्येष्ठ प्राध्यापक अरुण लिमजे यांच्यासह सर्व प्राध्यापक, शिक्षक, शिक्षिका तसेच शिक्षकेतर कर्मचारी वृंद उपस्थित होते. यावेळी मार्गदर्शन करताना उपप्राचार्य गजानन भिसडे म्हणाले की, लोकमान्य टिळक यांनी ‘स्वराज्य हा माझा जन्मसिद्ध हक्क आहे आणि तो मी मिळवणारच’ हा घोष देऊन भारतीय स्वातंत्र्यलढ्याला नवी दिशा दिली. त्यांनी शिक्षण, पत्रकारिता आणि समाजप्रबोधनाच्या माध्यमातून राष्ट्रभावना जागृत केली. तर लोकशाहीर अण्णाभाऊ साठे यांनी आपल्या साहित्य, पोवाडे आणि लोककलेच्या माध्यमातून वंचित, शोषित आणि कष्टकरी समाजाच्या वेदना जगासमोर मांडल्या. त्यांच्या कार्यातून सामाजिक समता, बंधुता आणि मानवी मूल्यांचा संदेश मिळतो. विद्यार्थ्यांनी या दोन्ही महान विभूतींचे विचार आत्मसात करून राष्ट्रप्रेम, सामाजिक बांधिलकी आणि कर्तव्यनिष्ठा जोपासावी. कार्यक्रमाचे सूत्रसंचालन प्रा.विजय देशमुख यांनी केले. कार्यक्रमास सर्व प्राध्यापक,शिक्षक, शिक्षिका तसेच कर्मचारी वृंद व विद्यार्थी मोठ्या संख्येने उपस्थित होते.

के.के. रिपोर्टर

Spa रिसोड, वाशिम, महाराष्ट्र•

5 hrs ago

श्री शिवाजी विद्यालयात लोकमान्य टिळक पुण्यतिथी व अण्णाभाऊ साठे जयंती उत्साहात साजरी! श्री शिवाजी विद्यालय व कनिष्ठ महाविद्यालय, रिसोड येथे दि. 01 ऑगस्ट 2026 रोजी भारतीय स्वातंत्र्यलढ्याचे प्रेरणास्थान लोकमान्य बाळ गंगाधर टिळक यांची पुण्यतिथी तसेच लोकशाहीर अण्णाभाऊ साठे यांची जयंती मोठ्या उत्साहात साजरी करण्यात आली. कार्यक्रमाच्या प्रारंभी उपस्थित मान्यवरांच्या हस्ते लोकमान्य टिळक व अण्णाभाऊ साठे यांच्या प्रतिमेचे पूजन व पुष्पहार अर्पण करण्यात आले. याप्रसंगी कनिष्ठ महाविद्यालयाचे उपप्राचार्य गजानन भिसडे, पर्यवेक्षक खुशाल राठोड, ज्येष्ठ प्राध्यापक अरुण लिमजे यांच्यासह सर्व प्राध्यापक, शिक्षक, शिक्षिका तसेच शिक्षकेतर कर्मचारी वृंद उपस्थित होते. यावेळी मार्गदर्शन करताना उपप्राचार्य गजानन भिसडे म्हणाले की, लोकमान्य टिळक यांनी ‘स्वराज्य हा माझा जन्मसिद्ध हक्क आहे आणि तो मी मिळवणारच’ हा घोष देऊन भारतीय स्वातंत्र्यलढ्याला नवी दिशा दिली. त्यांनी शिक्षण, पत्रकारिता आणि समाजप्रबोधनाच्या माध्यमातून राष्ट्रभावना जागृत केली. तर लोकशाहीर अण्णाभाऊ साठे यांनी आपल्या साहित्य, पोवाडे आणि लोककलेच्या माध्यमातून वंचित, शोषित आणि कष्टकरी समाजाच्या वेदना जगासमोर मांडल्या. त्यांच्या कार्यातून सामाजिक समता, बंधुता आणि मानवी मूल्यांचा संदेश मिळतो. विद्यार्थ्यांनी या दोन्ही महान विभूतींचे विचार आत्मसात करून राष्ट्रप्रेम, सामाजिक बांधिलकी आणि कर्तव्यनिष्ठा जोपासावी. कार्यक्रमाचे सूत्रसंचालन प्रा.विजय देशमुख यांनी केले. कार्यक्रमास सर्व प्राध्यापक,शिक्षक, शिक्षिका तसेच कर्मचारी वृंद व विद्यार्थी मोठ्या संख्येने उपस्थित होते.