दहावीचा निकाल जाहीर झाल्यानंतर अनेक विद्यार्थ्यांना अद्याप मूळ गुणपत्रक आणि शाळा सोडल्याचा दाखला प्राप्त झालेला नाही. यामुळे अकरावी प्रवेश प्रक्रियेत कोणताही अडथळा निर्माण होऊ नये यासाठी, प्रवेश निश्चित करताना ही कागदपत्रे तात्काळ सादर करण्याची सक्ती न करण्याचे महत्त्वपूर्ण निर्देश शिक्षण विभागाने दिले आहेत. शालेय शिक्षण मंत्री दादाजी भुसे यांच्या मार्गदर्शनाखाली विभागाने अकरावी ऑनलाइन प्रवेश प्रक्रियेत सहभागी विद्यार्थ्यांना दिलासा देण्यासाठी हा निर्णय घेतला आहे. या संदर्भात, शिक्षण संचालक (माध्यमिक व उच्च माध्यमिक) यांनी सर्व विभागीय शिक्षण उपसंचालक, शिक्षणाधिकारी (माध्यमिक) आणि कनिष्ठ महाविद्यालयांना सूचना जारी केल्या आहेत. सन २०२६-२७ च्या अकरावी ऑनलाइन प्रवेश प्रक्रियेअंतर्गत नियमित फेरी क्रमांक १ सध्या सुरू असून, त्याची गुणवत्ता यादी २९ मे २०२६ रोजी जाहीर करण्यात आली आहे. ज्या विद्यार्थ्यांना संबंधित कागदपत्रे अद्याप प्राप्त झालेली नाहीत, त्यांच्याकडून गुणपत्रक व शाळा सोडल्याचा दाखला उपलब्ध होताच सादर करण्यात येईल, असे हमीपत्र घेऊन प्रवेश निश्चित करता येणार आहे. विशेष म्हणजे, आधार व्हेरिफाइड विद्यार्थ्यांच्या गुणपत्रिका डिजीलॉकरमध्ये उपलब्ध करून देण्यात आल्या आहेत. शिक्षण विभागाने विद्यार्थी आणि पालकांना याची जाणीव करून देण्यासही सांगितले आहे की, गुणपत्रक आणि शाळा सोडल्याचा दाखला निर्धारित कालावधीत सादर न केल्यास संबंधित विद्यार्थ्यांचा प्रवेश रद्द केला जाऊ शकतो.

EXPRESS NEWS

Press advisory Miraj, Sangli•

2 hrs ago

दहावीचा निकाल जाहीर झाल्यानंतर अनेक विद्यार्थ्यांना अद्याप मूळ गुणपत्रक आणि शाळा सोडल्याचा दाखला प्राप्त झालेला नाही. यामुळे अकरावी प्रवेश प्रक्रियेत कोणताही अडथळा निर्माण होऊ नये यासाठी, प्रवेश निश्चित करताना ही कागदपत्रे तात्काळ सादर करण्याची सक्ती न करण्याचे महत्त्वपूर्ण निर्देश शिक्षण विभागाने दिले आहेत. शालेय शिक्षण मंत्री दादाजी भुसे यांच्या मार्गदर्शनाखाली विभागाने अकरावी ऑनलाइन प्रवेश प्रक्रियेत सहभागी विद्यार्थ्यांना दिलासा देण्यासाठी हा निर्णय घेतला आहे. या संदर्भात, शिक्षण संचालक (माध्यमिक व उच्च माध्यमिक) यांनी सर्व विभागीय शिक्षण उपसंचालक, शिक्षणाधिकारी (माध्यमिक) आणि कनिष्ठ महाविद्यालयांना सूचना जारी केल्या आहेत. सन २०२६-२७ च्या अकरावी ऑनलाइन प्रवेश प्रक्रियेअंतर्गत नियमित फेरी क्रमांक १ सध्या सुरू असून, त्याची गुणवत्ता यादी २९ मे २०२६ रोजी जाहीर करण्यात आली आहे. ज्या विद्यार्थ्यांना संबंधित कागदपत्रे अद्याप प्राप्त झालेली नाहीत, त्यांच्याकडून गुणपत्रक व शाळा सोडल्याचा दाखला उपलब्ध होताच सादर करण्यात येईल, असे हमीपत्र घेऊन प्रवेश निश्चित करता येणार आहे. विशेष म्हणजे, आधार व्हेरिफाइड विद्यार्थ्यांच्या गुणपत्रिका डिजीलॉकरमध्ये उपलब्ध करून देण्यात आल्या आहेत. शिक्षण विभागाने विद्यार्थी आणि पालकांना याची जाणीव करून देण्यासही सांगितले आहे की, गुणपत्रक आणि शाळा सोडल्याचा दाखला निर्धारित कालावधीत सादर न केल्यास संबंधित विद्यार्थ्यांचा प्रवेश रद्द केला जाऊ शकतो.