રાજ્યના સરહદી અને નવ-નિર્મિત જિલ્લા મથક થરાદ શહેરમાં, સર્કિટ હાઉસ નજીક આઈકોનિક રોડ પર ૧૨મા આંતરરાષ્ટ્રીય યોગ દિવસની જિલ્લા કક્ષાની ભવ્ય અને અભૂતપૂર્વ ઉજવણી કરવામાં આવી હતી. ગુજરાત વિધાનસભાના અધ્યક્ષશ્રી શંકરભાઈ ચૌધરીના અધ્યક્ષસ્થાને યોજાયેલા આ કાર્યક્રમમાં થરાદ વિસ્તારના હજારો નાગરિકો, વિદ્યાર્થીઓ, યુવાનો અને વડીલોએ વહેલી સવારે ઉત્સાહભેર ભાગ લીધો હતો. આ સામૂહિક યોગાભ્યાસનું સફળ આયોજન રાજ્ય સરકારના રમતગમત, યુવા અને સાંસ્કૃતિક પ્રવૃત્તિઓ વિભાગ, ગુજરાત રાજ્ય યોગ બોર્ડ તેમજ જિલ્લા વહીવટી તંત્ર વાવ-થરાદના સંયુક્ત ઉપક્રમે "Yoga for Healthy Ageing" (સ્વસ્થ જીવન માટે યોગ) થીમ અંતર્ગત થયું હતું. આ પ્રસંગે અધ્યક્ષ શ્રી શંકરભાઈ ચૌધરીએ સ્વયં ખૂબ જ સરળ શૈલીમાં 'ૐ કાર મંત્ર'નું ઉચ્ચારણ અને તેના વૈજ્ઞાનિક મહત્વની સમજ આપી મંત્ર શીખવ્યા હતા. ઉજવણીની ખાસ વિશેષતા એ રહી કે, ઉપસ્થિત હજારો નાગરિકોએ થરાદના 'T' (Tharad) અક્ષરના આકારમાં સુવ્યવસ્થિત બેઠક વ્યવસ્થા જાળવીને યોગ કર્યા, જે સમગ્ર વિસ્તાર માટે ગૌરવપૂર્ણ આકર્ષણનું કેન્દ્ર બન્યું. વિધાનસભાના અધ્યક્ષશ્રી શંકરભાઈ ચૌધરીએ આ પ્રસંગે આનંદ વ્યક્ત કરતા જણાવ્યું હતું કે, દેશના સીમાવર્તી ડિસ્ટ્રિક્ટ એવા થરાદના આંગણે આંતરરાષ્ટ્રીય યોગ દિવસની ભવ્ય ઉજવણી થઈ રહી છે અને નવા જિલ્લાના નિર્માણ પછી પ્રથમવાર હજારોની સંખ્યામાં નગરજનો અને જિલ્લાવાસીઓ ઉત્સાહપૂર્વક જોડાયા છે. તેમણે વડાપ્રધાનશ્રી નરેન્દ્રભાઈ મોદીના પ્રયાસોની સરાહના કરતા ઉમેર્યું હતું કે, પ્રધાનમંત્રીએ યોગને વૈશ્વિક કક્ષાએ લઈ જઈને 'વિશ્વની ધરોહર યોગ છે' તે વાત વિશ્વ સમક્ષ સચોટ રીતે મૂકી છે. યુનાઈટેડ નેશન્સ (UN) દ્વારા પણ તેનો સહર્ષ સ્વીકાર કરાતા યોગ આજે પૂરા વિશ્વમાં જન-જન સુધી પહોંચ્યો છે અને લોકોના જીવનનો અભિન્ન ભાગ બની ગયો છે. આ જિલ્લા કક્ષાના કાર્યક્રમમાં જિલ્લા વિકાસ અધિકારીશ્રી કલ્પેશકુમાર શર્મા, જિલ્લા પોલીસ અધિક્ષક શ્રી ચિંતન તેરૈયા, નિવાસી અધિક જિલ્લા કલેક્ટરશ્રી તુષાર જાની, અગ્રણી શ્રી નરેશજી ઠાકોર, સ્થાનિક વહીવટી તંત્રના ઉચ્ચ અધિકારીઓ, સામાજિક અને રાજકીય ક્ષેત્રના અગ્રણીઓ તેમજ મોટી સંખ્યામાં સ્થાનિક આગેવાનો અને નગરજનો ઉપસ્થિત રહ્યા હતા.

સોમાભાઈ. જે. રાવળ

ભાભર, બનાસકાંઠા, ગુજરાત•

4 hrs ago

રાજ્યના સરહદી અને નવ-નિર્મિત જિલ્લા મથક થરાદ શહેરમાં, સર્કિટ હાઉસ નજીક આઈકોનિક રોડ પર ૧૨મા આંતરરાષ્ટ્રીય યોગ દિવસની જિલ્લા કક્ષાની ભવ્ય અને અભૂતપૂર્વ ઉજવણી કરવામાં આવી હતી. ગુજરાત વિધાનસભાના અધ્યક્ષશ્રી શંકરભાઈ ચૌધરીના અધ્યક્ષસ્થાને યોજાયેલા આ કાર્યક્રમમાં થરાદ વિસ્તારના હજારો નાગરિકો, વિદ્યાર્થીઓ, યુવાનો અને વડીલોએ વહેલી સવારે ઉત્સાહભેર ભાગ લીધો હતો. આ સામૂહિક યોગાભ્યાસનું સફળ આયોજન રાજ્ય સરકારના રમતગમત, યુવા અને સાંસ્કૃતિક પ્રવૃત્તિઓ વિભાગ, ગુજરાત રાજ્ય યોગ બોર્ડ તેમજ જિલ્લા વહીવટી તંત્ર વાવ-થરાદના સંયુક્ત ઉપક્રમે "Yoga for Healthy Ageing" (સ્વસ્થ જીવન માટે યોગ) થીમ અંતર્ગત થયું હતું. આ પ્રસંગે અધ્યક્ષ શ્રી શંકરભાઈ ચૌધરીએ સ્વયં ખૂબ જ સરળ શૈલીમાં 'ૐ કાર મંત્ર'નું ઉચ્ચારણ અને તેના વૈજ્ઞાનિક મહત્વની સમજ આપી મંત્ર શીખવ્યા હતા. ઉજવણીની ખાસ વિશેષતા એ રહી કે, ઉપસ્થિત હજારો નાગરિકોએ થરાદના 'T' (Tharad) અક્ષરના આકારમાં સુવ્યવસ્થિત બેઠક વ્યવસ્થા જાળવીને યોગ કર્યા, જે સમગ્ર વિસ્તાર માટે ગૌરવપૂર્ણ આકર્ષણનું કેન્દ્ર બન્યું. વિધાનસભાના અધ્યક્ષશ્રી શંકરભાઈ ચૌધરીએ આ પ્રસંગે આનંદ વ્યક્ત કરતા જણાવ્યું હતું કે, દેશના સીમાવર્તી ડિસ્ટ્રિક્ટ એવા થરાદના આંગણે આંતરરાષ્ટ્રીય યોગ દિવસની ભવ્ય ઉજવણી થઈ રહી છે અને નવા જિલ્લાના નિર્માણ પછી પ્રથમવાર હજારોની સંખ્યામાં નગરજનો અને જિલ્લાવાસીઓ ઉત્સાહપૂર્વક જોડાયા છે. તેમણે વડાપ્રધાનશ્રી નરેન્દ્રભાઈ મોદીના પ્રયાસોની સરાહના કરતા ઉમેર્યું હતું કે, પ્રધાનમંત્રીએ યોગને વૈશ્વિક કક્ષાએ લઈ જઈને 'વિશ્વની ધરોહર યોગ છે' તે વાત વિશ્વ સમક્ષ સચોટ રીતે મૂકી છે. યુનાઈટેડ નેશન્સ (UN) દ્વારા પણ તેનો સહર્ષ સ્વીકાર કરાતા યોગ આજે પૂરા વિશ્વમાં જન-જન સુધી પહોંચ્યો છે અને લોકોના જીવનનો અભિન્ન ભાગ બની ગયો છે. આ જિલ્લા કક્ષાના કાર્યક્રમમાં જિલ્લા વિકાસ અધિકારીશ્રી કલ્પેશકુમાર શર્મા, જિલ્લા પોલીસ અધિક્ષક શ્રી ચિંતન તેરૈયા, નિવાસી અધિક જિલ્લા કલેક્ટરશ્રી તુષાર જાની, અગ્રણી શ્રી નરેશજી ઠાકોર, સ્થાનિક વહીવટી તંત્રના ઉચ્ચ અધિકારીઓ, સામાજિક અને રાજકીય ક્ષેત્રના અગ્રણીઓ તેમજ મોટી સંખ્યામાં સ્થાનિક આગેવાનો અને નગરજનો ઉપસ્થિત રહ્યા હતા.