ഇടുക്കി ജില്ലയിലെ ഏലത്തോട്ടങ്ങളിൽ മഴ ശക്തമായതോടെ അപകടാവസ്ഥയിലുള്ള മരങ്ങൾ തൊഴിലാളികൾക്ക് കടുത്ത ഭീഷണിയാകുന്നു. കഴിഞ്ഞ ദിവസം ചക്കുപള്ളത്തെ ഏലത്തോട്ടത്തിൽ ജോലിക്കിടെ മരം ഒടിഞ്ഞുവീണ് തമിഴ്‌നാട്ടിലെ ഗൂഡല്ലൂർ സ്വദേശിനിയായ തൊഴിലാളി സ്ത്രീ മരിച്ചിരുന്നു. തണലിനായി ഏലത്തോട്ടങ്ങളിൽ വെച്ചുപിടിപ്പിക്കുന്ന മരങ്ങളുടെ ചില്ലകൾ മഴയ്ക്ക് മുൻപ് മുറിച്ചുമാറ്റാത്തതാണ് പലപ്പോഴും അപകടങ്ങൾക്ക് കാരണമാകുന്നത്. മുൻ വർഷങ്ങളിലും ജില്ലയിലെ വിവിധ തോട്ടങ്ങളിൽ സമാനമായ രീതിയിൽ മരം വീണ് തൊഴിലാളികൾ മരണപ്പെട്ടിട്ടുണ്ട്. വലിയ തോട്ടങ്ങളിലുൾപ്പെടെയുള്ള മരങ്ങളിൽ പലതും പതിറ്റാണ്ടുകൾ പഴക്കമുള്ളവയാണ്. കാറ്റും മഴയും ശക്തമാകുമ്പോൾ ഇവ ഒടിഞ്ഞുവീഴുന്നതും കടപുഴകുന്നതും പതിവാണ്. നിലവിൽ ഏലത്തോട്ടങ്ങളിൽ വിളവെടുപ്പ് കാലമായതിനാൽ തമിഴ്‌നാട്ടിൽ നിന്നുള്ള ധാരാളം സ്ത്രീ തൊഴിലാളികളാണ് ഇവിടെ ജോലിക്കെത്തുന്നത്. ഇവരിൽ വലിയൊരു പങ്കും 50 വയസ്സിന് മുകളിലുള്ളവരാണ്. തോട്ടങ്ങളിലെ കടുത്ത കുത്തിറക്കവും ചെളിയും കാരണം അപകടമുണ്ടാകുന്ന സമയത്ത് ഇവർക്ക് ഓടി രക്ഷപ്പെടാൻ പോലും സാധിക്കാറില്ല. ചക്കുപള്ളത്തുണ്ടായ അപകടത്തിൽ മരം തലയിലേക്ക് വീണ സ്ത്രീയെ ഒപ്പമുണ്ടായിരുന്നവർ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. ഇതോടൊപ്പം റോഡരികിലെ തോട്ടങ്ങളിൽ നിന്ന് റോഡിലേക്ക് നീണ്ടുനിൽക്കുന്ന നിരവധി മരങ്ങളും വലിയ അപകടഭീഷണിയാണ് ഉയർത്തുന്നത്.

Peermade live

Local News Reporter പീരുമേട്, ഇടുക്കി, കേരളം•

1 hr ago

ഇടുക്കി ജില്ലയിലെ ഏലത്തോട്ടങ്ങളിൽ മഴ ശക്തമായതോടെ അപകടാവസ്ഥയിലുള്ള മരങ്ങൾ തൊഴിലാളികൾക്ക് കടുത്ത ഭീഷണിയാകുന്നു. കഴിഞ്ഞ ദിവസം ചക്കുപള്ളത്തെ ഏലത്തോട്ടത്തിൽ ജോലിക്കിടെ മരം ഒടിഞ്ഞുവീണ് തമിഴ്‌നാട്ടിലെ ഗൂഡല്ലൂർ സ്വദേശിനിയായ തൊഴിലാളി സ്ത്രീ മരിച്ചിരുന്നു. തണലിനായി ഏലത്തോട്ടങ്ങളിൽ വെച്ചുപിടിപ്പിക്കുന്ന മരങ്ങളുടെ ചില്ലകൾ മഴയ്ക്ക് മുൻപ് മുറിച്ചുമാറ്റാത്തതാണ് പലപ്പോഴും അപകടങ്ങൾക്ക് കാരണമാകുന്നത്. മുൻ വർഷങ്ങളിലും ജില്ലയിലെ വിവിധ തോട്ടങ്ങളിൽ സമാനമായ രീതിയിൽ മരം വീണ് തൊഴിലാളികൾ മരണപ്പെട്ടിട്ടുണ്ട്. വലിയ തോട്ടങ്ങളിലുൾപ്പെടെയുള്ള മരങ്ങളിൽ പലതും പതിറ്റാണ്ടുകൾ പഴക്കമുള്ളവയാണ്. കാറ്റും മഴയും ശക്തമാകുമ്പോൾ ഇവ ഒടിഞ്ഞുവീഴുന്നതും കടപുഴകുന്നതും പതിവാണ്. നിലവിൽ ഏലത്തോട്ടങ്ങളിൽ വിളവെടുപ്പ് കാലമായതിനാൽ തമിഴ്‌നാട്ടിൽ നിന്നുള്ള ധാരാളം സ്ത്രീ തൊഴിലാളികളാണ് ഇവിടെ ജോലിക്കെത്തുന്നത്. ഇവരിൽ വലിയൊരു പങ്കും 50 വയസ്സിന് മുകളിലുള്ളവരാണ്. തോട്ടങ്ങളിലെ കടുത്ത കുത്തിറക്കവും ചെളിയും കാരണം അപകടമുണ്ടാകുന്ന സമയത്ത് ഇവർക്ക് ഓടി രക്ഷപ്പെടാൻ പോലും സാധിക്കാറില്ല. ചക്കുപള്ളത്തുണ്ടായ അപകടത്തിൽ മരം തലയിലേക്ക് വീണ സ്ത്രീയെ ഒപ്പമുണ്ടായിരുന്നവർ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. ഇതോടൊപ്പം റോഡരികിലെ തോട്ടങ്ങളിൽ നിന്ന് റോഡിലേക്ക് നീണ്ടുനിൽക്കുന്ന നിരവധി മരങ്ങളും വലിയ അപകടഭീഷണിയാണ് ഉയർത്തുന്നത്.