लातूर जिल्ह्यातील उदगीर-जळकोट मतदारसंघातील शेतकरी खरीप 2025-26 मध्ये झालेल्या अतोनात नुकसानीमुळे अक्षरशः उद्ध्वस्त झाला असून, अद्याप त्यांना पीक विमा मंजूर झालेला नाही. 13 मे रोजी विमा कंपनीसोबत मंत्रालयात बैठक झाल्याचे सांगितले जात असले तरी, त्या बैठकीत शेतकऱ्यांसाठी नेमका काय निर्णय झाला, हे जनतेसमोर स्पष्ट केले जात नसल्याने फक्त फोटोसेशन आणि आश्वासनांचा बाजार मांडल्याचा आरोप होत आहे. मतदारसंघाचे भाग्यविधाते म्हणवून घेणाऱ्या नेत्यांनी आता जनतेसमोर येऊन स्पष्ट उत्तर द्यावे, अशी मागणी होत आहे. “विमा मंजूर केल्याशिवाय शांत बसणार नाही” असे म्हणणारे आमदार साहेब आता शांत का आहेत, असा सवाल विचारला जात आहे. शेतकरी कर्जात बुडून आत्महत्येच्या उंबरठ्यावर पोहोचला असताना, नेते केवळ बैठका आणि भाषणांमध्ये व्यस्त असल्याची टीका करण्यात आली आहे. शेतकऱ्यांच्या जखमेवर मीठ चोळणे आणि त्यांच्या तोंडाला पाने पुसून मतांचे राजकारण करणे थांबवावे, असे आवाहन करण्यात आले आहे. ज्या शेतकऱ्यांच्या जीवावर सत्ता मिळवली, त्याच शेतकऱ्यांना आज वाऱ्यावर सोडले जात असल्याची ही अत्यंत लाजिरवाणी बाब असल्याचे म्हटले आहे. आज शेतकरी भीक नव्हे, तर न्याय मागत आहे. विमा कंपनी आणि प्रशासनाला तात्काळ धारेवर धरून पीक विमा मंजूर करण्याची मागणी करण्यात आली आहे. अन्यथा, संतप्त शेतकरी रस्त्यावर उतरल्यास त्याच्या रोषाला कोण जबाबदार असेल, असा इशारा देण्यात आला आहे. गावागावात शेतकऱ्यांचा आक्रोश वाढत असून, वेळेत निर्णय न झाल्यास जनतेचा उद्रेक थांबवणे कोणालाही शक्य होणार नाही, असे म्हटले आहे. वेळ अजून गेलेली नाही, त्यामुळे शेतकऱ्यांच्या संयमाचा अंत न पाहता तात्काळ पीक विमा मंजूर करून शेतकऱ्यांना न्याय द्यावा, अशी मागणी भाजप तालुका सरचिटणीस जळकोट गोविंद तिर्थे पाटील यांनी केली आहे.

Govind Tirthe

जळकोट, लातूर, महाराष्ट्र•

2 hrs ago

लातूर जिल्ह्यातील उदगीर-जळकोट मतदारसंघातील शेतकरी खरीप 2025-26 मध्ये झालेल्या अतोनात नुकसानीमुळे अक्षरशः उद्ध्वस्त झाला असून, अद्याप त्यांना पीक विमा मंजूर झालेला नाही. 13 मे रोजी विमा कंपनीसोबत मंत्रालयात बैठक झाल्याचे सांगितले जात असले तरी, त्या बैठकीत शेतकऱ्यांसाठी नेमका काय निर्णय झाला, हे जनतेसमोर स्पष्ट केले जात नसल्याने फक्त फोटोसेशन आणि आश्वासनांचा बाजार मांडल्याचा आरोप होत आहे. मतदारसंघाचे भाग्यविधाते म्हणवून घेणाऱ्या नेत्यांनी आता जनतेसमोर येऊन स्पष्ट उत्तर द्यावे, अशी मागणी होत आहे. “विमा मंजूर केल्याशिवाय शांत बसणार नाही” असे म्हणणारे आमदार साहेब आता शांत का आहेत, असा सवाल विचारला जात आहे. शेतकरी कर्जात बुडून आत्महत्येच्या उंबरठ्यावर पोहोचला असताना, नेते केवळ बैठका आणि भाषणांमध्ये व्यस्त असल्याची टीका करण्यात आली आहे. शेतकऱ्यांच्या जखमेवर मीठ चोळणे आणि त्यांच्या तोंडाला पाने पुसून मतांचे राजकारण करणे थांबवावे, असे आवाहन करण्यात आले आहे. ज्या शेतकऱ्यांच्या जीवावर सत्ता मिळवली, त्याच शेतकऱ्यांना आज वाऱ्यावर सोडले जात असल्याची ही अत्यंत लाजिरवाणी बाब असल्याचे म्हटले आहे. आज शेतकरी भीक नव्हे, तर न्याय मागत आहे. विमा कंपनी आणि प्रशासनाला तात्काळ धारेवर धरून पीक विमा मंजूर करण्याची मागणी करण्यात आली आहे. अन्यथा, संतप्त शेतकरी रस्त्यावर उतरल्यास त्याच्या रोषाला कोण जबाबदार असेल, असा इशारा देण्यात आला आहे. गावागावात शेतकऱ्यांचा आक्रोश वाढत असून, वेळेत निर्णय न झाल्यास जनतेचा उद्रेक थांबवणे कोणालाही शक्य होणार नाही, असे म्हटले आहे. वेळ अजून गेलेली नाही, त्यामुळे शेतकऱ्यांच्या संयमाचा अंत न पाहता तात्काळ पीक विमा मंजूर करून शेतकऱ्यांना न्याय द्यावा, अशी मागणी भाजप तालुका सरचिटणीस जळकोट गोविंद तिर्थे पाटील यांनी केली आहे.