🚨 45 लाखांची लाच घेणाऱ्या अधिकारी श्रीनिवास लखमावाड यांना चार दिवसांची पोलीस कोठडी 🚨 45 लाखांची लाच घेणाऱ्या अधिकारी श्रीनिवास लखमावाड यांना चार दिवसांची पोलीस कोठडी वृक्षलागवडीची बिले मंजूर करणे, वेतनवाढ व निलंबन मागे घेण्यासाठी मागितली होती तब्बल ४५ लाखांची लाच; एसीबीच्या धडक कारवाईने खळबळ बीड | प्रतिनिधी बीड येथे ४५ लाख रुपयांची लाच स्वीकारताना लाचलुचपत प्रतिबंधक विभागाच्या (ACB) जाळ्यात अडकलेले सामाजिक वनीकरण विभागाचे विभागीय वन अधिकारी (DFO) श्रीनिवास लखमावाड यांना न्यायालयाने चार दिवसांची पोलीस कोठडी सुनावली आहे. या कारवाईमुळे राज्यातील प्रशासकीय वर्तुळात मोठी खळबळ उडाली आहे. माहितीनुसार, पालकमंत्री सुनेत्रा पवार यांच्या उपस्थितीत जिल्हा नियोजन समितीची बैठक आटोपल्यानंतर श्रीनिवास लखमावाड हे कॅनॉल रोडवरील नगर नाका येथील निवासस्थानी पोहोचले. त्याचवेळी एसीबीच्या पथकाने सापळा रचून त्यांना ४५ लाख रुपयांची लाच स्वीकारताना रंगेहात पकडले. लाचेची रक्कम मोठी असल्याने एसीबीने विशेष रणनीती आखली होती. त्यामध्ये ५ लाख रुपयांच्या खऱ्या नोटा आणि ४० लाख रुपयांच्या डमी (मनोरंजन बँक) नोटांचा वापर करून कारवाई करण्यात आली. तपासात समोर आलेल्या माहितीनुसार, एका वनपरिक्षेत्र अधिकाऱ्याची (RFO) वृक्षलागवडीची रखडलेली बिले मंजूर करणे, प्रलंबित दोन वेतनवाढी मंजूर करणे तसेच निलंबनाची कारवाई मागे घेण्यासाठी लखमावाड यांनी संबंधित निधीच्या १२ टक्के म्हणजेच ४५ लाख रुपयांची लाच मागितली होती. विशेष म्हणजे, श्रीनिवास लखमावाड यांनी २०१६ च्या महाराष्ट्र वनसेवा (MPSC) परीक्षेत अनुसूचित जमाती (ST) प्रवर्गातून राज्यात प्रथम क्रमांक मिळवला होता. त्यामुळे या प्रकरणाची राज्यभर चर्चा सुरू झाली आहे. छत्रपती संभाजीनगर एसीबीच्या पोलीस अधीक्षक माधुरी केदार-कांगणे यांच्या मार्गदर्शनाखाली ही कारवाई करण्यात आली. बीडच्या शिवाजीनगर पोलीस ठाण्यात गुन्हा दाखल करण्यात आला असून आरोपीच्या बीड व नांदेड येथील निवासस्थानांची झडती घेण्यात आली आहे. न्यायालयाने सखोल तपासासाठी आरोपीला चार दिवसांची पोलीस कोठडी सुनावली असून एसीबीकडून पुढील तपास सुरू आहे.

पत्रकार ओमप्रकाश उढाण

घनसावंगी, जालना, महाराष्ट्र•

5 hrs ago

🚨 45 लाखांची लाच घेणाऱ्या अधिकारी श्रीनिवास लखमावाड यांना चार दिवसांची पोलीस कोठडी 🚨 45 लाखांची लाच घेणाऱ्या अधिकारी श्रीनिवास लखमावाड यांना चार दिवसांची पोलीस कोठडी वृक्षलागवडीची बिले मंजूर करणे, वेतनवाढ व निलंबन मागे घेण्यासाठी मागितली होती तब्बल ४५ लाखांची लाच; एसीबीच्या धडक कारवाईने खळबळ बीड | प्रतिनिधी बीड येथे ४५ लाख रुपयांची लाच स्वीकारताना लाचलुचपत प्रतिबंधक विभागाच्या (ACB) जाळ्यात अडकलेले सामाजिक वनीकरण विभागाचे विभागीय वन अधिकारी (DFO) श्रीनिवास लखमावाड यांना न्यायालयाने चार दिवसांची पोलीस कोठडी सुनावली आहे. या कारवाईमुळे राज्यातील प्रशासकीय वर्तुळात मोठी खळबळ उडाली आहे. माहितीनुसार, पालकमंत्री सुनेत्रा पवार यांच्या उपस्थितीत जिल्हा नियोजन समितीची बैठक आटोपल्यानंतर श्रीनिवास लखमावाड हे कॅनॉल रोडवरील नगर नाका येथील निवासस्थानी पोहोचले. त्याचवेळी एसीबीच्या पथकाने सापळा रचून त्यांना ४५ लाख रुपयांची लाच स्वीकारताना रंगेहात पकडले. लाचेची रक्कम मोठी असल्याने एसीबीने विशेष रणनीती आखली होती. त्यामध्ये ५ लाख रुपयांच्या खऱ्या नोटा आणि ४० लाख रुपयांच्या डमी (मनोरंजन बँक) नोटांचा वापर करून कारवाई करण्यात आली. तपासात समोर आलेल्या माहितीनुसार, एका वनपरिक्षेत्र अधिकाऱ्याची (RFO) वृक्षलागवडीची रखडलेली बिले मंजूर करणे, प्रलंबित दोन वेतनवाढी मंजूर करणे तसेच निलंबनाची कारवाई मागे घेण्यासाठी लखमावाड यांनी संबंधित निधीच्या १२ टक्के म्हणजेच ४५ लाख रुपयांची लाच मागितली होती. विशेष म्हणजे, श्रीनिवास लखमावाड यांनी २०१६ च्या महाराष्ट्र वनसेवा (MPSC) परीक्षेत अनुसूचित जमाती (ST) प्रवर्गातून राज्यात प्रथम क्रमांक मिळवला होता. त्यामुळे या प्रकरणाची राज्यभर चर्चा सुरू झाली आहे. छत्रपती संभाजीनगर एसीबीच्या पोलीस अधीक्षक माधुरी केदार-कांगणे यांच्या मार्गदर्शनाखाली ही कारवाई करण्यात आली. बीडच्या शिवाजीनगर पोलीस ठाण्यात गुन्हा दाखल करण्यात आला असून आरोपीच्या बीड व नांदेड येथील निवासस्थानांची झडती घेण्यात आली आहे. न्यायालयाने सखोल तपासासाठी आरोपीला चार दिवसांची पोलीस कोठडी सुनावली असून एसीबीकडून पुढील तपास सुरू आहे.