विद्यार्थ्यांमध्ये बालपणापासूनच वाचनाची आवड निर्माण व्हावी, त्यांचा भाषिक विकास व्हावा आणि एक ज्ञानसंपन्न पिढी घडावी, या उदात्त हेतूने तळोदा येथे एक अनोखा उपक्रम राबवण्यात आला. ग्रामपंचायत अधिकारी हर्षल नानाभाऊ सोनवणे आणि त्यांच्या पत्नी प्रियंका हर्षल सोनवणे यांनी सामाजिक बांधिलकी जपत, तळोदा पंचायत समिती अंतर्गत येणाऱ्या ४८ जिल्हा परिषद शाळांमधील इयत्ता पहिलीच्या विद्यार्थ्यांना १००० सचित्र ‘बालमित्र’ पुस्तके मोफत वाटली आहेत. हा व्यापक पुस्तक वाटप उपक्रम तळोदा तालुक्यातील तळवे, मोड, बोरद आणि मोदलपाडा या चार प्रमुख केंद्रांतील शाळांमध्ये राबवण्यात आला. गटशिक्षणाधिकारी शेखर धनगर यांनी या उपक्रमासाठी मार्गदर्शन केले, तर विस्ताराधिकारी शिक्षण वसंत जाधव यांची प्रमुख उपस्थिती होती. उपस्थित मान्यवरांनी बालवयात वाचनाची आवड लागल्यास विद्यार्थ्यांच्या बौद्धिक, भाषिक आणि व्यक्तिमत्त्व विकासाला मोठी चालना मिळते आणि समाजाने असे उपक्रम राबवल्यास ज्ञानसमृद्ध समाज निर्माण होईल, असे मत व्यक्त केले. या उपक्रमाला हर्षल सोनवणे यांच्या युवा सहकाऱ्यांनी, ज्यात तृषाल नानाभाऊ सोनवणे, मंदार राजेंद्र सोनवणे, कौशल अशोक खोंडे, ऋषिकेश भालचंद्र मंडलिक, विशाल वारुळे, उदय साळवे आणि चेतन शिंदे यांचा समावेश होता, विशेष परिश्रम घेतले. तसेच, तळवे, मोड, बोरद आणि मोदलपाडा केंद्रांतील सर्व केंद्रप्रमुख, मुख्याध्यापक आणि शिक्षकांनीही कार्यक्रमाच्या यशस्वी आयोजनासाठी मोलाचे सहकार्य केले. या उपक्रमामुळे ग्रामीण भागातील इयत्ता पहिलीच्या चिमुकड्यांना दर्जेदार आणि रंगीबेरंगी सचित्र वाचन साहित्य उपलब्ध झाले असून, त्यांच्या शैक्षणिक प्रगतीला मोठी गती मिळेल. हर्षल सोनवणे व त्यांच्या कुटुंबीयांनी राबवलेल्या या अनोख्या आणि आदर्श उपक्रमाचे सर्व स्तरांतून भरभरून कौतुक होत आहे.

Sapta nagari News

Talode, Nandurbar•

1 hr ago

विद्यार्थ्यांमध्ये बालपणापासूनच वाचनाची आवड निर्माण व्हावी, त्यांचा भाषिक विकास व्हावा आणि एक ज्ञानसंपन्न पिढी घडावी, या उदात्त हेतूने तळोदा येथे एक अनोखा उपक्रम राबवण्यात आला. ग्रामपंचायत अधिकारी हर्षल नानाभाऊ सोनवणे आणि त्यांच्या पत्नी प्रियंका हर्षल सोनवणे यांनी सामाजिक बांधिलकी जपत, तळोदा पंचायत समिती अंतर्गत येणाऱ्या ४८ जिल्हा परिषद शाळांमधील इयत्ता पहिलीच्या विद्यार्थ्यांना १००० सचित्र ‘बालमित्र’ पुस्तके मोफत वाटली आहेत. हा व्यापक पुस्तक वाटप उपक्रम तळोदा तालुक्यातील तळवे, मोड, बोरद आणि मोदलपाडा या चार प्रमुख केंद्रांतील शाळांमध्ये राबवण्यात आला. गटशिक्षणाधिकारी शेखर धनगर यांनी या उपक्रमासाठी मार्गदर्शन केले, तर विस्ताराधिकारी शिक्षण वसंत जाधव यांची प्रमुख उपस्थिती होती. उपस्थित मान्यवरांनी बालवयात वाचनाची आवड लागल्यास विद्यार्थ्यांच्या बौद्धिक, भाषिक आणि व्यक्तिमत्त्व विकासाला मोठी चालना मिळते आणि समाजाने असे उपक्रम राबवल्यास ज्ञानसमृद्ध समाज निर्माण होईल, असे मत व्यक्त केले. या उपक्रमाला हर्षल सोनवणे यांच्या युवा सहकाऱ्यांनी, ज्यात तृषाल नानाभाऊ सोनवणे, मंदार राजेंद्र सोनवणे, कौशल अशोक खोंडे, ऋषिकेश भालचंद्र मंडलिक, विशाल वारुळे, उदय साळवे आणि चेतन शिंदे यांचा समावेश होता, विशेष परिश्रम घेतले. तसेच, तळवे, मोड, बोरद आणि मोदलपाडा केंद्रांतील सर्व केंद्रप्रमुख, मुख्याध्यापक आणि शिक्षकांनीही कार्यक्रमाच्या यशस्वी आयोजनासाठी मोलाचे सहकार्य केले. या उपक्रमामुळे ग्रामीण भागातील इयत्ता पहिलीच्या चिमुकड्यांना दर्जेदार आणि रंगीबेरंगी सचित्र वाचन साहित्य उपलब्ध झाले असून, त्यांच्या शैक्षणिक प्रगतीला मोठी गती मिळेल. हर्षल सोनवणे व त्यांच्या कुटुंबीयांनी राबवलेल्या या अनोख्या आणि आदर्श उपक्रमाचे सर्व स्तरांतून भरभरून कौतुक होत आहे.