महात्मा फुले कृषी विद्यापीठ, राहुरी संलग्न कृषी महाविद्यालय बाभूळगाव येथील कृषिदूत विद्यार्थ्यांनी नगरसूल गावातील शेतकऱ्यांशी संवाद साधून शेतीसंदर्भात विविध माहिती दिली. ग्रामीण जागरूकता कार्यानुभव कार्यक्रमांतर्गत सहभागी ग्रामीण मूल्यांकन हा उपक्रम या विद्यार्थ्यांनी नगरसूल गावात राबवला. या उपक्रमादरम्यान विद्यार्थ्यांनी गावाचा सविस्तर नकाशा तयार करत थेट ग्रामस्थांशी संवाद साधला. या विद्यार्थ्यांनी गावातील नैसर्गिक साधनसंपत्ती, लोकसंख्या, साक्षरता, दळणवळणाची साधने, शेती पद्धती आणि रोजगार यांसारख्या विषयांवर चर्चा करून महत्त्वपूर्ण माहिती संकलित केली. तसेच, त्यांनी ग्रामस्थांना अनेक बाबींवर मार्गदर्शन केले. कृषिदूतांनी शेतकऱ्यांशी प्रत्यक्ष भेटीगाठी घेऊन त्यांना शेतीविषयक आधुनिक तंत्रज्ञान, नवीन शासकीय योजना आणि पारंपरिक शेतीत आधुनिकता कशी आणता येईल, याबाबत प्रात्यक्षिकांसह माहिती दिली. याशिवाय, पशुधन व्यवस्थापन, आरोग्य, आर्थिक सर्वेक्षण, गावातील समस्या आणि त्यावरील उपाययोजना यावरही सविस्तर मार्गदर्शन करण्यात आले. या उपक्रमात कृषिदूत सौरभ जाधव, हर्षल सूर्यवंशी, कल्पेश पिठे, चेतन आहेर, सुदर्शन बोळीज आणि प्रशांत बिरगाळे यांनी सक्रिय सहभाग नोंदवला. त्यांनी ग्रामपंचायत कार्यालयास भेट देऊन स्थानिक प्रशासनाशीही संवाद साधला. महाविद्यालयाचे समन्वयक डॉ. व्ही. डी. शेंडे, प्राचार्य डॉ. डी. पी. कुळधर, उपप्राचार्य एस. डी. म्हस्के तसेच कार्यक्रम अधिकारी प्रा. निकम यांनी विद्यार्थ्यांना या कार्यात मार्गदर्शन केले.

Sachin Dilip Wakhare

Reporter येवला, नाशिक, महाराष्ट्र•

1 hr ago

महात्मा फुले कृषी विद्यापीठ, राहुरी संलग्न कृषी महाविद्यालय बाभूळगाव येथील कृषिदूत विद्यार्थ्यांनी नगरसूल गावातील शेतकऱ्यांशी संवाद साधून शेतीसंदर्भात विविध माहिती दिली. ग्रामीण जागरूकता कार्यानुभव कार्यक्रमांतर्गत सहभागी ग्रामीण मूल्यांकन हा उपक्रम या विद्यार्थ्यांनी नगरसूल गावात राबवला. या उपक्रमादरम्यान विद्यार्थ्यांनी गावाचा सविस्तर नकाशा तयार करत थेट ग्रामस्थांशी संवाद साधला. या विद्यार्थ्यांनी गावातील नैसर्गिक साधनसंपत्ती, लोकसंख्या, साक्षरता, दळणवळणाची साधने, शेती पद्धती आणि रोजगार यांसारख्या विषयांवर चर्चा करून महत्त्वपूर्ण माहिती संकलित केली. तसेच, त्यांनी ग्रामस्थांना अनेक बाबींवर मार्गदर्शन केले. कृषिदूतांनी शेतकऱ्यांशी प्रत्यक्ष भेटीगाठी घेऊन त्यांना शेतीविषयक आधुनिक तंत्रज्ञान, नवीन शासकीय योजना आणि पारंपरिक शेतीत आधुनिकता कशी आणता येईल, याबाबत प्रात्यक्षिकांसह माहिती दिली. याशिवाय, पशुधन व्यवस्थापन, आरोग्य, आर्थिक सर्वेक्षण, गावातील समस्या आणि त्यावरील उपाययोजना यावरही सविस्तर मार्गदर्शन करण्यात आले. या उपक्रमात कृषिदूत सौरभ जाधव, हर्षल सूर्यवंशी, कल्पेश पिठे, चेतन आहेर, सुदर्शन बोळीज आणि प्रशांत बिरगाळे यांनी सक्रिय सहभाग नोंदवला. त्यांनी ग्रामपंचायत कार्यालयास भेट देऊन स्थानिक प्रशासनाशीही संवाद साधला. महाविद्यालयाचे समन्वयक डॉ. व्ही. डी. शेंडे, प्राचार्य डॉ. डी. पी. कुळधर, उपप्राचार्य एस. डी. म्हस्के तसेच कार्यक्रम अधिकारी प्रा. निकम यांनी विद्यार्थ्यांना या कार्यात मार्गदर्शन केले.