തിരുവനന്തപുരം വിഴിഞ്ഞം തുറമുഖത്ത് കരാർ വ്യവസ്ഥകൾക്ക് വിരുദ്ധമായി ജിഎസ്ടി ഇനത്തിൽ 85 കോടി രൂപ കൈവശപ്പെടുത്താൻ അദാനി പോർട്ട് ശ്രമിച്ചതായി ഓഡിറ്റ് റിപ്പോർട്ടിൽ കണ്ടെത്തൽ. നിർമ്മാണ പ്രവർത്തനങ്ങൾക്കായി സർക്കാർ നൽകിയ തുകയിൽ നിന്നാണ് ഈ തുക അനുവദിച്ചത്. 2023-ൽ അദാനി പോർട്ടിന്റെ അപേക്ഷയെ തുടർന്നാണ് വിഴിഞ്ഞം തുറമുഖ കമ്പനി ഈ തുക അനുവദിച്ചതെങ്കിലും, ഇത് കരാർ വ്യവസ്ഥകൾക്ക് വിരുദ്ധമാണെന്ന് സിഎജിയുടെ ഓഡിറ്റിൽ വ്യക്തമായി. ഇതിനെത്തുടർന്ന്, ദിവ്യ എസ്. അയ്യർ മാനേജിംഗ് ഡയറക്ടറായിരുന്ന സമയത്ത് വിഴിഞ്ഞം തുറമുഖ കമ്പനി ഈ തുക തിരിച്ചുപിടിക്കാനുള്ള നടപടികൾ പൂർത്തിയാക്കിയിരുന്നു. ജിഎസ്ടി തുക അനുവദിക്കണമെന്ന ആവശ്യവുമായി അദാനി പോർട്ട് സംസ്ഥാന സർക്കാരിനെ സമീപിച്ചിരുന്നുവെങ്കിലും, എംപവേർഡ് കമ്മിറ്റിയുടെ റിപ്പോർട്ടിന്റെ അടിസ്ഥാനത്തിൽ രണ്ടാം പിണറായി വിജയൻ സർക്കാർ ഈ അപേക്ഷ നിരസിച്ചു. നിർമ്മാണ പ്രവർത്തനങ്ങൾക്ക് ജിഎസ്ടി നൽകണമെന്ന ആവശ്യത്തിൽ അദാനി പോർട്ട് ഇപ്പോഴും ഉറച്ചുനിൽക്കുന്നതായാണ് വിവരം. കൂടാതെ, കരാർ വ്യവസ്ഥകൾ ലംഘിച്ചതിന് അദാനി പോർട്ട്സിന് വിഴിഞ്ഞം തുറമുഖ കമ്പനി 15 കോടി രൂപ പിഴ ചുമത്തുകയും ചെയ്തിട്ടുണ്ട്. ദിവ്യ എസ്. അയ്യർ എംഡിയായിരുന്ന കാലയളവിൽ രണ്ട് വർഷത്തിനിടെ എട്ട് തവണ കമ്പനിക്ക് കാരണം കാണിക്കൽ നോട്ടീസ് നൽകിയിരുന്നു. കരാർ പ്രകാരം ഓരോ വർഷവും സമർപ്പിക്കേണ്ട സാമ്പത്തിക അവലോകന റിപ്പോർട്ട് അദാനി പോർട്ട്സ് ഇതുവരെ നൽകിയിട്ടില്ലെന്ന് രേഖകൾ വ്യക്തമാക്കുന്നു. ഇത് സംബന്ധിച്ച് വിശദീകരണം തേടി നൽകിയ നോട്ടീസിനും കമ്പനി മറുപടി നൽകിയിട്ടില്ല.

Harikrishnan U

Local News Reporter തിരുവനന്തപുരം, തിരുവനന്തപുരം, കേരളം•

10 hrs ago

തിരുവനന്തപുരം വിഴിഞ്ഞം തുറമുഖത്ത് കരാർ വ്യവസ്ഥകൾക്ക് വിരുദ്ധമായി ജിഎസ്ടി ഇനത്തിൽ 85 കോടി രൂപ കൈവശപ്പെടുത്താൻ അദാനി പോർട്ട് ശ്രമിച്ചതായി ഓഡിറ്റ് റിപ്പോർട്ടിൽ കണ്ടെത്തൽ. നിർമ്മാണ പ്രവർത്തനങ്ങൾക്കായി സർക്കാർ നൽകിയ തുകയിൽ നിന്നാണ് ഈ തുക അനുവദിച്ചത്. 2023-ൽ അദാനി പോർട്ടിന്റെ അപേക്ഷയെ തുടർന്നാണ് വിഴിഞ്ഞം തുറമുഖ കമ്പനി ഈ തുക അനുവദിച്ചതെങ്കിലും, ഇത് കരാർ വ്യവസ്ഥകൾക്ക് വിരുദ്ധമാണെന്ന് സിഎജിയുടെ ഓഡിറ്റിൽ വ്യക്തമായി. ഇതിനെത്തുടർന്ന്, ദിവ്യ എസ്. അയ്യർ മാനേജിംഗ് ഡയറക്ടറായിരുന്ന സമയത്ത് വിഴിഞ്ഞം തുറമുഖ കമ്പനി ഈ തുക തിരിച്ചുപിടിക്കാനുള്ള നടപടികൾ പൂർത്തിയാക്കിയിരുന്നു. ജിഎസ്ടി തുക അനുവദിക്കണമെന്ന ആവശ്യവുമായി അദാനി പോർട്ട് സംസ്ഥാന സർക്കാരിനെ സമീപിച്ചിരുന്നുവെങ്കിലും, എംപവേർഡ് കമ്മിറ്റിയുടെ റിപ്പോർട്ടിന്റെ അടിസ്ഥാനത്തിൽ രണ്ടാം പിണറായി വിജയൻ സർക്കാർ ഈ അപേക്ഷ നിരസിച്ചു. നിർമ്മാണ പ്രവർത്തനങ്ങൾക്ക് ജിഎസ്ടി നൽകണമെന്ന ആവശ്യത്തിൽ അദാനി പോർട്ട് ഇപ്പോഴും ഉറച്ചുനിൽക്കുന്നതായാണ് വിവരം. കൂടാതെ, കരാർ വ്യവസ്ഥകൾ ലംഘിച്ചതിന് അദാനി പോർട്ട്സിന് വിഴിഞ്ഞം തുറമുഖ കമ്പനി 15 കോടി രൂപ പിഴ ചുമത്തുകയും ചെയ്തിട്ടുണ്ട്. ദിവ്യ എസ്. അയ്യർ എംഡിയായിരുന്ന കാലയളവിൽ രണ്ട് വർഷത്തിനിടെ എട്ട് തവണ കമ്പനിക്ക് കാരണം കാണിക്കൽ നോട്ടീസ് നൽകിയിരുന്നു. കരാർ പ്രകാരം ഓരോ വർഷവും സമർപ്പിക്കേണ്ട സാമ്പത്തിക അവലോകന റിപ്പോർട്ട് അദാനി പോർട്ട്സ് ഇതുവരെ നൽകിയിട്ടില്ലെന്ന് രേഖകൾ വ്യക്തമാക്കുന്നു. ഇത് സംബന്ധിച്ച് വിശദീകരണം തേടി നൽകിയ നോട്ടീസിനും കമ്പനി മറുപടി നൽകിയിട്ടില്ല.