താമരശ്ശേരി ചുരത്തിൽ പ്രതിസന്ധി രൂക്ഷം: ഗതാഗത നിയന്ത്രണം തുടരുന്നു; അത്യാവശ്യമല്ലാത്ത യാത്രകൾ ഒഴിവാക്കാൻ നിർദ്ദേശം കോഴിക്കോട് : കനത്ത മഴ തുടരുന്ന പശ്ചാത്തലത്തിൽ താമരശ്ശേരി ചുരത്തിൽ യാത്രാ തടസ്സവും സുരക്ഷാ ഭീഷണിയും രൂക്ഷമാകുന്നു. ചുരത്തിലെ ഒമ്പതാം വളവിൽ ചെറിയ രീതിയിൽ മണ്ണിടിച്ചിൽ ഉണ്ടാകുകയും സമീപത്തെ മരം കടപുഴകി വീണ് ഗതാഗതം തടസ്സപ്പെടുകയും ചെയ്തു. ​നാട്ടുകാരുടെയും സന്നദ്ധ പ്രവർത്തകരുടെയും നേതൃത്വത്തിൽ വീണ മരം മുറിച്ചുമാറ്റി റോഡിലെ തടസ്സം ഭാഗികമായി നീക്കിയെങ്കിലും, മേഖലയിൽ അപകടസാധ്യത നിലനിൽക്കുകയാണ്. തുടർ അപകടങ്ങൾ ഒഴിവാക്കുന്നതിന്റെ ഭാഗമായി അടിവാരത്തുനിന്നും ലക്കിടിയിൽ നിന്നും അത്യാവശ്യമല്ലാത്ത വാഹനങ്ങൾ കടത്തിവിടുന്നത് പോലീസ് തടഞ്ഞിട്ടുണ്ട്. വയനാട്ടിൽ നിന്നും കോഴിക്കോട്ടേക്കുള്ള ആംബുലൻസുകൾ ഉൾപ്പെടെയുള്ള അടിയന്തര വാഹനങ്ങൾക്ക് തടസ്സമില്ലാതെ കടന്നുപോകാൻ വഴിയൊരുക്കുന്നതിനായി പൊതുജനങ്ങൾ പരമാവധി ഈ റൂട്ടിലുള്ള യാത്രകൾ ഒഴിവാക്കണം. ചുരത്തിൽ വാഹനങ്ങൾ നിർത്തി ഫോട്ടോയെടുക്കുന്നതും കാഴ്ചകൾ കാണാൻ നിൽക്കുന്നതും അധികൃതർ കർശനമായി വിലക്കി. കോഴിക്കോട്-മൈസൂർ ദേശീയപാതയിൽ പലയിടങ്ങളിലും വെള്ളക്കെട്ടുകൾ രൂപപ്പെടാൻ സാധ്യതയുള്ളതിനാൽ രാത്രികാലങ്ങളിൽ വാഹനങ്ങളുടെ വേഗത കുറച്ച് അതീവ ജാഗ്രത പാലിക്കണമെന്ന് പോലീസ് മുന്നറിയിപ്പ് നൽകി. ​യാത്രക്കാർ പോലീസിന്റെയും സന്നദ്ധ പ്രവർത്തകരുടെയും നിർദ്ദേശങ്ങൾ പൂർണ്ണമായും പാലിക്കണമെന്ന് അധികൃതർ അഭ്യർത്ഥിച്ചു.

Ardhra Krishnan

ഏറനാട്, മലപ്പുറം, കേരളം•

3 hrs ago

താമരശ്ശേരി ചുരത്തിൽ പ്രതിസന്ധി രൂക്ഷം: ഗതാഗത നിയന്ത്രണം തുടരുന്നു; അത്യാവശ്യമല്ലാത്ത യാത്രകൾ ഒഴിവാക്കാൻ നിർദ്ദേശം കോഴിക്കോട് : കനത്ത മഴ തുടരുന്ന പശ്ചാത്തലത്തിൽ താമരശ്ശേരി ചുരത്തിൽ യാത്രാ തടസ്സവും സുരക്ഷാ ഭീഷണിയും രൂക്ഷമാകുന്നു. ചുരത്തിലെ ഒമ്പതാം വളവിൽ ചെറിയ രീതിയിൽ മണ്ണിടിച്ചിൽ ഉണ്ടാകുകയും സമീപത്തെ മരം കടപുഴകി വീണ് ഗതാഗതം തടസ്സപ്പെടുകയും ചെയ്തു. ​നാട്ടുകാരുടെയും സന്നദ്ധ പ്രവർത്തകരുടെയും നേതൃത്വത്തിൽ വീണ മരം മുറിച്ചുമാറ്റി റോഡിലെ തടസ്സം ഭാഗികമായി നീക്കിയെങ്കിലും, മേഖലയിൽ അപകടസാധ്യത നിലനിൽക്കുകയാണ്. തുടർ അപകടങ്ങൾ ഒഴിവാക്കുന്നതിന്റെ ഭാഗമായി അടിവാരത്തുനിന്നും ലക്കിടിയിൽ നിന്നും അത്യാവശ്യമല്ലാത്ത വാഹനങ്ങൾ കടത്തിവിടുന്നത് പോലീസ് തടഞ്ഞിട്ടുണ്ട്. വയനാട്ടിൽ നിന്നും കോഴിക്കോട്ടേക്കുള്ള ആംബുലൻസുകൾ ഉൾപ്പെടെയുള്ള അടിയന്തര വാഹനങ്ങൾക്ക് തടസ്സമില്ലാതെ കടന്നുപോകാൻ വഴിയൊരുക്കുന്നതിനായി പൊതുജനങ്ങൾ പരമാവധി ഈ റൂട്ടിലുള്ള യാത്രകൾ ഒഴിവാക്കണം. ചുരത്തിൽ വാഹനങ്ങൾ നിർത്തി ഫോട്ടോയെടുക്കുന്നതും കാഴ്ചകൾ കാണാൻ നിൽക്കുന്നതും അധികൃതർ കർശനമായി വിലക്കി. കോഴിക്കോട്-മൈസൂർ ദേശീയപാതയിൽ പലയിടങ്ങളിലും വെള്ളക്കെട്ടുകൾ രൂപപ്പെടാൻ സാധ്യതയുള്ളതിനാൽ രാത്രികാലങ്ങളിൽ വാഹനങ്ങളുടെ വേഗത കുറച്ച് അതീവ ജാഗ്രത പാലിക്കണമെന്ന് പോലീസ് മുന്നറിയിപ്പ് നൽകി. ​യാത്രക്കാർ പോലീസിന്റെയും സന്നദ്ധ പ്രവർത്തകരുടെയും നിർദ്ദേശങ്ങൾ പൂർണ്ണമായും പാലിക്കണമെന്ന് അധികൃതർ അഭ്യർത്ഥിച്ചു.