అచ్చన్నపేట రైతుల ‘భూ’ కష్టాలకు విముక్తి ఎమ్మెల్యే కూన రవికుమార్ చొరవతో ముగిసిన పదేళ్ల నిరీక్షణ డిజిటల్ సంతకాల పునరుద్ధరణకు కలెక్టర్ కార్యాలయం ఉత్తర్వులు ఆముదాలవలస, జనవరి 8: పదేళ్లుగా ఆముదాలవలస మండలం అచ్చన్నపేట రెవెన్యూ గ్రామ రైతులను వేధిస్తున్న భూ సమస్యకు ఎట్టకేలకు మోక్షం లభించింది. అచ్చన్నపేట రెవెన్యూ పరిధిలోని రైతుల భూములకు సంబంధించి వెబ్ ల్యాండ్ పోర్టల్ లో నిలిపివేసిన తహసీల్దార్ డిజిటల్ సంతకాన్ని పునరుద్ధరిస్తూ శ్రీకాకుళం జాయింట్ కలెక్టర్ ఫర్మాన్ అహ్మద్ ఖాన్ గురువారం ఉత్తర్వులు జారీ చేశారు. ఎమ్మెల్యే కూన రవికుమార్ ప్రత్యేక చొరవతో ప్రభుత్వం నుంచి స్పష్టమైన ఆదేశాలు రావడంతో రైతన్నల కళ్లలో ఆనందం వెల్లివిరిసింది. గత పదేళ్లుగా అచ్చన్నపేట గ్రామంలోని సుమారు 47.66 ఎకరాల జిరాయితీ భూములకు సంబంధించి రైతులు తీవ్ర ఇబ్బందులు పడుతున్నారు. 2015లో నాటి రెవెన్యూ అధికారులు ఎటువంటి ముందస్తు సమాచారం లేకుండానే ఈ భూములను 'ఇనాం' భూములుగా పేర్కొంటూ వెబ్ ల్యాండ్ పోర్టల్ లో తహసీల్దార్ డిజిటల్ సంతకాలను నిలిపివేశారు. దీనివల్ల రైతులకు అడంగల్, 1బి వంటి పత్రాలు అందక, బ్యాంకు రుణాలు పొందేందుకు, రైతు భరోసా వంటి ప్రభుత్వ పథకాలు అందుకోవడానికి వీలు లేకుండా పోయింది. ఎమ్మెల్యే చొరవతో కదిలిన యంత్రాంగం ఈ సమస్యను స్థానిక రైతులు ఎమ్మెల్యే కూన రవికుమార్ దృష్టికి తీసుకువెళ్లగా, ఆయన దీనిని ప్రతిష్ఠాత్మకంగా తీసుకున్నారు. రెవెన్యూ అధికారులతో నిరంతరం సమీక్షలు నిర్వహిస్తూ, రికార్డులను క్షుణ్ణంగా పరిశీలించేలా ఒత్తిడి తెచ్చారు. తహసీల్దార్ నివేదిక ప్రకారం.. 1958-59 కాలంలోనే రైతుల పూర్వీకులు ఇనాందార్ల నుంచి ఈ భూములను రిజిస్టర్డ్ డాక్యుమెంట్ల ద్వారా కొనుగోలు చేసినట్లు నిర్ధారణ అయింది. దాదాపు 16.49 ఎకరాల విస్తీర్ణానికి సంబంధించి పక్కా ఆధారాలు ఉండటంతో, జాయింట్ కలెక్టర్ ఈ సమస్యను పరిష్కరిస్తూ సానుకూల ఉత్తర్వులు ఇచ్చారు. రాజకీయాలకు, వర్గాలకు తావు లేకుండా కేవలం ప్రజా సమస్యలే పరమావధిగా పనిచేస్తున్న కూన రవికుమార్ కి ఈ సందర్భంగా స్థానికులు కృతజ్ఞతలు తెలిపారు. ఏళ్ల తరబడి రైతులను ఊరించిన 22- ఏ భూముల సమస్యల పరిష్కారానికి ఎమ్మెల్యే చూపిన ఉక్కు సంకల్పం గ్రామస్తుల మనసుల్లో చిరస్థాయిగా నిలిచిపోతుందని కొనియాడారు.

Dr.Gangu Manmadharao

Journalist శ్రీకాకుళం, శ్రీకాకుళం, ఆంధ్రప్రదేశ్•

22 hrs ago

అచ్చన్నపేట రైతుల ‘భూ’ కష్టాలకు విముక్తి ఎమ్మెల్యే కూన రవికుమార్ చొరవతో ముగిసిన పదేళ్ల నిరీక్షణ డిజిటల్ సంతకాల పునరుద్ధరణకు కలెక్టర్ కార్యాలయం ఉత్తర్వులు ఆముదాలవలస, జనవరి 8: పదేళ్లుగా ఆముదాలవలస మండలం అచ్చన్నపేట రెవెన్యూ గ్రామ రైతులను వేధిస్తున్న భూ సమస్యకు ఎట్టకేలకు మోక్షం లభించింది. అచ్చన్నపేట రెవెన్యూ పరిధిలోని రైతుల భూములకు సంబంధించి వెబ్ ల్యాండ్ పోర్టల్ లో నిలిపివేసిన తహసీల్దార్ డిజిటల్ సంతకాన్ని పునరుద్ధరిస్తూ శ్రీకాకుళం జాయింట్ కలెక్టర్ ఫర్మాన్ అహ్మద్ ఖాన్ గురువారం ఉత్తర్వులు జారీ

చేశారు. ఎమ్మెల్యే కూన రవికుమార్ ప్రత్యేక చొరవతో ప్రభుత్వం నుంచి స్పష్టమైన ఆదేశాలు రావడంతో రైతన్నల కళ్లలో ఆనందం వెల్లివిరిసింది. గత పదేళ్లుగా అచ్చన్నపేట గ్రామంలోని సుమారు 47.66 ఎకరాల జిరాయితీ భూములకు సంబంధించి రైతులు తీవ్ర ఇబ్బందులు పడుతున్నారు. 2015లో నాటి రెవెన్యూ అధికారులు ఎటువంటి ముందస్తు సమాచారం లేకుండానే ఈ భూములను 'ఇనాం' భూములుగా పేర్కొంటూ వెబ్ ల్యాండ్ పోర్టల్ లో తహసీల్దార్ డిజిటల్ సంతకాలను నిలిపివేశారు. దీనివల్ల రైతులకు అడంగల్, 1బి వంటి

పత్రాలు అందక, బ్యాంకు రుణాలు పొందేందుకు, రైతు భరోసా వంటి ప్రభుత్వ పథకాలు అందుకోవడానికి వీలు లేకుండా పోయింది. ఎమ్మెల్యే చొరవతో కదిలిన యంత్రాంగం ఈ సమస్యను స్థానిక రైతులు ఎమ్మెల్యే కూన రవికుమార్ దృష్టికి తీసుకువెళ్లగా, ఆయన దీనిని ప్రతిష్ఠాత్మకంగా తీసుకున్నారు. రెవెన్యూ అధికారులతో నిరంతరం సమీక్షలు నిర్వహిస్తూ, రికార్డులను క్షుణ్ణంగా పరిశీలించేలా ఒత్తిడి తెచ్చారు. తహసీల్దార్ నివేదిక ప్రకారం.. 1958-59 కాలంలోనే రైతుల పూర్వీకులు ఇనాందార్ల నుంచి ఈ భూములను రిజిస్టర్డ్ డాక్యుమెంట్ల ద్వారా కొనుగోలు

చేసినట్లు నిర్ధారణ అయింది. దాదాపు 16.49 ఎకరాల విస్తీర్ణానికి సంబంధించి పక్కా ఆధారాలు ఉండటంతో, జాయింట్ కలెక్టర్ ఈ సమస్యను పరిష్కరిస్తూ సానుకూల ఉత్తర్వులు ఇచ్చారు. రాజకీయాలకు, వర్గాలకు తావు లేకుండా కేవలం ప్రజా సమస్యలే పరమావధిగా పనిచేస్తున్న కూన రవికుమార్ కి ఈ సందర్భంగా స్థానికులు కృతజ్ఞతలు తెలిపారు. ఏళ్ల తరబడి రైతులను ఊరించిన 22- ఏ భూముల సమస్యల పరిష్కారానికి ఎమ్మెల్యే చూపిన ఉక్కు సంకల్పం గ్రామస్తుల మనసుల్లో చిరస్థాయిగా నిలిచిపోతుందని కొనియాడారు.