ചേർത്തല മുഹമ്മ ഗ്രാമപഞ്ചായത്തിന്റെ നേതൃത്വത്തിൽ വയോജന സൗഹൃദ പഞ്ചായത്ത് പദ്ധതിയുടെ ഭാഗമായി സംഘടിപ്പിച്ച 'ഹസ്തദാനം' പരിപാടി വൻ ജനപങ്കാളിത്തത്തോടെ ശ്രദ്ധേയമായി. 60 വയസ്സിന് മുകളിൽ പ്രായമുള്ള എല്ലാവരെയും വീടുകളിൽ സന്ദർശിച്ച് ആദരവ് അറിയിക്കുകയും മാനസിക-സാമൂഹിക പിന്തുണ നൽകുകയുമാണ് ഈ പദ്ധതിയുടെ പ്രധാന ലക്ഷ്യം. ചേർത്തല എം.എൽ.എ പി. പ്രസാദ് തടുത്തുവെളിയിൽ പരിപാടിയുടെ ഉദ്ഘാടനം നിർവ്വഹിച്ചു. ജില്ലാ പഞ്ചായത്ത് ആരോഗ്യ വിദ്യാഭ്യാസ സ്റ്റാൻ്റിംഗ് കമ്മിറ്റി ചെയർമാൻ എസ്. രാധാകൃഷ്ണൻ ചടങ്ങിൽ അദ്ധ്യക്ഷത വഹിച്ചു. പഞ്ചായത്ത് പ്രസിഡൻ്റ് അരുൺ മോഹൻ സ്വാഗതവും ആര്യാട് ബ്ലോക്ക് പഞ്ചായത്ത് പ്രസിഡൻ്റ് പി.ഡി. ശ്രീദേവി മുഖ്യപ്രഭാഷണവും നടത്തി. ബ്ലോക്ക് പഞ്ചായത്ത് അംഗം എൻ.ടി. റജി, പഞ്ചായത്ത് അംഗങ്ങളായ സ്വപ്നാഷാബു, എസ്. ബാബു, എൻ.ആർ. മോഹിത് എന്നിവർ ചടങ്ങിൽ സംസാരിച്ചു. തുടർന്ന് വിവിധ വാർഡുകളിലായി ജനപ്രതിനിധികളും ഉദ്യോഗസ്ഥരും പ്രമുഖരും ഉദ്ഘാടനങ്ങൾ നിർവ്വഹിച്ചു. എസ്. രാധാകൃഷ്ണൻ പൂമരത്തണലിലും, പി.ഡി. ശ്രീദേവി തോണിപുരയ്ക്കൽ കെ.കെ. ചിദംബരൻ്റെ വസതിയിലും, എൻ.ടി. റജി പെസാക്ക് വായനശാലയ്ക്ക് സമീപവും ഉദ്ഘാടനം ചെയ്തു. വാർഡ് 11-ൽ കെ.ഇ. കാർമ്മൽ സ്കൂൾ പ്രിൻസിപ്പാൾ റവ.ഫാ. സ്കറിയാ എതിരേറ്റ് സി.എം.ഐയും, വാർഡ് 12-ൽ മുഹമ്മ സി.എച്ച്.സി മെഡിക്കൽ ഓഫീസർ ഡോ. ജയന്തിയും, ജനക്ഷേമത്തിന് സമീപം ഡോ. സുനിൽകുമാറും ഉദ്ഘാടനം നിർവ്വഹിച്ചു. വാർഡ് രണ്ടിൽ പഞ്ചായത്ത് അംഗം വി.എം. സുഗാന്ധി അരയക്കൽ വെളിയിലും, സംഗീതസംവിധായകൻ ആലപ്പി ഋഷികേശ് അനന്തശയനേശ്വര ഓഡിറ്റോറിയത്തിലും, വാർഡ് നാലിൽ ആയുർവേദ മെഡിക്കൽ ഓഫീസർ ഡോ. ശശികലയും, അഞ്ചാം വാർഡിൽ പഞ്ചായത്ത് അംഗം കുഞ്ഞുമോനും ഉദ്ഘാടനം ചെയ്തു. കൂടാതെ പഞ്ചായത്ത് അംഗം അംബിക എസ്.എൻ കവലയ്ക്ക് സമീപവും, മുഹമ്മ എസ്.എച്ച്.ഓ ജേക്കബ് ബിനു തൈപറമ്പിൽ വീട്ടിലും, പള്ളിക്കുന്നിന് സമീപം മുഹമ്മ സി.ഐ ഇൻസാറും, വാർഡ് 17-ൽ ഹോമിയോ മെഡിക്കൽ ഓഫീസർ ഡോ. ബിനുലക്ഷ്മനും, വാർഡ് 18-ൽ വി.ഇ.ഓ അനീഷും ഉദ്ഘാടന കർമ്മങ്ങൾ നിർവ്വഹിച്ചു. ജനപ്രതിനിധികൾ, ഡോക്ടർമാർ, ഉദ്യോഗസ്ഥർ, അധ്യാപകർ, ഗ്രന്ഥശാല-സാഹിത്യ പ്രവർത്തകർ, വിദ്യാർത്ഥികൾ, യുവജനങ്ങൾ, ആശാ വർക്കർമാർ, അങ്കണവാടി-കുടുംബശ്രീ പ്രവർത്തകർ, ഹരിതകർമ്മസേന, പൊതുപ്രവർത്തകർ, സന്നദ്ധ സംഘടനകൾ തുടങ്ങി വിവിധ മേഖലകളിൽ നിന്നുള്ള വലിയൊരു നിര തന്നെ ഈ കാരുണ്യപ്രവർത്തനത്തിൽ പങ്കാളികളായി. പദ്ധതിയുടെ ഭാഗമായി ഏകദേശം 500-ഓളം വീടുകൾ സന്ദർശിക്കാനും വയോജനങ്ങൾക്ക് സാന്ത്വനമേകാനും സാധിച്ചു. എല്ലാ വാർഡുകളിലും പഞ്ചായത്ത് അംഗങ്ങളുടെ നേതൃത്വത്തിൽ പ്രത്യേക സംഘാടക സമിതികൾ രൂപീകരിച്ചാണ് പ്രവർത്തനങ്ങൾ ഏകോപിപ്പിച്ചത്. ഇതിന്റെ തുടർച്ചയായി 20 പേരടങ്ങുന്ന വയോജന അയൽക്കൂട്ടങ്ങളും വാർഡ് തല കമ്മിറ്റികളും രൂപീകരിച്ചിട്ടുണ്ട്.

Sabu Cherthala

ചേർത്തല, ആലപ്പുഴ, കേരളം•

3 hrs ago

ചേർത്തല മുഹമ്മ ഗ്രാമപഞ്ചായത്തിന്റെ നേതൃത്വത്തിൽ വയോജന സൗഹൃദ പഞ്ചായത്ത് പദ്ധതിയുടെ ഭാഗമായി സംഘടിപ്പിച്ച 'ഹസ്തദാനം' പരിപാടി വൻ ജനപങ്കാളിത്തത്തോടെ ശ്രദ്ധേയമായി. 60 വയസ്സിന് മുകളിൽ പ്രായമുള്ള എല്ലാവരെയും വീടുകളിൽ സന്ദർശിച്ച് ആദരവ് അറിയിക്കുകയും മാനസിക-സാമൂഹിക പിന്തുണ നൽകുകയുമാണ് ഈ പദ്ധതിയുടെ പ്രധാന ലക്ഷ്യം. ചേർത്തല എം.എൽ.എ പി. പ്രസാദ് തടുത്തുവെളിയിൽ പരിപാടിയുടെ ഉദ്ഘാടനം നിർവ്വഹിച്ചു. ജില്ലാ പഞ്ചായത്ത് ആരോഗ്യ വിദ്യാഭ്യാസ സ്റ്റാൻ്റിംഗ് കമ്മിറ്റി ചെയർമാൻ എസ്. രാധാകൃഷ്ണൻ ചടങ്ങിൽ അദ്ധ്യക്ഷത വഹിച്ചു. പഞ്ചായത്ത് പ്രസിഡൻ്റ് അരുൺ മോഹൻ സ്വാഗതവും ആര്യാട് ബ്ലോക്ക് പഞ്ചായത്ത് പ്രസിഡൻ്റ് പി.ഡി. ശ്രീദേവി മുഖ്യപ്രഭാഷണവും നടത്തി. ബ്ലോക്ക് പഞ്ചായത്ത് അംഗം എൻ.ടി. റജി, പഞ്ചായത്ത് അംഗങ്ങളായ സ്വപ്നാഷാബു, എസ്. ബാബു, എൻ.ആർ. മോഹിത് എന്നിവർ ചടങ്ങിൽ സംസാരിച്ചു. തുടർന്ന് വിവിധ വാർഡുകളിലായി ജനപ്രതിനിധികളും ഉദ്യോഗസ്ഥരും പ്രമുഖരും ഉദ്ഘാടനങ്ങൾ നിർവ്വഹിച്ചു. എസ്. രാധാകൃഷ്ണൻ പൂമരത്തണലിലും, പി.ഡി. ശ്രീദേവി തോണിപുരയ്ക്കൽ കെ.കെ. ചിദംബരൻ്റെ വസതിയിലും, എൻ.ടി. റജി പെസാക്ക് വായനശാലയ്ക്ക് സമീപവും ഉദ്ഘാടനം ചെയ്തു. വാർഡ് 11-ൽ കെ.ഇ. കാർമ്മൽ സ്കൂൾ പ്രിൻസിപ്പാൾ റവ.ഫാ. സ്കറിയാ എതിരേറ്റ് സി.എം.ഐയും, വാർഡ് 12-ൽ മുഹമ്മ സി.എച്ച്.സി മെഡിക്കൽ ഓഫീസർ ഡോ. ജയന്തിയും, ജനക്ഷേമത്തിന് സമീപം ഡോ. സുനിൽകുമാറും ഉദ്ഘാടനം നിർവ്വഹിച്ചു. വാർഡ് രണ്ടിൽ പഞ്ചായത്ത് അംഗം വി.എം. സുഗാന്ധി അരയക്കൽ വെളിയിലും, സംഗീതസംവിധായകൻ ആലപ്പി ഋഷികേശ് അനന്തശയനേശ്വര ഓഡിറ്റോറിയത്തിലും, വാർഡ് നാലിൽ ആയുർവേദ മെഡിക്കൽ ഓഫീസർ ഡോ. ശശികലയും, അഞ്ചാം വാർഡിൽ പഞ്ചായത്ത് അംഗം കുഞ്ഞുമോനും ഉദ്ഘാടനം ചെയ്തു. കൂടാതെ പഞ്ചായത്ത് അംഗം അംബിക എസ്.എൻ കവലയ്ക്ക് സമീപവും, മുഹമ്മ എസ്.എച്ച്.ഓ ജേക്കബ് ബിനു തൈപറമ്പിൽ വീട്ടിലും, പള്ളിക്കുന്നിന് സമീപം മുഹമ്മ സി.ഐ ഇൻസാറും, വാർഡ് 17-ൽ ഹോമിയോ മെഡിക്കൽ ഓഫീസർ ഡോ. ബിനുലക്ഷ്മനും, വാർഡ് 18-ൽ വി.ഇ.ഓ അനീഷും ഉദ്ഘാടന കർമ്മങ്ങൾ നിർവ്വഹിച്ചു. ജനപ്രതിനിധികൾ, ഡോക്ടർമാർ, ഉദ്യോഗസ്ഥർ, അധ്യാപകർ, ഗ്രന്ഥശാല-സാഹിത്യ പ്രവർത്തകർ, വിദ്യാർത്ഥികൾ, യുവജനങ്ങൾ, ആശാ വർക്കർമാർ, അങ്കണവാടി-കുടുംബശ്രീ പ്രവർത്തകർ, ഹരിതകർമ്മസേന, പൊതുപ്രവർത്തകർ, സന്നദ്ധ സംഘടനകൾ തുടങ്ങി വിവിധ മേഖലകളിൽ നിന്നുള്ള വലിയൊരു നിര തന്നെ ഈ കാരുണ്യപ്രവർത്തനത്തിൽ പങ്കാളികളായി. പദ്ധതിയുടെ ഭാഗമായി ഏകദേശം 500-ഓളം വീടുകൾ സന്ദർശിക്കാനും വയോജനങ്ങൾക്ക് സാന്ത്വനമേകാനും സാധിച്ചു. എല്ലാ വാർഡുകളിലും പഞ്ചായത്ത് അംഗങ്ങളുടെ നേതൃത്വത്തിൽ പ്രത്യേക സംഘാടക സമിതികൾ രൂപീകരിച്ചാണ് പ്രവർത്തനങ്ങൾ ഏകോപിപ്പിച്ചത്. ഇതിന്റെ തുടർച്ചയായി 20 പേരടങ്ങുന്ന വയോജന അയൽക്കൂട്ടങ്ങളും വാർഡ് തല കമ്മിറ്റികളും രൂപീകരിച്ചിട്ടുണ്ട്.