वर्धा पोलीस अधीक्षक श्री. सौरभ कुमार अग्रवाल यांनी अंमली पदार्थ बाळगणाऱ्या व विक्री करणाऱ्या गुन्हेगारांवर कठोर कारवाई करण्याचे स्थानिक गुन्हे शाखेला आदेश दिले होते. या आदेशांनुसार, स्थानिक गुन्हे शाखेने अंमली पदार्थांची विक्री करणाऱ्या गुन्हेगारांवर कारवाई करण्यासाठी एक विशेष मोहीम राबवली. या मोहिमेअंतर्गत, स्थानिक गुन्हे शाखेच्या वर्धा पथकाला मिळालेल्या गोपनीय माहितीवरून, त्यांनी ३० मे २०२६ रोजी हिंगणघाट पोलीस स्टेशन हद्दीतील माऊली पार्क, संत तुकडोजी वार्ड, हिंगणघाट येथे एन.डी.पी.एस. कायद्यान्वये छापा टाकला. या छाप्यात निखिल मनोजराव रामनवार (वय २५, रा. शास्त्री वार्ड, हिंगणघाट), पियुष राजू मुसळे (वय २७, रा. गोमाजी वार्ड, हिंगणघाट), जय वसंतराव चुटे (वय २१, रा. संत ज्ञानेश्वर वार्ड, हिंगणघाट, ह.मु. एकात्मता नगर, जयताळा, नागपूर) आणि कार्तिक वसंतराव हमंद (वय २९, रा. संत तुकडोजी वार्ड, हिंगणघाट) हे चार आरोपी घटनास्थळी हजर आढळून आले. त्यांची अंगझडती घेतली असता, त्यांच्या ताब्यातून मोठ्या प्रमाणात मेफेड्रॉन (एम.डी. ड्रग्स) अंमली पदार्थ, अंमली पदार्थ विक्रीतून मिळालेली रोकड, मोबाईल आणि एम.एच. ३२ बी.ए. १४९४ क्रमांकाचे एक टी.व्ही.एस. ज्युपीटर मोपेड वाहन मिळाले. आरोपी पियुष मुसळे हा वर्धा जिल्ह्यातून हद्दपार केलेला असतानाही, त्याने हद्दपारीच्या आदेशाचे उल्लंघन करून प्रतिबंधित क्षेत्रात उपस्थिती दर्शवली. ताब्यात घेतलेला मेफेड्रॉनचा साठा चारही आरोपींचा असल्याचे निष्पन्न झाले आणि त्यांनी तो नागपूर येथील पंकज साठोणे नावाच्या पाचव्या आरोपीकडून खरेदी केल्याचे समोर आले. यानुसार, घटनास्थळीच पंचनामा करून आरोपींच्या ताब्यातून निव्वळ ५४ ग्रॅम ५ मिलीग्रॅम मेफेड्रॉन (एम.डी. ड्रग्स) अंमली पदार्थ, ३२,००० रुपये रोख रक्कम, ६ मोबाईल आणि १ मोपेडसह एकूण ४,७१,९२० रुपये किमतीचा मुद्देमाल जप्त करण्यात आला. या सर्व ५ आरोपींविरुद्ध हिंगणघाट पोलीस स्टेशनमध्ये एन.डी.पी.एस. कायद्यान्वये गुन्हा दाखल करण्यात आला आहे. सदरची कार्यवाही पोलीस अधीक्षक श्री. सौरभ कुमार अग्रवाल आणि अपर पोलीस अधीक्षक श्री. सदाशिव वाघमारे यांच्या निर्देशानुसार स्थानिक गुन्हे शाखा, जि. वर्धा येथील पोलीस निरीक्षक श्री. विनोद चौधरी, स.पो.नि. आशिषसिंग ठाकुर, पो.उपनि. सलाम कुरेशी, पो.अं. मनोज धात्रक, शेखर डोंगरे, अरविंद येनुरकर, हमीद शेख, रोशन निंबोळकर, महादेव सानप, रवी पुरोहित, सागर भोसले, विकास मुंडे, विनोद कापसे, सुगम चौधरी, शुभम राऊत आणि अभिषेक नाईक यांनी पार पाडली.

राजेंद्र वामनराव खंडारे

आष्टी, वर्धा, महाराष्ट्र•

2 hrs ago

वर्धा पोलीस अधीक्षक श्री. सौरभ कुमार अग्रवाल यांनी अंमली पदार्थ बाळगणाऱ्या व विक्री करणाऱ्या गुन्हेगारांवर कठोर कारवाई करण्याचे स्थानिक गुन्हे शाखेला आदेश दिले होते. या आदेशांनुसार, स्थानिक गुन्हे शाखेने अंमली पदार्थांची विक्री करणाऱ्या गुन्हेगारांवर कारवाई करण्यासाठी एक विशेष मोहीम राबवली. या मोहिमेअंतर्गत, स्थानिक गुन्हे शाखेच्या वर्धा पथकाला मिळालेल्या गोपनीय माहितीवरून, त्यांनी ३० मे २०२६ रोजी हिंगणघाट पोलीस स्टेशन हद्दीतील माऊली पार्क, संत तुकडोजी वार्ड, हिंगणघाट येथे एन.डी.पी.एस. कायद्यान्वये छापा टाकला. या छाप्यात निखिल मनोजराव रामनवार (वय २५, रा. शास्त्री वार्ड, हिंगणघाट), पियुष राजू मुसळे (वय २७, रा. गोमाजी वार्ड, हिंगणघाट), जय वसंतराव चुटे (वय २१, रा. संत ज्ञानेश्वर वार्ड, हिंगणघाट, ह.मु. एकात्मता नगर, जयताळा, नागपूर) आणि कार्तिक वसंतराव हमंद (वय २९, रा. संत तुकडोजी वार्ड, हिंगणघाट) हे चार आरोपी घटनास्थळी हजर आढळून आले. त्यांची अंगझडती घेतली असता, त्यांच्या ताब्यातून मोठ्या प्रमाणात मेफेड्रॉन (एम.डी. ड्रग्स) अंमली पदार्थ, अंमली पदार्थ विक्रीतून मिळालेली रोकड, मोबाईल आणि एम.एच. ३२ बी.ए. १४९४ क्रमांकाचे एक टी.व्ही.एस. ज्युपीटर मोपेड वाहन मिळाले. आरोपी पियुष मुसळे हा वर्धा जिल्ह्यातून हद्दपार केलेला असतानाही, त्याने हद्दपारीच्या आदेशाचे उल्लंघन करून प्रतिबंधित क्षेत्रात उपस्थिती दर्शवली. ताब्यात घेतलेला मेफेड्रॉनचा साठा चारही आरोपींचा असल्याचे निष्पन्न झाले आणि त्यांनी तो नागपूर येथील पंकज साठोणे नावाच्या पाचव्या आरोपीकडून खरेदी केल्याचे समोर आले. यानुसार, घटनास्थळीच पंचनामा करून आरोपींच्या ताब्यातून निव्वळ ५४ ग्रॅम ५ मिलीग्रॅम मेफेड्रॉन (एम.डी. ड्रग्स) अंमली पदार्थ, ३२,००० रुपये रोख रक्कम, ६ मोबाईल आणि १ मोपेडसह एकूण ४,७१,९२० रुपये किमतीचा मुद्देमाल जप्त करण्यात आला. या सर्व ५ आरोपींविरुद्ध हिंगणघाट पोलीस स्टेशनमध्ये एन.डी.पी.एस. कायद्यान्वये गुन्हा दाखल करण्यात आला आहे. सदरची कार्यवाही पोलीस अधीक्षक श्री. सौरभ कुमार अग्रवाल आणि अपर पोलीस अधीक्षक श्री. सदाशिव वाघमारे यांच्या निर्देशानुसार स्थानिक गुन्हे शाखा, जि. वर्धा येथील पोलीस निरीक्षक श्री. विनोद चौधरी, स.पो.नि. आशिषसिंग ठाकुर, पो.उपनि. सलाम कुरेशी, पो.अं. मनोज धात्रक, शेखर डोंगरे, अरविंद येनुरकर, हमीद शेख, रोशन निंबोळकर, महादेव सानप, रवी पुरोहित, सागर भोसले, विकास मुंडे, विनोद कापसे, सुगम चौधरी, शुभम राऊत आणि अभिषेक नाईक यांनी पार पाडली.