पुणे येथे मुख्यमंत्री देवेंद्र फडणवीस यांच्या हस्ते 'आरोग्य जनजागृती रथा'चा दिमाखात शुभारंभ करण्यात आला. मुख्यमंत्री सहाय्यता निधी व धर्मदाय रुग्णालय कक्षाच्या वतीने तयार करण्यात आलेल्या या रथाचा उद्देश नागरिकांमध्ये विविध आरोग्यविषयक योजनांची माहिती पोहोचवणे हा आहे. या रथाच्या माध्यमातून मुख्यमंत्री सहाय्यता निधीद्वारे गरजू रुग्णांना मिळणाऱ्या मदतीची माहिती तळागाळातील लोकांपर्यंत पोहोचवली जाईल, असा विश्वास यावेळी व्यक्त करण्यात आला. याच सोहळ्यात आषाढी वारीचे औचित्य साधून केंद्रीय माहिती व प्रसारण मंत्रालयाच्या केंद्रीय संचार ब्यूरो (प्रादेशिक कार्यालय, पुणे) यांच्या वतीने तयार करण्यात आलेल्या विशेष चित्ररथाचेही उद्घाटन मुख्यमंत्र्यांच्या हस्ते करण्यात आले. वारीदरम्यान वारकरी आणि नागरिकांमध्ये शासकीय योजना तसेच विविध सामाजिक विषयांवर जनजागृती करणे हा या चित्ररथाचा मुख्य उद्देश आहे. या कार्यक्रमास केंद्रीय राज्यमंत्री मुरलीधर मोहोळ, आमदार सुनील कांबळे, आमदार हेमंत रासने यांच्यासह अनेक प्रमुख मान्यवर, प्रशासकीय अधिकारी आणि नागरिक मोठ्या संख्येने उपस्थित होते.

जनहित न्यूज महाराष्ट्र

Newspaper distribution कल्याण, ठाणे, महाराष्ट्र•

10 hrs ago

पुणे येथे मुख्यमंत्री देवेंद्र फडणवीस यांच्या हस्ते 'आरोग्य जनजागृती रथा'चा दिमाखात शुभारंभ करण्यात आला. मुख्यमंत्री सहाय्यता निधी व धर्मदाय रुग्णालय कक्षाच्या वतीने तयार करण्यात आलेल्या या रथाचा उद्देश नागरिकांमध्ये विविध आरोग्यविषयक योजनांची माहिती पोहोचवणे हा आहे. या रथाच्या माध्यमातून मुख्यमंत्री सहाय्यता निधीद्वारे गरजू रुग्णांना मिळणाऱ्या मदतीची माहिती तळागाळातील लोकांपर्यंत पोहोचवली जाईल, असा विश्वास यावेळी व्यक्त करण्यात आला. याच सोहळ्यात आषाढी वारीचे औचित्य साधून केंद्रीय माहिती व प्रसारण मंत्रालयाच्या केंद्रीय संचार ब्यूरो (प्रादेशिक कार्यालय, पुणे) यांच्या वतीने तयार करण्यात आलेल्या विशेष चित्ररथाचेही उद्घाटन मुख्यमंत्र्यांच्या हस्ते करण्यात आले. वारीदरम्यान वारकरी आणि नागरिकांमध्ये शासकीय योजना तसेच विविध सामाजिक विषयांवर जनजागृती करणे हा या चित्ररथाचा मुख्य उद्देश आहे. या कार्यक्रमास केंद्रीय राज्यमंत्री मुरलीधर मोहोळ, आमदार सुनील कांबळे, आमदार हेमंत रासने यांच्यासह अनेक प्रमुख मान्यवर, प्रशासकीय अधिकारी आणि नागरिक मोठ्या संख्येने उपस्थित होते.