விருதுநகர் மாவட்ட ஆட்சியர் அலுவலக கூட்டரங்கில், தமிழ்நாடு குடிநீர் வடிகால் வாரியத்தின் மேலாண்மை இயக்குநர் திரு. தினேஷ் பொன்ராஜ் ஆலிவர், இ.ஆ.ப., தலைமையில், வாரியத் திட்டப் பணிகளின் செயல்பாடுகள் குறித்த ஆய்வுக் கூட்டம் நடைபெற்றது. மாவட்ட ஆட்சியர் மரு. என்.ஓ. சுகபுத்ரா, இ.ஆ.ப., அவர்கள் முன்னிலையில் நடந்த இக்கூட்டத்தில், விருதுநகர் மாவட்டத்தில் செயல்படுத்தப்பட்டு வரும் கூட்டுக் குடிநீர் திட்டங்கள் மற்றும் புதிய உள்கட்டமைப்புப் பணிகளை காலதாமதமின்றி நிறைவு செய்ய சம்பந்தப்பட்ட அலுவலர்களுக்கு அறிவுறுத்தப்பட்டது. தாமிரபரணி கூட்டுக் குடிநீர் திட்டத்தின் கீழ் அனைத்து நகராட்சிகளுக்கும் நிர்ணயிக்கப்பட்ட அளவில் சீரான குடிநீர் வழங்கப்படுகிறதா, குடிநீர் விநியோகத்தில் உள்ள சிரமங்கள், தடையற்ற மின்சாரம் வழங்குதல், பழுதுகள் ஏற்பட்டால் உடனடி சீரமைப்பு, பொதுநிதி மூலம் ஆழ்துளைக் கிணறுகள் அமைத்து கூடுதல் குடிநீர் வழங்குதல் மற்றும் அனைத்து பகுதிகளுக்கும் சமமாக குடிநீர் சென்றடைவதை உறுதி செய்தல் உள்ளிட்ட பல்வேறு அம்சங்கள் குறித்து விரிவாக ஆய்வு செய்யப்பட்டது. மேலும், நகராட்சிகளில் நடைபெற்று வரும் பாதாளச் சாக்கடைத் திட்டப் பணிகளை முழுமையாக நிறைவு செய்தல், பழுதுநீக்கம் மற்றும் பராமரிப்பு பணிகளை மேற்கொள்ளுதல், கழிவுநீர் சுத்திகரிப்பு நிலையங்களை முறையாக பராமரித்து செயல்படுத்துதல் தொடர்பாகவும் விரிவான ஆலோசனைகள் வழங்கப்பட்டன. மாநகராட்சி மற்றும் நகராட்சி பகுதிகளில் நடைபெற்று வரும் குடிநீர் மற்றும் பாதாளச் சாக்கடைத் திட்டப் பணிகளை விரைந்து முடித்து, பொதுமக்களுக்கு சீரான குடிநீர் விநியோகம் கிடைப்பதை உறுதி செய்ய தேவையான அறிவுரைகள் மற்றும் வழிகாட்டுதல்களை மேலாண்மை இயக்குநர் வழங்கினார். குடிநீர் விநியோகத்தில் ஏதேனும் குறைபாடுகள் அல்லது குழாய் உடைப்புகள் ஏற்பட்டால் உடனடியாக சரிசெய்ய நடவடிக்கை எடுக்க வேண்டும் என்றும், குடிநீரின் தரத்தை தொடர்ந்து பரிசோதித்து குளோரின் கலப்பு முறையாக உள்ளதை உறுதி செய்ய வேண்டும் என்றும் அறிவுறுத்தப்பட்டது. எதிர்கால மக்கள் தொகை வளர்ச்சியைக் கருத்தில் கொண்டு, அடுத்த 10 முதல் 20 ஆண்டுகளுக்கான குடிநீர் தேவையைப் பூர்த்தி செய்யும் வகையில் திட்டங்கள் வடிவமைக்கப்படும் என தமிழ்நாடு குடிநீர் வடிகால் வாரிய மேலாண்மை இயக்குநர் திரு. தினேஷ் பொன்ராஜ் ஆலிவர் தெரிவித்தார். இத்தகைய தொடர் ஆய்வுகள் ஊரக மற்றும் நகர்ப்புற குடிநீர் பாதுகாப்பை மேம்படுத்துவதில் முக்கிய பங்காற்றும் என்றும் அவர் கூறினார். முன்னதாக, அருப்புக்கோட்டை நகராட்சியில் ரூ.297.25 கோடி மதிப்பீட்டில் நடைபெற்று வரும் பாதாளச் சாக்கடைத் திட்டப் பணிகளின் முன்னேற்றத்தை மாவட்ட ஆட்சியர் மரு. என்.ஓ. சுகபுத்ரா மற்றும் மேலாண்மை இயக்குநர் திரு. தினேஷ் பொன்ராஜ் ஆலிவர் ஆகியோர் நேரில் ஆய்வு மேற்கொண்டனர். இந்த ஆய்வுக் கூட்டத்தில் தலைமைப் பொறியாளர் திரு. கணேசன், மாவட்ட ஊரக வளர்ச்சி முகமை திட்ட இயக்குநர் மரு. தண்டபாணி, நிர்வாகப் பொறியாளர் திருமதி கற்பகம், நகராட்சி ஆணையர்கள், பொறியாளர்கள், உதவி இயக்குநர்கள் (ஊராட்சி), பேரூராட்சி செயல் அலுவலர்கள், தமிழ்நாடு குடிநீர் வடிகால் வாரிய அலுவலர்கள் மற்றும் தொடர்புடைய அரசு அலுவலர்கள் எனப் பலரும் கலந்து கொண்டனர்.

குமார்

Kariapatti, Virudhunagar•

8 hrs ago

விருதுநகர் மாவட்ட ஆட்சியர் அலுவலக கூட்டரங்கில், தமிழ்நாடு குடிநீர் வடிகால் வாரியத்தின் மேலாண்மை இயக்குநர் திரு. தினேஷ் பொன்ராஜ் ஆலிவர், இ.ஆ.ப., தலைமையில், வாரியத் திட்டப் பணிகளின் செயல்பாடுகள் குறித்த ஆய்வுக் கூட்டம் நடைபெற்றது. மாவட்ட ஆட்சியர் மரு. என்.ஓ. சுகபுத்ரா, இ.ஆ.ப., அவர்கள் முன்னிலையில் நடந்த இக்கூட்டத்தில், விருதுநகர் மாவட்டத்தில் செயல்படுத்தப்பட்டு வரும் கூட்டுக் குடிநீர் திட்டங்கள் மற்றும் புதிய உள்கட்டமைப்புப் பணிகளை காலதாமதமின்றி நிறைவு செய்ய சம்பந்தப்பட்ட அலுவலர்களுக்கு அறிவுறுத்தப்பட்டது. தாமிரபரணி கூட்டுக் குடிநீர் திட்டத்தின் கீழ் அனைத்து நகராட்சிகளுக்கும் நிர்ணயிக்கப்பட்ட அளவில் சீரான குடிநீர் வழங்கப்படுகிறதா, குடிநீர் விநியோகத்தில் உள்ள சிரமங்கள், தடையற்ற மின்சாரம் வழங்குதல், பழுதுகள் ஏற்பட்டால் உடனடி

சீரமைப்பு, பொதுநிதி மூலம் ஆழ்துளைக் கிணறுகள் அமைத்து கூடுதல் குடிநீர் வழங்குதல் மற்றும் அனைத்து பகுதிகளுக்கும் சமமாக குடிநீர் சென்றடைவதை உறுதி செய்தல் உள்ளிட்ட பல்வேறு அம்சங்கள் குறித்து விரிவாக ஆய்வு செய்யப்பட்டது. மேலும், நகராட்சிகளில் நடைபெற்று வரும் பாதாளச் சாக்கடைத் திட்டப் பணிகளை முழுமையாக நிறைவு செய்தல், பழுதுநீக்கம் மற்றும் பராமரிப்பு பணிகளை மேற்கொள்ளுதல், கழிவுநீர் சுத்திகரிப்பு நிலையங்களை முறையாக பராமரித்து செயல்படுத்துதல் தொடர்பாகவும் விரிவான ஆலோசனைகள் வழங்கப்பட்டன. மாநகராட்சி மற்றும் நகராட்சி பகுதிகளில் நடைபெற்று வரும் குடிநீர் மற்றும் பாதாளச் சாக்கடைத் திட்டப் பணிகளை விரைந்து முடித்து, பொதுமக்களுக்கு சீரான குடிநீர் விநியோகம் கிடைப்பதை உறுதி செய்ய தேவையான அறிவுரைகள் மற்றும்

வழிகாட்டுதல்களை மேலாண்மை இயக்குநர் வழங்கினார். குடிநீர் விநியோகத்தில் ஏதேனும் குறைபாடுகள் அல்லது குழாய் உடைப்புகள் ஏற்பட்டால் உடனடியாக சரிசெய்ய நடவடிக்கை எடுக்க வேண்டும் என்றும், குடிநீரின் தரத்தை தொடர்ந்து பரிசோதித்து குளோரின் கலப்பு முறையாக உள்ளதை உறுதி செய்ய வேண்டும் என்றும் அறிவுறுத்தப்பட்டது. எதிர்கால மக்கள் தொகை வளர்ச்சியைக் கருத்தில் கொண்டு, அடுத்த 10 முதல் 20 ஆண்டுகளுக்கான குடிநீர் தேவையைப் பூர்த்தி செய்யும் வகையில் திட்டங்கள் வடிவமைக்கப்படும் என தமிழ்நாடு குடிநீர் வடிகால் வாரிய மேலாண்மை இயக்குநர் திரு. தினேஷ் பொன்ராஜ் ஆலிவர் தெரிவித்தார். இத்தகைய தொடர் ஆய்வுகள் ஊரக மற்றும் நகர்ப்புற குடிநீர் பாதுகாப்பை மேம்படுத்துவதில் முக்கிய பங்காற்றும் என்றும் அவர்

கூறினார். முன்னதாக, அருப்புக்கோட்டை நகராட்சியில் ரூ.297.25 கோடி மதிப்பீட்டில் நடைபெற்று வரும் பாதாளச் சாக்கடைத் திட்டப் பணிகளின் முன்னேற்றத்தை மாவட்ட ஆட்சியர் மரு. என்.ஓ. சுகபுத்ரா மற்றும் மேலாண்மை இயக்குநர் திரு. தினேஷ் பொன்ராஜ் ஆலிவர் ஆகியோர் நேரில் ஆய்வு மேற்கொண்டனர். இந்த ஆய்வுக் கூட்டத்தில் தலைமைப் பொறியாளர் திரு. கணேசன், மாவட்ட ஊரக வளர்ச்சி முகமை திட்ட இயக்குநர் மரு. தண்டபாணி, நிர்வாகப் பொறியாளர் திருமதி கற்பகம், நகராட்சி ஆணையர்கள், பொறியாளர்கள், உதவி இயக்குநர்கள் (ஊராட்சி), பேரூராட்சி செயல் அலுவலர்கள், தமிழ்நாடு குடிநீர் வடிகால் வாரிய அலுவலர்கள் மற்றும் தொடர்புடைய அரசு அலுவலர்கள் எனப் பலரும் கலந்து கொண்டனர்.