સુરત ગ્રામ્ય જિલ્લાના પલસાણામાં પોલીસે મોટી સફળતા મેળવી છે. પલસાણા પોલીસ અને એલ.સી.બી.ની સંયુક્ત ટીમે વિસ્તારમાં થયેલી ચાર ઘરફોડ ચોરીના ગુનાઓનો ભેદ ઉકેલી પાંચ આરોપીઓને ઝડપી પાડ્યા છે. તેમની પાસેથી કુલ રૂ. 4,34,300 નો મુદ્દામાલ કબ્જે કરવામાં આવ્યો છે. તાજેતરમાં પલસાણા પોલીસ સ્ટેશન હદ વિસ્તારમાં મકાનોના બારી-દરવાજાના ગ્રીલ તોડી કિંમતી સામાનની ચોરીના અનેક બનાવો બન્યા હતા. આ ઘટનાઓની ગંભીરતાને ધ્યાનમાં લઈને સુરત વિભાગના પોલીસ મહાનિરીક્ષક પ્રેમવીર સિંહ અને સુરત ગ્રામ્ય પોલીસ અધિક્ષક રાજેશ ગઢિયાના માર્ગદર્શન હેઠળ એલ.સી.બી., પેરોલ ફલો સ્ક્વોડ અને સ્થાનિક પોલીસની અલગ-અલગ ટીમો બનાવી તપાસ શરૂ કરવામાં આવી હતી. પોલીસે ટેકનિકલ અને હ્યુમન ઇન્ટેલિજન્સ તેમજ CCTV ફૂટેજની મદદથી આરોપીઓ સુધી પહોંચવામાં સફળતા મેળવી હતી. મળેલી બાતમીના આધારે બલેશ્વરના બિલાલનગર વિસ્તારમાં ખાનભાઈની ચાલમાં દરોડો પાડી પાંચ આરોપીઓને પકડી પાડવામાં આવ્યા હતા. ઝડપાયેલા આરોપીઓમાં કિશોરભાઈ રતિલાલ ઉર્ફે રતુભાઈ દેવીપૂજક, હરેશભાઈ ગોપાળભાઈ દેવીપૂજક, કાજલબેન હરેશભાઈ દેવીપૂજક, ફિરોઝ સાદીક અંસારી અને ભુરીબેન રતિલાલ દેવીપૂજકનો સમાવેશ થાય છે. પોલીસના જણાવ્યા અનુસાર, પ્રિન્સ ઉર્ફે રામદાસ રતિલાલ દેવીપૂજક હાલ વોન્ટેડ છે. આરોપીઓના રહેઠાણમાંથી ટીવી, સ્પીકર, પ્રોજેક્ટર, મોબાઇલ ફોન, પંખા, ગાદલા, સાડીઓ, રસોડાના વાસણો, એમ્પ્લીફાયર સહિતનો ચોરીનો સામાન તેમજ એક ઓટો રિક્ષા મળી આવી હતી, જે પોલીસે કબ્જે કરી છે. પોલીસ તપાસમાં સામે આવ્યું છે કે આ આરોપીઓએ પલસાણા વિસ્તારમાં નોંધાયેલા ચાર ઘરફોડ ચોરીના ગુનાઓ આચર્યા હતા. તેમણે સુરત શહેર અને ગ્રામ્ય વિસ્તારમાં પણ મોબાઇલ તથા અન્ય નાની-મોટી ચોરીઓમાં પોતાની સંડોવણી હોવાની કબૂલાત આપી છે. પોલીસે કાયદેસરની કાર્યવાહી હાથ ધરી છે અને આ અંગે વધુ તપાસ ચાલુ છે. આ સફળ કામગીરીમાં એલ.સી.બી.ના પોલીસ ઇન્સ્પેક્ટર એન.જી. પાંચાણી, પલસાણા પોલીસ ઇન્સ્પેક્ટર બી.ડી. ઝીલરિયા સહિત પોલીસ અધિકારીઓ અને કર્મચારીઓની ટીમે મહત્વપૂર્ણ ભૂમિકા ભજવી હતી.

Hetalkumar manharbhai mis

પલસાણા, સુરત, ગુજરાત•

7 hrs ago

સુરત ગ્રામ્ય જિલ્લાના પલસાણામાં પોલીસે મોટી સફળતા મેળવી છે. પલસાણા પોલીસ અને એલ.સી.બી.ની સંયુક્ત ટીમે વિસ્તારમાં થયેલી ચાર ઘરફોડ ચોરીના ગુનાઓનો ભેદ ઉકેલી પાંચ આરોપીઓને ઝડપી પાડ્યા છે. તેમની પાસેથી કુલ રૂ. 4,34,300 નો મુદ્દામાલ કબ્જે કરવામાં આવ્યો છે. તાજેતરમાં પલસાણા પોલીસ સ્ટેશન હદ વિસ્તારમાં મકાનોના બારી-દરવાજાના ગ્રીલ તોડી કિંમતી સામાનની ચોરીના અનેક બનાવો બન્યા હતા. આ ઘટનાઓની ગંભીરતાને ધ્યાનમાં લઈને સુરત વિભાગના પોલીસ મહાનિરીક્ષક પ્રેમવીર સિંહ અને સુરત ગ્રામ્ય પોલીસ અધિક્ષક રાજેશ ગઢિયાના માર્ગદર્શન હેઠળ એલ.સી.બી., પેરોલ ફલો સ્ક્વોડ અને સ્થાનિક પોલીસની અલગ-અલગ ટીમો બનાવી તપાસ શરૂ કરવામાં આવી હતી. પોલીસે ટેકનિકલ અને હ્યુમન ઇન્ટેલિજન્સ તેમજ CCTV ફૂટેજની મદદથી આરોપીઓ સુધી પહોંચવામાં સફળતા મેળવી હતી. મળેલી બાતમીના આધારે બલેશ્વરના બિલાલનગર વિસ્તારમાં ખાનભાઈની ચાલમાં દરોડો પાડી પાંચ આરોપીઓને પકડી પાડવામાં આવ્યા હતા. ઝડપાયેલા આરોપીઓમાં કિશોરભાઈ રતિલાલ ઉર્ફે રતુભાઈ દેવીપૂજક, હરેશભાઈ ગોપાળભાઈ દેવીપૂજક, કાજલબેન હરેશભાઈ દેવીપૂજક, ફિરોઝ સાદીક અંસારી અને ભુરીબેન રતિલાલ દેવીપૂજકનો સમાવેશ થાય છે. પોલીસના જણાવ્યા અનુસાર, પ્રિન્સ ઉર્ફે રામદાસ રતિલાલ દેવીપૂજક હાલ વોન્ટેડ છે. આરોપીઓના રહેઠાણમાંથી ટીવી, સ્પીકર, પ્રોજેક્ટર, મોબાઇલ ફોન, પંખા, ગાદલા, સાડીઓ, રસોડાના વાસણો, એમ્પ્લીફાયર સહિતનો ચોરીનો સામાન તેમજ એક ઓટો રિક્ષા મળી આવી હતી, જે પોલીસે કબ્જે કરી છે. પોલીસ તપાસમાં સામે આવ્યું છે કે આ આરોપીઓએ પલસાણા વિસ્તારમાં નોંધાયેલા ચાર ઘરફોડ ચોરીના ગુનાઓ આચર્યા હતા. તેમણે સુરત શહેર અને ગ્રામ્ય વિસ્તારમાં પણ મોબાઇલ તથા અન્ય નાની-મોટી ચોરીઓમાં પોતાની સંડોવણી હોવાની કબૂલાત આપી છે. પોલીસે કાયદેસરની કાર્યવાહી હાથ ધરી છે અને આ અંગે વધુ તપાસ ચાલુ છે. આ સફળ કામગીરીમાં એલ.સી.બી.ના પોલીસ ઇન્સ્પેક્ટર એન.જી. પાંચાણી, પલસાણા પોલીસ ઇન્સ્પેક્ટર બી.ડી. ઝીલરિયા સહિત પોલીસ અધિકારીઓ અને કર્મચારીઓની ટીમે મહત્વપૂર્ણ ભૂમિકા ભજવી હતી.