शहरातील कायदा व सुव्यवस्था राखण्यासाठी सातपूर पोलिसांनी 'ऑल आऊट कॉम्बिंग ऑपरेशन' राबवले. या विशेष मोहिमेत १०३ टवाळखोरांवर मुंबई पोलीस कायद्यानुसार कारवाई करण्यात आली, तर अवैधरित्या देशी दारूची विक्री करणाऱ्या दोन जणांना ताब्यात घेऊन त्यांच्याविरुद्ध प्रोव्हिबशन अॅक्टच्या कलम ६५ अन्वये गुन्हे दाखल करण्यात आले. पोलीस आयुक्त संदीप कर्णिक यांच्या आदेशानुसार, शुक्रवारी (२० जून) सायंकाळी ५ ते रात्री १० या वेळेत सातपूर पोलीस ठाण्याच्या हद्दीत ही मोहीम राबवण्यात आली. पोलीस उपआयुक्त किशोर काळे, सहाय्यक पोलीस आयुक्त सचिन बारी आणि वरिष्ठ पोलीस निरीक्षक प्रकाश अहिरे यांच्या मार्गदर्शनाखाली विविध पथके तयार करून ही कारवाई करण्यात आली. मोहिमेदरम्यान, प्रबुद्ध नगर, अशोक नगर, श्रमिक नगर, सातपूर गाव परिसर आणि पार्सल पॉइंटसह अनेक ठिकाणी उघड्यावर मद्यपान करणारे व टवाळक्या करणारे १०३ जण आढळून आले. तसेच प्रबुद्ध नगर व श्रमिक नगर परिसरात अवैध देशी दारूची विक्री करणाऱ्या दोन जणांवरही पोलिसांनी धडक कारवाई केली. या कारवाईत १३ समन्स बजावण्यात आले, तर जामीनपात्र वॉरंटमधील दोन जणांना ताब्यात घेण्यात आले. सातपूरसह अंबड, इंदिरानगर, एमआयडीसी, देवळाली कॅम्प, उपनगर आणि नाशिकरोड पोलीस ठाण्यांच्या गुन्हे शोध पथकातील अधिकारी व कर्मचाऱ्यांनी या संयुक्त मोहिमेत सक्रिय सहभाग घेतला.

Anil GUNJAL

नाशिक, नाशिक, महाराष्ट्र•

3 hrs ago

शहरातील कायदा व सुव्यवस्था राखण्यासाठी सातपूर पोलिसांनी 'ऑल आऊट कॉम्बिंग ऑपरेशन' राबवले. या विशेष मोहिमेत १०३ टवाळखोरांवर मुंबई पोलीस कायद्यानुसार कारवाई करण्यात आली, तर अवैधरित्या देशी दारूची विक्री करणाऱ्या दोन जणांना ताब्यात घेऊन त्यांच्याविरुद्ध प्रोव्हिबशन अॅक्टच्या कलम ६५ अन्वये गुन्हे दाखल करण्यात आले. पोलीस आयुक्त संदीप कर्णिक यांच्या आदेशानुसार, शुक्रवारी (२० जून) सायंकाळी ५ ते रात्री १० या वेळेत सातपूर पोलीस ठाण्याच्या हद्दीत ही मोहीम राबवण्यात आली. पोलीस उपआयुक्त किशोर काळे, सहाय्यक पोलीस आयुक्त सचिन बारी आणि वरिष्ठ पोलीस निरीक्षक प्रकाश अहिरे यांच्या मार्गदर्शनाखाली विविध पथके तयार करून ही कारवाई करण्यात आली. मोहिमेदरम्यान, प्रबुद्ध नगर, अशोक नगर, श्रमिक नगर, सातपूर गाव परिसर आणि पार्सल पॉइंटसह अनेक ठिकाणी उघड्यावर मद्यपान करणारे व टवाळक्या करणारे १०३ जण आढळून आले. तसेच प्रबुद्ध नगर व श्रमिक नगर परिसरात अवैध देशी दारूची विक्री करणाऱ्या दोन जणांवरही पोलिसांनी धडक कारवाई केली. या कारवाईत १३ समन्स बजावण्यात आले, तर जामीनपात्र वॉरंटमधील दोन जणांना ताब्यात घेण्यात आले. सातपूरसह अंबड, इंदिरानगर, एमआयडीसी, देवळाली कॅम्प, उपनगर आणि नाशिकरोड पोलीस ठाण्यांच्या गुन्हे शोध पथकातील अधिकारी व कर्मचाऱ्यांनी या संयुक्त मोहिमेत सक्रिय सहभाग घेतला.