सुरगाणा तालुक्यातील महत्त्वाची बाजारपेठ असलेल्या बोरगाव येथील पशुवैद्यकीय दवाखान्यावर परिसरातील शेतकरी आणि पशुपालक आपल्या जनावरांच्या उपचारासाठी मोठ्या प्रमाणात अवलंबून आहेत. मात्र, गेल्या जवळपास चार वर्षांपासून या दवाखान्यात कायमस्वरूपी पशुवैद्यकीय अधिकारी नसल्याने दवाखाना केवळ 'शोभेची वस्तू' बनला असून, नागरिकांकडून तीव्र नाराजी व्यक्त केली जात आहे. बोरगाव व आसपासच्या परिसरात मोठ्या प्रमाणावर पशुपालन व्यवसाय केला जातो, जिथे गायी, म्हशी, शेळ्या आणि इतर पाळीव जनावरे आजारी पडल्यास तातडीच्या उपचाराची नितांत गरज असते. पशुवैद्यकीय अधिकारी उपलब्ध नसल्यामुळे पशुपालकांना मोठा मनस्ताप सहन करावा लागत आहे. अनेकदा वेळेवर उपचार न मिळाल्याने जनावरांचा मृत्यू होत आहे, ज्यामुळे पशुपालकांना मोठे आर्थिक नुकसान सोसावे लागत आहे. या परिस्थितीवर संतप्त प्रतिक्रिया व्यक्त करत परिसरातील पशुपालकांनी "एखादा पशू आजारी पडला तर उपचारासाठी डॉक्टरच हवा असतो; पण येथे डॉक्टरच नसल्याने आम्ही कोणाकडे जावे?" असा संतप्त सवाल उपस्थित केला आहे. नागरिकांनी शासनाकडे बोरगाव पशुवैद्यकीय दवाखान्यात तातडीने पशुवैद्यकीय अधिकाऱ्याची नियुक्ती करण्याची मागणी केली आहे. सुरगाणासारख्या आदिवासी व दुर्गम तालुक्याकडे शासन दुर्लक्ष करत आहे का, असा प्रश्नही नागरिकांमध्ये निर्माण झाला असून, पशुपालकांच्या अडचणी लक्षात घेऊन संबंधित विभागाने त्वरित दखल घेऊन रिक्त पद भरून पशुवैद्यकीय सेवा सुरळीत करावी, अशी जोरदार मागणी होत आहे.

Laxman Kisan bagul

Advertising agency सुरगाणा, नाशिक, महाराष्ट्र•

1 hr ago

सुरगाणा तालुक्यातील महत्त्वाची बाजारपेठ असलेल्या बोरगाव येथील पशुवैद्यकीय दवाखान्यावर परिसरातील शेतकरी आणि पशुपालक आपल्या जनावरांच्या उपचारासाठी मोठ्या प्रमाणात अवलंबून आहेत. मात्र, गेल्या जवळपास चार वर्षांपासून या दवाखान्यात कायमस्वरूपी पशुवैद्यकीय अधिकारी नसल्याने दवाखाना केवळ 'शोभेची वस्तू' बनला असून, नागरिकांकडून तीव्र नाराजी व्यक्त केली जात आहे. बोरगाव व आसपासच्या परिसरात मोठ्या प्रमाणावर पशुपालन व्यवसाय केला जातो, जिथे गायी, म्हशी, शेळ्या आणि इतर पाळीव जनावरे आजारी पडल्यास तातडीच्या उपचाराची नितांत गरज असते. पशुवैद्यकीय अधिकारी उपलब्ध नसल्यामुळे पशुपालकांना मोठा मनस्ताप सहन करावा लागत आहे. अनेकदा वेळेवर उपचार न मिळाल्याने जनावरांचा मृत्यू होत आहे, ज्यामुळे पशुपालकांना मोठे आर्थिक नुकसान सोसावे लागत आहे. या परिस्थितीवर संतप्त प्रतिक्रिया व्यक्त करत परिसरातील पशुपालकांनी "एखादा पशू आजारी पडला तर उपचारासाठी डॉक्टरच हवा असतो; पण येथे डॉक्टरच नसल्याने आम्ही कोणाकडे जावे?" असा संतप्त सवाल उपस्थित केला आहे. नागरिकांनी शासनाकडे बोरगाव पशुवैद्यकीय दवाखान्यात तातडीने पशुवैद्यकीय अधिकाऱ्याची नियुक्ती करण्याची मागणी केली आहे. सुरगाणासारख्या आदिवासी व दुर्गम तालुक्याकडे शासन दुर्लक्ष करत आहे का, असा प्रश्नही नागरिकांमध्ये निर्माण झाला असून, पशुपालकांच्या अडचणी लक्षात घेऊन संबंधित विभागाने त्वरित दखल घेऊन रिक्त पद भरून पशुवैद्यकीय सेवा सुरळीत करावी, अशी जोरदार मागणी होत आहे.