उमरखेड येथील महात्मा गांधी चौकातून १० जुलै रोजी सकाळी ७ वाजता ३० भाविक पवित्र अमरनाथ यात्रेसाठी उत्साहात रवाना झाले. बाबा बर्फानी यात्रा या सामाजिक संघटनेच्या वतीने यात्रेचे आयोजन करण्यात आले असून, यात्रेकरूंच्या निरोपावेळी ‘हर हर महादेव’च्या जयघोषाने संपूर्ण परिसर दुमदुमून गेला होता. यावेळी नागरिकांनी मोठ्या संख्येने उपस्थित राहून भाविकांना शुभेच्छा दिल्या. यात्रेकरूंचा प्रवास सुरक्षित आणि आरोग्यदायी व्हावा, या उद्देशाने दत्ता जयराम ससाने बहुउद्देशीय संस्थेच्या वतीने विशेष सेवाभावी उपक्रम राबवण्यात आला. संस्थेचे अध्यक्ष संजय बालाप्रसाद श्रीवास्तव आणि सचिव संजय दत्तात्रय ससाने यांच्या हस्ते भाविकांना पिण्याच्या पाण्याच्या बाटल्या, पौष्टिक फराळ तसेच सर्दी, खोकला व ताप यांसारख्या आजारांवरील आवश्यक औषधांचे वाटप करण्यात आले. संस्थेच्या या उपक्रमाबद्दल भाविकांनी कृतज्ञता व्यक्त केली असून, शहरात या कार्याचे कौतुक होत आहे. यात्रेचे नियोजन बाबा बर्फानी सामाजिक संघटनेचे आयोजक दत्ता माकोडे यांच्या नेतृत्वाखाली करण्यात आले आहे. यात्रेचा प्रवास टप्प्याटप्प्याने होणार असून, उमरखेड ते नांदेड असा प्रवास खाजगी वाहनाने, नांदेड ते जम्मू-तावी असा रेल्वेने आणि पुढे जम्मूहून अमरनाथकडे बसमार्गे भाविक जाणार आहेत.

Shaikh irfan Shaikh isa

उमरखेड, यवतमाळ, महाराष्ट्र•

1 day ago

उमरखेड येथील महात्मा गांधी चौकातून १० जुलै रोजी सकाळी ७ वाजता ३० भाविक पवित्र अमरनाथ यात्रेसाठी उत्साहात रवाना झाले. बाबा बर्फानी यात्रा या सामाजिक संघटनेच्या वतीने यात्रेचे आयोजन करण्यात आले असून, यात्रेकरूंच्या निरोपावेळी ‘हर हर महादेव’च्या जयघोषाने संपूर्ण परिसर दुमदुमून गेला होता. यावेळी नागरिकांनी मोठ्या संख्येने उपस्थित राहून भाविकांना शुभेच्छा दिल्या. यात्रेकरूंचा प्रवास सुरक्षित आणि आरोग्यदायी व्हावा, या उद्देशाने दत्ता जयराम ससाने बहुउद्देशीय संस्थेच्या वतीने विशेष सेवाभावी उपक्रम राबवण्यात आला. संस्थेचे अध्यक्ष संजय बालाप्रसाद श्रीवास्तव आणि सचिव संजय दत्तात्रय ससाने यांच्या हस्ते भाविकांना पिण्याच्या पाण्याच्या बाटल्या, पौष्टिक फराळ तसेच सर्दी, खोकला व ताप यांसारख्या आजारांवरील आवश्यक औषधांचे वाटप करण्यात आले. संस्थेच्या या उपक्रमाबद्दल भाविकांनी कृतज्ञता व्यक्त केली असून, शहरात या कार्याचे कौतुक होत आहे. यात्रेचे नियोजन बाबा बर्फानी सामाजिक संघटनेचे आयोजक दत्ता माकोडे यांच्या नेतृत्वाखाली करण्यात आले आहे. यात्रेचा प्रवास टप्प्याटप्प्याने होणार असून, उमरखेड ते नांदेड असा प्रवास खाजगी वाहनाने, नांदेड ते जम्मू-तावी असा रेल्वेने आणि पुढे जम्मूहून अमरनाथकडे बसमार्गे भाविक जाणार आहेत.