राज्याचे अपर मुख्य सचिव (महसूल) विकास खारगे यांनी आज (२९ मे) जालना जिल्ह्याचा दौरा करत विविध विकास प्रकल्प आणि शासकीय कार्यालयांना प्रत्यक्ष भेट देऊन कामांची पाहणी केली. त्यांच्या दौऱ्याची सुरुवात दरेगाव (ता. जालना) येथील ड्रायपोर्ट प्रकल्पाच्या पाहणीने झाली. यावेळी त्यांनी प्रकल्पाची सद्यस्थिती, उपलब्ध सुविधा आणि भविष्यातील नियोजनाबाबत अधिकाऱ्यांकडून सविस्तर माहिती घेतली, तसेच कामांमध्ये गती आणण्याच्या सूचना दिल्या. यानंतर त्यांनी जालना शहरातील मोतीबाग चौपाटी येथे सुरू असलेल्या सुशोभिकरण कामांची पाहणी करत कामाची गुणवत्ता, प्रगती आणि नागरिकांसाठी निर्माण करण्यात येणाऱ्या सुविधांचा आढावा घेतला. शहर सौंदर्यीकरणाच्या कामांमध्ये दर्जा राखण्याबाबत त्यांनी संबंधित यंत्रणेला निर्देश दिले. त्यानंतर, जालना येथील सिरसवाडी रोडवरील जिल्हा रेशीम कोष बाजारपेठेत भेट देऊन त्यांनी येथील सुविधा आणि कार्यपद्धतीची माहिती घेतली. याव्यतिरिक्त, विकास खारगे यांनी उपअधीक्षक भूमी अभिलेख कार्यालय, सह दुय्यम निबंधक कार्यालय, उपविभागीय अधिकारी कार्यालय, जालना तहसील कार्यालय आणि जालना येथील आपले सरकार सेवा केंद्रास भेट देऊन उपलब्ध सोयी-सुविधांची पाहणी केली. त्यांनी संबंधित कर्मचाऱ्यांशी संवाद साधून नागरिकांना पुरविण्यात येणाऱ्या सेवांची माहितीही घेतली. बदनापूर येथील कृषी विज्ञान/संशोधन केंद्रालाही त्यांनी भेट दिली. महसूल विभागाचे अपर मुख्य सचिव विकास खारगे यांनी अधिकाऱ्यांना कार्यालयीन कामकाज अधिक गतिमान, पारदर्शक आणि नागरिकाभिमुख करण्याच्या सूचना दिल्या.

सय्यद नजाकत

बदनापूर, जालना, महाराष्ट्र•

2 hrs ago

राज्याचे अपर मुख्य सचिव (महसूल) विकास खारगे यांनी आज (२९ मे) जालना जिल्ह्याचा दौरा करत विविध विकास प्रकल्प आणि शासकीय कार्यालयांना प्रत्यक्ष भेट देऊन कामांची पाहणी केली. त्यांच्या दौऱ्याची सुरुवात दरेगाव (ता. जालना) येथील ड्रायपोर्ट प्रकल्पाच्या पाहणीने झाली. यावेळी त्यांनी प्रकल्पाची सद्यस्थिती, उपलब्ध सुविधा आणि भविष्यातील नियोजनाबाबत अधिकाऱ्यांकडून सविस्तर माहिती घेतली, तसेच कामांमध्ये गती आणण्याच्या सूचना दिल्या. यानंतर त्यांनी जालना शहरातील मोतीबाग चौपाटी येथे सुरू असलेल्या सुशोभिकरण कामांची पाहणी करत कामाची गुणवत्ता, प्रगती आणि नागरिकांसाठी निर्माण करण्यात येणाऱ्या सुविधांचा आढावा घेतला. शहर सौंदर्यीकरणाच्या कामांमध्ये दर्जा राखण्याबाबत त्यांनी संबंधित यंत्रणेला

निर्देश दिले. त्यानंतर, जालना येथील सिरसवाडी रोडवरील जिल्हा रेशीम कोष बाजारपेठेत भेट देऊन त्यांनी येथील सुविधा आणि कार्यपद्धतीची माहिती घेतली. याव्यतिरिक्त, विकास खारगे यांनी उपअधीक्षक भूमी अभिलेख कार्यालय, सह दुय्यम निबंधक कार्यालय, उपविभागीय अधिकारी कार्यालय, जालना तहसील कार्यालय आणि जालना येथील आपले सरकार सेवा केंद्रास भेट देऊन उपलब्ध सोयी-सुविधांची पाहणी केली. त्यांनी संबंधित कर्मचाऱ्यांशी संवाद साधून नागरिकांना पुरविण्यात येणाऱ्या सेवांची माहितीही घेतली. बदनापूर येथील कृषी विज्ञान/संशोधन केंद्रालाही त्यांनी भेट दिली. महसूल विभागाचे अपर मुख्य सचिव विकास खारगे यांनी अधिकाऱ्यांना कार्यालयीन कामकाज अधिक गतिमान, पारदर्शक आणि नागरिकाभिमुख करण्याच्या सूचना दिल्या.