தமிழக வெற்றி கழகம் (தவெக) அதிமுக எம்எல்ஏக்களை விலைக்கு வாங்கும் நடவடிக்கையை ஆளுநர் தடுத்து நிறுத்த வேண்டும் என அதிமுக எம்எல்ஏ அக்ரி கிருஷ்ணமூர்த்தி வலியுறுத்தியுள்ளார். மரகதம் குமரவேல், ஜெயக்குமார், சத்யபாமா, இசக்கி சுப்பையா ஆகிய நான்கு அதிமுக எம்எல்ஏக்கள் தங்கள் பதவிகளை ராஜினாமா செய்துவிட்டு தவெக-வில் இணைந்ததை அடுத்து, அதிமுக-வில் கடும் புகைச்சல் ஏற்பட்டுள்ளது. எதிர்க்கட்சித் தலைவர்கள் தவெக மீது குதிரை பேரத்தில் ஈடுபடுவதாக கடுமையான குற்றச்சாட்டுகளை முன்வைத்து வருகின்றனர். இது தொடர்பாக செய்தியாளர்களிடம் பேசிய அக்ரி கிருஷ்ணமூர்த்தி, குதிரை பேரத்தின் மூலம் அதிமுக எம்எல்ஏக்களை விலைக்கு வாங்கும் தவெக-வின் நடவடிக்கையை தடுத்து நிறுத்தக் கோரி அதிமுக பொதுச்செயலாளரும், முன்னாள் முதல்வருமான எடப்பாடி பழனிசாமி ஆளுநருக்கு அளித்த புகார் மனுவை தாங்கள் சமர்ப்பித்துள்ளதாக தெரிவித்தார். இது குறித்து உரிய நடவடிக்கை எடுக்க வேண்டும் என்றும் கோரிக்கை விடுத்துள்ளார். மேலும், தவெக தலைமை செயலகத்தையே தங்கள் கட்சி அலுவலகமாக மாற்றிவிட்டதாகவும் அக்ரி கிருஷ்ணமூர்த்தி குற்றம் சாட்டினார். இது தொடர்பான அதிமுக அறிக்கையில், தமிழகத்தில் நடைபெற்று வரும் குதிரை பேரத்தை தடுத்து நிறுத்த ஆளுநர் உரிய நடவடிக்கை எடுக்க வலியுறுத்தி, எடப்பாடி பழனிசாமி அளித்த மனுவை, இன்று அதிமுக விவசாயப் பிரிவுச் செயலாளரும், திருவண்ணாமலை தெற்கு மாவட்டச் செயலாளரும், சட்டமன்றக் குழு கொறடாவும், முன்னாள் அமைச்சருமான அக்ரி கிருஷ்ணமூர்த்தி மற்றும் ம. தனபால் ஆகியோர் தமிழக ஆளுநரை நேரில் சந்தித்து வழங்கியதாக குறிப்பிடப்பட்டுள்ளது.

N-KIPSRA

மதுரை வடக்கு, மதுரை, தமிழ்நாடு•

1 day ago

தமிழக வெற்றி கழகம் (தவெக) அதிமுக எம்எல்ஏக்களை விலைக்கு வாங்கும் நடவடிக்கையை ஆளுநர் தடுத்து நிறுத்த வேண்டும் என அதிமுக எம்எல்ஏ அக்ரி கிருஷ்ணமூர்த்தி வலியுறுத்தியுள்ளார். மரகதம் குமரவேல், ஜெயக்குமார், சத்யபாமா, இசக்கி சுப்பையா ஆகிய நான்கு அதிமுக எம்எல்ஏக்கள் தங்கள் பதவிகளை ராஜினாமா செய்துவிட்டு தவெக-வில் இணைந்ததை அடுத்து, அதிமுக-வில் கடும் புகைச்சல் ஏற்பட்டுள்ளது. எதிர்க்கட்சித் தலைவர்கள் தவெக மீது குதிரை பேரத்தில் ஈடுபடுவதாக கடுமையான குற்றச்சாட்டுகளை முன்வைத்து வருகின்றனர். இது தொடர்பாக செய்தியாளர்களிடம் பேசிய அக்ரி கிருஷ்ணமூர்த்தி, குதிரை பேரத்தின் மூலம் அதிமுக எம்எல்ஏக்களை விலைக்கு வாங்கும் தவெக-வின் நடவடிக்கையை தடுத்து நிறுத்தக் கோரி அதிமுக பொதுச்செயலாளரும், முன்னாள் முதல்வருமான எடப்பாடி பழனிசாமி ஆளுநருக்கு அளித்த புகார் மனுவை தாங்கள் சமர்ப்பித்துள்ளதாக தெரிவித்தார். இது குறித்து உரிய நடவடிக்கை எடுக்க வேண்டும் என்றும் கோரிக்கை விடுத்துள்ளார். மேலும், தவெக தலைமை செயலகத்தையே தங்கள் கட்சி அலுவலகமாக மாற்றிவிட்டதாகவும் அக்ரி கிருஷ்ணமூர்த்தி குற்றம் சாட்டினார். இது தொடர்பான அதிமுக அறிக்கையில், தமிழகத்தில் நடைபெற்று வரும் குதிரை பேரத்தை தடுத்து நிறுத்த ஆளுநர் உரிய நடவடிக்கை எடுக்க வலியுறுத்தி, எடப்பாடி பழனிசாமி அளித்த மனுவை, இன்று அதிமுக விவசாயப் பிரிவுச் செயலாளரும், திருவண்ணாமலை தெற்கு மாவட்டச் செயலாளரும், சட்டமன்றக் குழு கொறடாவும், முன்னாள் அமைச்சருமான அக்ரி கிருஷ்ணமூர்த்தி மற்றும் ம. தனபால் ஆகியோர் தமிழக ஆளுநரை நேரில் சந்தித்து வழங்கியதாக குறிப்பிடப்பட்டுள்ளது.